Jeremías 50:26 - Biblia Enxet

²⁶ ¡Kólchetámegma kéleñama ekyókxoho yókxexma! ¡Kólmeykessesák atña'ák ma'a apxátamakxa nak hótáhap apaktek! ¡Kólánchesekxa énxet'ák, kólmasséssem! ¡Nágkólém xama enxoho!

Jeremías 50:26 ပူးပေါင်းရင်းမြစ်များ

Isaías 10:6

Eyáphássek ko'o ektamagkok ma'a apheykegkaxa nak énxet'ák megyáyo nak Dios, xama apheykegkaxa selókassamo nak chá'a ko'o, yaqwayam sa' elmenyexchesagkok tén han elyementamagkok ma'a aqsok apagkok ekxámokma élmomnáwa nak, yaqwayam sa' elteyammaha etnéssesek ma'a ektémól'a ólteyammaha yelpa' m'a ámay.

Isaías 14:23

Ekyetnamakxa yelpa' ekmomhápa sa' atnessásekxa' tén han yókxexma apxámokmakxa sawe apkelyawe. Wáxñeksek sa' ma'a kéláxñesso ekmassesseykmoho nak aqsok” Wesse' egegkok ekha nak apyennaqte apxeyenma xa.

Isaías 25:10

Etaqmelchesek sa' Wesse' egegkok ma'a egkexe Sión, keñe sa' ma'a Moab elteyammaha, máxa sa' etnéssesek ma'a ektémól'a pa'at apák kélteyammeykhal'a m'a kélchexakhamakxa nak aqsok apák.

Isaías 45:3

Almések sa' ko'o exchep ma'a aqsok élmomnáwa élpowásamáxche nak, aqsok ekxámokma kélxata nak ma'a kañe' kélpóssamakxa nak chá'a aqsok, yaqwayam sa' ey'asagkoho', ko'o sektáha nak Wesse', Israel Dios apagkok, sekwóneykencha'a exchep.

Isaías 5:26

Apya'ássek néten bandera m'a Wesse' egegkok, apkelmóhéssek nahan apkelwóneyncha'a m'a énxet'ák apheykha nak makhawo'; apkeltamhók elxegmak ma'a énxet'ák apheykha nak makhawók agko' keso náxop. Kaxwók sa' nahan elwak ma'a, ekmanyehe agko' sa' elwa';

Jeremías 50:10

Elyementók sa' aqsok apagkok caldeos, elyementamagkok sa' aqsok apagkok ekwokmoho élleklámegko apkelméyak. Ko'o sekxeyenma xa, sektáha nak Wesse'.

Jeremías 50:13

Hakte ataqnók sa' ko'o, meyke énxet apheykha kañe' sa' atnéssesek, meyke agko' aqsok sa' atnessásekxa'. Elyegweyk sa' chá'a apyókxoho apkelyeykhágwayam enxoho chá'a m'a, apkelwet'a enxoho ektémakxa kéllegassáseykegkoho.

Jeremías 50:15

¡Kólwónches kempakhakma m'a ekyókxoho nepyáwa nak! ¡Apmeyásekpek kaxwók ma'a Babilonia! ¡Apkelyaqnenágkek ma'a tegma netna'awo nak, kélyaqnegkeságkek ma'a kélhaxtegkesso nak nepyáwa! ¡Cháxa sekyaqmagkáseykekxa ko'o sélteméssessamakxa xa: kólyaqmagkásekxa apteméssessamakxa! ¡Kóltemésses apteméssessamakxa axta kéxegke m'a!

Jeremías 50:23

¡Paqxeyk ma'a Babilonia, ekho nak sawo ekyentaxno kéltekpageykha chá'a apyókxoho énxet'ák keso náxop, nekha'a étkók tamhákxa'! ¡Apkelyegwakkek pók aptémakxa énxet'ák apkelwet'a ektáhakxa m'a Babilonia!

Jeremías 50:41

“Apkelánegkókxeyk aptamhágkaxa apmako elxegmak énxet'ák apxámokma apkelyennaqte yetlo apkelxegexma'a kelwesse'e apkelwányam apxámokma apheykencha'a nak ma'a makhawók agko' nak nexcheyha.

Jeremías 51:44

“Añássesagkohok sa' ma'a dios Bel nak Babilonia, ayekxássesek sa' ma'a aqsok élmenaqsapma axta, melyo'ótamók sa' nahan kaxwók ma'a pók aptémakxa énxet'ák. ¡Kelyaqnenágkek kaxwók ma'a kélhaxtegkesso nak Babilonia!

Jeremías 51:64

tén sa' etnehek se'e: ‘Sa' etnehek ewéwagkok Babilonia xa, mopwanchek sa' exnekxak néten neyseksa m'a aqsok ekmaso peya nak yahak Wesse' egegkok.’” Cháxa néxa appeywa Jeremías xa.

Miqueas 7:10

Elwetak sa' nahan ma'a sélenmexma nak, cháxa peya sa' kalmegqaksohok apagko' xa. Hakte axta etnehek chá'a heyának se'e: “¿Háxko aphakxa Dios Wesse' apagkok?”, alanha sa' ko'o kaxwo' kólteyammaha ektémól'a yelpa' m'a ámay nak.