Jeremías 50:20 - Biblia Enxet

²⁰ Ektáhak ko'o sekpeywa s'e, sektáha nak Wesse': Megkóteyaxcheyk sa' apkelsexnánémap tén han melya'assáxma énxet'ák Israel, tén han Judá xa ekhem nak, hakte mayaqmagkásekxeyk sa' ko'o apkeltémakxa axta m'a énxet'ák seyhayo nak elweynchamha makham.

Jeremías 50:20 ပူးပေါင်းရင်းမြစ်များ

Salmos 103:12

Makhawók chá'a hegya'ássesek ma'a mólya'assáxma nak negko'o, ekhawo ektémakxa nak ekyetno makhawók mók ma'a teyapmakxa ekhem tén han taxnegwánxa ekhem.

Salmos 17:3

Apya'ásegkok xép élchetámeykha ewáxok; axta'a chá'a hey'ótak hélanha; apkelányók xép sektémakxa ektémól'a kóllanok ektémakxa ektaqmalma kólwatnek ma'a sawo, meteyk xama enxoho ekmaso sektémakxa. Maxeyenmak ma'a aqsok megkapayhawo nak axének

Salmos 85:3

Apkelwátessamók agko' aplo, tén han apkeltaqnawéyak énxet'ák apagkok.

Isaías 1:9

Axta agkok negko'o hẽleykmok egqántawók ma'a Wesse' ekha nak apyennaqte, aghágwakxohok axta m'a ektémakxa axta énxet'ák apheykha axta m'a tegma apwányam Sodoma tén han ma'a Gomorra.

Isaías 10:21

Etnekxak sa' makham melya'ásseyam Dios ekha nak apmopwána apkeleymomap nak apqántawók ma'a Jacob énxet'ák apagkok.

Isaías 33:24

Méko sa' xama énxet etnehek appeywa s'e: “Ekháxexcheyk ko'o.” Meyaqmagkásekxeyk sa' mók Dios melya'assáxma m'a énxet'ák apheykha nak Sión.

Isaías 43:25

“Ekmasséssek eyke aqsa ko'o m'a aqsok ekmaso nak apkelane eñama sekteme Dios apagkok, megkaxénwakxók sa' chá'a ewáxok ma'a mey'assáxma nak.

Isaías 44:22

Máxa yaphope ekmassegwayam la'a aqsa ekteméssessók ko'o sekmassesseykmo m'a aqsok megyaqhémo nak tén han ma'a mey'assáxma. Hey'óta ko'o makham, hakte ko'o axta sekwagkasso teyp xép.”

Jeremías 31:34

Kamaskok sa' kaxwók elxekmósek pók, tén han apkelxegexma, tén han ma'a apnámakkok apancha'awo nak, yaqwayam enxoho hey'asagkohok ko'o, hakte hey'asagkohok sa' ko'o apyókxoho énxet, cham'a ekyawe nak kéláyo, ekweykekxoho m'a meyke nak kéláyo. Mayaqmagkásekxeyk sa' ko'o aqsok ekmaso apkelánéyak, megkaxénwakxók sa' chá'a kaxwók ewáxok ma'a melya'assáxma nak. Ko'o sekxeyenma xa, sektáha nak Wesse'.”

Jeremías 33:15

Wokmek sa' agkok xa ekhem nak, wának sa' ko'o exek xama aptáwen neptámen apagko' ma'a David, etnehek sa' ekpéwomo apkelánekxésso apheykha énxet'ák ma'a apchókxa, tén han ekpéwomo aptémakxa.

Jeremías 33:8

Aláxñassásekxak sa' ekyókxoho melya'assáxma apkeláneykegko axta sénmexeykekxo ko'o; mayaqmagkásekxeyk sa' ekyókxoho m'a apkeltémakxa ekmaso apkeláneyak, tén han ma'a sénmexeykekxa axta ko'o.

Jeremías 44:14

Melegketakpek sa' xama enxoho m'a énxet'ák Judá, apkeleymomap axta, apkelmahéyak apkelhayam ma'a Egipto, méko sa' xama enxoho yeymakpok. Emáwhok sa' eyke elmeyenták makham Judá, yaqwayam elhaták makham ma'a, melwateyk sa' eyke, melxeganakmo enxoho apqántawo.’”

Jeremías 50:4

Aptáhak Wesse' egegkok se'e: “Ellekxagwenták sa' elchexyamok énxet'ák Israel tén han Judá xa ekhem nak, hektamok ko'o, sektáha nak Dios Wesse' apagkok.

Lamentaciones 4:22

Sión, massegwokmek kaxwók xeye' eklegeykegkoho; metekkesek sa' kaxwók Wesse' egegkok ey'aksek megkatnahakxa eyókxa'. Keñe sa' xeye' Edom, eñássesagkohok sa' ektémakxa ekmaso, yáxña'akxoho sa' epekkenchásekxak ektémakxa megkay'assáxma.

Ezequiel 18:22

Megkaxénwakxók sa' nahan chá'a ko'o ewáxok ma'a ekyókxoho aqsok ekmaso axta apkelane, eweynchamha sa' chá'a eñama apkelane m'a aqsok ekpéwomo.

Miqueas 7:19

Kapyósho makham henlanok negko'o, élteyammekxa nentémakxa ekmaso. Eyenyow mólya'assáxma m'a éttawanyexa agko' nak wátsam ekwányam.

Sofonías 3:12

Alheyásekxak sa' ko'o kélnepyeseksa kéxegke m'a énxet'ák kéltemessáseykekxa nak meyke éleymáxkoho apkelwáxok tén han mékoho, yaqwayam sa' melya'ássók ma'a sekwesey nak.

Zacarías 3:9

Ekpekkenchessek ko'o apmonye' Josué xama meteymog siete nekhaw'ék, ko'o ahagko' sa' nahan alqahaksek ektémakxa eknaqtáxésamaxche. Keñe sa' xama ekhem agko' amasseksek apkeltémakxa melya'assáxma énxet'ák se'e apchókxa nak.

Números 23:21

Méko ekweteya apkeltémakxa apkelmopwancha'a amya'a, tén han melya'assáxma m'a énxet'ák Israel, Jacob énxet'ák apagkok nak. Apheyk nepyeseksa ma'a Dios Wesse' apagkok, apkeltemegkek chá'a wesse' apwányam apagkok.