Jeremías 50:24 - Biblia Enxet

²⁴ Babilonia, xép apagko' axta appekkenma kelhanma, métégkok han ekmákxo. Apmákpe', hakte apkenmexeykekxeyk ma'a Wesse' egegkok.

Jeremías 50:24 ပူးပေါင်းရင်းမြစ်များ

Job 15:25

Cháxa ektémakxa énxet aptaqnagko nak chá'a Dios xa, megyeye nak ewanyaha m'a ekha nak Apyennaqte,

Job 40:9

¿Apmeyhek enxeykel'a exchep, sektéma nak ko'o? ¿Kaxtegyawhoya exchep xa appeywa ektéma nak ko'o?

Job 9:4

Awanhók agko' ektémakxa aqsok apya'áseykegkoho m'a Dios, tén han apmopwána, ¿yaqsa awanchek kalátegmoweyxche' tén han katnessásekxak kóneg?

Éxodo 10:3

Apkelxegkek axta apkelya'aweykxo faraón ma'a Moisés tén han Aarón. Aptáhak axta apcháneya s'e: —Exchek aptáhak Wesse' egegkok, aptáha nak hebreos Dios apagkok se'e: ‘¿Háxko ekwánxa kamassegwók ekyennaqte apwáxok nahaqtók ko'o? Yoho elxog énxet'ák ahagkok, yaqwayam sa' hélpeykesho';

Eclesiastés 9:12

Méko ekya'ásegkoho ekwánxa kammok néxa ekhem agkok: ekhawo ektémakxa nak kelasma kólmok yám'én, keñe náta ma'a kelhanma, cháxa ektémakxa nak han énxet xa, katlakkasek aqsa chá'a káhapwak aqsok ekmaso neyseksa melhaxanma.

Isaías 13:11

Aptáhak Wesse' egegkok se'e: “Allegássesagkohok sa' ko'o apyókxoho énxet'ák eñama apkeltémakxa élmasagcha'a, keñe sa' ma'a énxet'ák élmasagcha'a agko' nak apkeltémakxa allegássesagkohok eñama m'a apkelánéyák aqsok ekmaso agko'. Amasséssessók sa' ko'o ektémakxa nak éleymáxkoho apkelwáxok ma'a énxet'ák apkeleymákpoho nak, mékoho sa' ko'o atnessásekxak ma'a megyésso nak eleykpoho tén han ma'a megkalyexnegwayam nak chá'a apkelpeywa elwanyaha apnámakkok.

Isaías 45:9

Aphawók pók ma'a yátegwáxwa, mopwanchek elátegmoweykpok ma'a ektáha nak apkelane. Megkatnehek kának yelpa' ektáha nak apkelane s'e: “¿Yaqsa apkelana?”, Megkatnehek nahan kának apkelane nak chá'a aqsok étkók éltaqmalma s'e: “Mopwanchek xép aptamheykha.”

Jeremías 48:43

Cháxa keñamak sektáha nak ko'o sekpeywa, ko'o sektáha nak Wesse': Máxa aqsok nawha'ák sa' etnahagkok ma'a énxet'ák Moab, apmenxeneykhal'a apkelnempaqwayam, essenhan ma'a ketók ekpalleykemxal'a máxek, tén han élmomakxa kelhanma.

Jeremías 48:44

Máxek sa' etyamok chá'a m'a apyexánegkesso nak chá'a apkelnempaqwáméyak, keñe sa' ma'a apteyapma nak chá'a kañe' máxek kamok kelhanma, hakte wahak sa' ko'o apkellegeykegkoho m'a énxet'ák Moab. Ko'o sekxeyenma xa, sektáha nak Wesse'.

Jeremías 51:57

Aptáhak Wesse' Apwányam, Wesse' ekha nak apyennaqte s'e: “Annáhakkasek sa' ko'o anmen ma'a apkelámha apmonye'e nak Babilonia, tén han ma'a apkelmopwancha'a nak aqsok, tén han ma'a apkeltaqmelchesso nak apkelókxa yetlo apkeláneykha, tén han sẽlpextétamo apagkok, keñe sa' enaqtének meyke néxa, menaqxétekhagkek sa'.

Jeremías 51:8

Axta eyke kawenaqtémok apteyekmo m'a Babilonia aptamheykekxo nápakha'a apketkók. ¡Kóllekxagwaha kóllanok ma'a! Kólsantagkas pánaqte yaqwayam kóltexnássesagkok apkelyense, lapmaxcheyk sa' kaltaqmelchessessók.”