Jeremías 50:15 - Biblia Enxet

¹⁵ ¡Kólwónches kempakhakma m'a ekyókxoho nepyáwa nak! ¡Apmeyásekpek kaxwók ma'a Babilonia! ¡Apkelyaqnenágkek ma'a tegma netna'awo nak, kélyaqnegkeságkek ma'a kélhaxtegkesso nak nepyáwa! ¡Cháxa sekyaqmagkáseykekxa ko'o sélteméssessamakxa xa: kólyaqmagkásekxa apteméssessamakxa! ¡Kóltemésses apteméssessamakxa axta kéxegke m'a!

Jeremías 50:15 ပူးပေါင်းရင်းမြစ်များ

1 Crónicas 29:24

Keñe m'a apyókxoho apkelámha apmonye'e nak tén han ma'a kempakhakma yapmék, ekweykekxoho m'a wesse' apwányam David apketchek nak, apkelxéna epasmok ma'a wesse' apwányam Salomón.

2 Crónicas 30:8

Nágkólteme élyennaqte kélwáxok, aptamheykegko axta m'a kélyapmeyk nano'; kólya'assásekxa kélmék Wesse' egegkok, yaqwayam enxoho kóllánekxak ekhémo mók kélpaqhetchásamáxkoho, kólmeyenta m'a tegma appagkanamap apagkok nak, apteméssessama axta appagkanamap meyke néxa. Kóllána apkeltémo nak chá'a kóllának ma'a Dios Wesse' kélagkok, keñe sa' kamaskok eltaqnaweygkok kéxegke.

Salmos 149:7

yaqwayam enxoho kólyaqmagkásekxak apteméssessamakxa m'a melya'áseyak nak Dios, tén han kóllegássesagkohok ma'a pók énxet'ák nak,

Salmos 94:1

Wesse' Dios, apyaqmagkáseykekxoho nak chá'a nentémakxa, henxekmósap.

Isaías 59:17

Apcháhakkásekpek axta m'a aptémakxa ekpéwomo, ektémól'a m'a negákkásamáxchel'a, apketchessek axta apqátek ma'a nélwagkásamáxche teyp, ektémól'a m'a sẽlpextétamo apketchesso apqátek, aptaxnékxeyk axta m'a negyaqmagkáseykekxa nak sẽlteméssesakxa ektémól'a m'a nentaxno apwenaqtél'a, apchaqlákpek axta m'a aplo ektémól'a agaqlaxchek ma'a yát'apáwa.

Isaías 59:18

Egkések sa' chá'a Wesse' egegkok xama m'a ekpayhawo nak chá'a egkések; ellegássesagkohok sa' ma'a apkelenmexma nak. Egkések sa' chá'a ekpayhawo nak chá'a egkések ma'a aptaqnagko nak chá'a; kawakxohok sa' nahan ma'a apheykha nak apkelókxa neyáwa wátsam ekwányam.

Isaías 61:2

eyáphássek axta nahan altennaksek énxet'ák ekwa'a m'a ekhem yaqwánxa nak elwagkasek teyp Wesse' egegkok ma'a énxet'ák, ekhem yaqwánxa nak heghésseshok mók Dios egagkok senteméssessamakxa m'a sẽlenmexma nak. Eyáphássek axta yaqwayam alpeykessásekxak apkelwáxok apyókxoho m'a élyaqhápeykha nak apkelwáxok,

Isaías 63:4

Xeyenmeyk axta ko'o ewáxok xama ekhem axnéshok mók apkeltémakxa m'a sélenmexma; wokmek kaxwók ekhem yaqwánxa alwagkasek teyp ma'a énxet'ák ahagkok.

Jeremías 46:10

Cháxa Wesse' ekha apyennaqte ekhem apagkok xa, yaqwayam sa' eyaqmagkásekxak apkeltémakxa m'a apkelenmexma nak. Kalnápok sa' sókwenaqte ekwokmoho éleklakmo, tén han ekwokmoho ekyeykesáxma m'a éma apagkok nak. Hakte elnápok sa' énxet'ák Wesse' ekha apyennaqte m'a apchókxa ekpayho nak nexcheyha, neyáwa nak wátsam Éufrates.

Jeremías 50:14

“¡Kóllánekxa kélchaqneykha kélmeykha nak yágke, kólwakhegwom Babilonia! ¡Kólyáta' ekyókxoho yágke aktek kélagkok, hakte apkeláneykegkek melya'assáxma nahaqtók ko'o m'a, sektáha nak Wesse'!

Jeremías 50:25

Apmeykásekxeyk átog Wesse' egegkok ma'a apxátamakxa nak chá'a apkelmeykha apkenchesso kempakhakma, apkelhaxyawássekxeyk apkelmeykha, hakte aplóke', yetneyk han aqsok yaqwayam elának Wesse' ekha nak apyennaqte neyseksa m'a caldeos apchókxa.

Jeremías 50:44

“Katlakkasek sa' ko'o axegma', ektémól'a yámakméwa katyapok ma'a naxma ekyentaxno neyáwa Jordán, ekmahéyak la'a chá'a m'a yókxexma ekhakxa nak pa'at axnagcha'ák, sa' ko'o amenxenek énxet'ák Babilonia m'a, wának sa' ko'o etnehek apkeláneykha apchókxa m'a énxet sélyéseykha nak ko'o. Hakte ¿yaqsa awanchek ko'o hexnésaxkoho'? ¿Yaqsa awanchek ko'o hélyekkónaxche'? ¿Yaqsa keláneykha nepkések apwanchek hénmexekxak ko'o?

Jeremías 51:11

Peyk emasséssók Wesse' egegkok ma'a Babilonia, apnaqxétekhássásegkek han apkelwáxok ma'a kelwesse'e apkelwányam nak Media. Cháxa yaqwayam eyaqmagkásekxak Wesse' egegkok apteméssessamakxa axta m'a tegma appagkanamap apagkok. ¡Kóllánekxa yágke aktek kélagkok! ¡Kólmák sa' kéláhakkásamáxche!

Jeremías 51:14

Aptáhak apxéna ekmámnaqsoho Wesse' ekha nak apyennaqte s'e: “¡Wáhakkassak sa' ko'o exchep apkelenmexma, aptémól'a sawa', elátsaha sa' nepyeseksa exchep elmallánek ma'a!”

Jeremías 51:24

“Kélnápaqta'awók sa' kéxegke ayaqmagkásekxak apkeltémakxa m'a énxet'ák Babilonia, tén han ma'a caldeos, ekpayhawo nak chá'a atnéssesek, eñama ekmaso apteméssessamakxa axta m'a Sión. Ko'o sekxeyenma xa, sektáha nak Wesse'.

Jeremías 51:25

Énmexchek ko'o exche' meteymog ekwenaqte ekmassesseykmoho nak aqsok, ekmasseseykmo nak aqsok ekyókxoho keso náxop. Ko'o sekxeyenma xa, sektáha nak Wesse'. Añássesagkohok sa' ko'o exche', eyttelegwásenták sa' eñama m'a néten meteymog élwenaqte nak, egkexe ekmeyesma sa' atnéssásekxa'.

Jeremías 51:30

Apkelwáteságkek apkempakhe m'a sẽlpextétamo Babilonia, apkelhákxeyk ma'a tegma apkelyennaqte apagkok nak; massék apkelyennaqte, máxa kelán'ák aptamhágkokxa'. Apkelántaxneykpek ma'a tegma apkelyawe apagkok nak, kélwatneyásekxeyk ma'a apxanák.

Jeremías 51:36

Aptáhak Wesse' egegkok se'e: “Alánekxések sa' ko'o exchep amya'a kélteméssessamakxa, ayaqmagkassásekxak sa' ko'o apteméssessamakxa exchep ma'a apkelenmexma. Eymaksek sa' ko'o m'a wátsam, tén han ma'a élánteyapmakxa nak yegmen Babilonia,

Jeremías 51:44

“Añássesagkohok sa' ma'a dios Bel nak Babilonia, ayekxássesek sa' ma'a aqsok élmenaqsapma axta, melyo'ótamók sa' nahan kaxwók ma'a pók aptémakxa énxet'ák. ¡Kelyaqnenágkek kaxwók ma'a kélhaxtegkesso nak Babilonia!

Jeremías 51:58

Ektáhak ko'o sekpeywa s'e, sektáha nak Wesse' ekha sekyennaqte: Kólyaqnegkesek sa' ekyókxoho m'a kélhaxtegkesso ekyawe nak ekpayhakxa m'a Babilonia, kólwatnekxak sa' ma'a átog apagkok élyawe nak. Kaqhok sa' chá'a eltemeykha énxet'ák, hakte táxa sa' kalwatnések chá'a m'a apkelwasqápeykekxoho nak apkelánéyak.”

Jeremías 51:6

“¡Kólántép Babilonia! ¡Kólwagkasaxche teyp kélewagko enxoho! ¡Nágkóltamho kóletsapok eñama apkeláneyak melya'assáxma m'a énxet'ák Babilonia! Wokmek kaxwók sekyaqmagkáseykekxexa mók apkeltémakxa, axnéshok sa' mók ma'a ektémakxa nak chá'a aqsok apkeláneyak.

Jeremías 51:64

tén sa' etnehek se'e: ‘Sa' etnehek ewéwagkok Babilonia xa, mopwanchek sa' exnekxak néten neyseksa m'a aqsok ekmaso peya nak yahak Wesse' egegkok.’” Cháxa néxa appeywa Jeremías xa.

Lamentaciones 5:6

Nélmaxneyeykha axta chá'a nentéyak ma'a egipcios tén han asirios.

Ezequiel 17:18

hakte melanék ma'a apxeyenma axta elána', melaneyk nahan ma'a ekhémo mók apkelpaqhetchásamákpoho; apxeyenmeyk axta elána' keñe apteméssessama xa ektáha nak. Megkatnehek sa' megyetsapma.

Ezequiel 21:22

Tekkek axta nahan apkelya'assamakxa kélqahasso éltennasa m'a Jerusalén, cháxa éltennasa axta eyeyméxko kaxwók ektamagkok ma'a, yetlo apkelmeykha m'a apkenchesso nak chá'a apkelnápomap tén han yának kalanaxchek kaxwók nentekyawa, tén han elpáxamha ekyennaqte yempakha', ektamagkok nahan ma'a atña'ák apagkok nak, tén han elanagkok xama nélyetlamakxa néten tén han ewakhekxak ma'a ekyókxoho nepyáwa' nak.

Nahúm 1:2

Wesse' egegkok apteme Dios, sẽlmeyeykha, tén han apyaqmagkáseykekxa nak chá'a mók kélteméssesakxa: eyaqmagkásekxak chá'a apteméssesakxa m'a ektáha nak chá'a apkenmexeykekxa, eltaqnaweygkok chá'a m'a apkelenmexma nak.

Deuteronomio 32:35

yaqwayam sa' amha m'a ekhem sekheyásawo sa' mók apkeltémakxa, sekmésa sa' apkellegeykegkoho ekpayhawo nak chá'a agkések, ekwokmo sa' apkelyaqnenágko keso náxop. Chágketwokmek ekhem yaqwánxa kólmasséssók, ¡Ketók agko' kaxwók ekhem!’

Deuteronomio 32:41

ekmaxneyákxeyk sa' agkok sókwenaqte élyenma ahagkok tén han seyeynawo sa' yaqwayam alyekpelkoho', axnéshok sa' ko'o mók setnéssessamakxa m'a sélenmexma nak. ¡Agkések sa' apkellegeykegkoho ekpayhawo nak chá'a yaqwayam agkések ma'a ektáha nak chá'a setaqnagko!

Deuteronomio 32:43

“¡Énxet'ák, kélheykha nak ekyókxoho apchókxa, kalpayhekxa kélwáxok xamo' ma'a Dios énxet'ák apagkok! ¡Sa' exnésseshok mók aptekyawa apkeláneykha m'a, exnésseshok sa' mók apteméssessamakxa m'a apkelenmexma nak, yásekhekxohok sa' ma'a apchókxa nak tén han ma'a énxet'ák apagkok!”

Josué 6:20

Apkelwehéseyha axta énxet'ák tén han apkelpáwasa apkelmaxnéssesso Dios énxet'ák apagkok ma'a apkelaqkahasso. Xama axta apkelleg'a énxet'ák Israel élpáwa m'a apkelaqkahasso nak, keñe apkeleynawo apkelyennaqtéssawo apkelwehéseykha, yetlókok axta élyaqnenéyak ma'a kélhaxtegkesso nak nápakhaw'ék tegma apwányam. Apketámegkek axta ekpayhókxa nak apkelenmexma m'a tegma apwányam, tén axta apma.

Josué 6:5

Kélleg'ak sa' agkok kéxegke ekpáwà ekwenaqte m'a apchaqkahasso meyke ekhémo m'a mók nak, nágkóléságkoho aqsa kólwehesha, keykpentágwomhok sa' élyaqnenéyak ma'a kélhaxtegkesso nak tegma apwányam nápakhaw'ék, tén sa' kólchetamagkok kélyókxoho m'a tegma apwányam nak.”

1 Samuel 15:33

Axta aptáhak apcháneya Samuel se'e: —Sókwenaqte apagkok keñamak ekteméssesso meyke étchek ekxámokma agko' kelán'ák. Sa' han kólteméssesek ma'a egken nak xép, meyke étchek. Yetlókok axta han apkelyaqtennéyak Samuel apteméssesa nápakha'a apketkók ma'a ekpayho nak Guilgal, nápaqtók Wesse' egegkok.