Jeremías 5:9 - Biblia Enxet

⁹ ¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak?

Jeremías 5:9 ပူးပေါင်းရင်းမြစ်များ

Proverbios 6:29

Énxet ektáha enxoho appathetéyak ma'a megkatnaha nak aptáwa', kóllegássesagkohok sa'.

Isaías 1:24

Cháxa keñamak Wesse' ekha nak apyennaqte, Apyennaqte apagko' nak ma'a Israel, aptáha appeywa s'e: “¡Wánxa kólteme! Allegássesagkohok sa' ko'o m'a sélenmexma nak. Ayaqmagkásekxak sa' mók ma'a apkeltémakxa nak.

Isaías 57:6

“Énxet'ák Israel, kélmenyeyk kéxegke kólpeykeshok ma'a meteymog éláxñeyo éleñama nak neyseksa yegmen ényé, hakte yetneyk xama kélhamakxa kéltaqmelchessesso kéxegke m'a. Kólexpaqheykha chá'a vino kélmésso naqsa kélagkok ma'a, kólmések chá'a m'a aqsok aktek nentómo nak ekyexna. ¿Kapayhekxaya sa' ko'o ewáxok natámen sekwete ekyókxoho xa aqsok nak?

Jeremías 23:2

Aptáhak Wesse' egegkok, Dios apagkok nak Israel apkeláneya keláneykha nepkések, apkeláneykha nak chá'a m'a énxet'ák apagkok: “Kélhayók kéxegke aptekyóma m'a nepkések seknaqtósso, kélmenxenme', megkólláneykha. Ataqmelchesagkohok sa' ko'o allegássesagkohok kéxegke, eñama ekmaso aqsok kélláneyak. Ko'o sekxeyenma xa, sektáha nak Wesse'.

Jeremías 32:31

Selókaséyak aqsa chá'a ko'o aptemék se'e tegma apwányam nak, eyeynamo m'a sekxók axta apkelánamákpo, ekwokmoho makham se'e kaxwo nak. Cháxa keñamak peya nak ko'o amasséssók,

Jeremías 44:22

Massegkek axta eyke apkelenmáxamap Wesse' egegkok ma'a aqsok ekmaso kélláneyak, kélláneykegko axta kéxegke, cham'a aptaqnagkamo apagko' nak chá'a m'a. Cháxa keñamak ektamheykekxo nak kaxwók ekmaso kélókxa kéxegke tén han meyke xama énxet apha m'a; éñamakxa néltémo hentemegwomhok exma ekmaso tamheykekxa', aqsok eyeymáxkohol'a kataxche'.

Jeremías 5:10

¡Elántaxnegwak sa' apkelenmexma m'a, etwássesha sa' ma'a anmen yámet apkeneykekxa, mesawhók sa' eyke ekyókxoho! ¡Elekkexchesek sa' ma'a aktegák nak, hakte háwe ko'o kaxwók anmen yámet séneykekxa m'a!

Jeremías 5:29

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak? Ko'o sekxeyenma xa, sektáha nak Wesse'.

Jeremías 6:11

Wesse', lanawók ko'óxa ewáxok xeyep aplo; mowanchek kaxwók sekmako amágwakxa'.” Aptáhak axta ko'o seyáneya Wesse' egegkok se'e: “Eyenyenta nepyeseksa m'a wokma'ák apkelweynchámeykha nak ámay, nepyeseksa nak ma'a wokma'ák apyaqyeyáseykha nak apkelweynchámeykha. Elmakpok sa' ma'a énxet'ák yetlo apnaqteyegka'a, tén han ma'a apkelwányamók apagko' nak.

Jeremías 6:6

Aptáhak Wesse' egegkok ekha nak apyennaqte s'e: “¡Kólyaqtén sa' yenta'a, kóllána sa' kélyetlamakxa néten, yaqwayam sa' kólchetamagkok ma'a Jerusalén! Apxénamakpek kóllegássesagkohok xa tegma apwányam nak, hakte sawheykekxók apnaqtawáseykegkoho apnámakkok énxet'ák ma'a kañe' nak.

Jeremías 9:8

Máxa yágke aktek segaqhamól'a m'a apkelpeywa nak, apkelmopwancha'a amya'a chá'a etnahagkok. Kaltaqmalmakha chá'a apkelpeywa elának apnámakkok, keytna katnehek apkelwáxok yaqwánxa etnéssesek.

Jeremías 9:9

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak? Ko'o sekxeyenma xa, sektáha nak Wesse'.

Lamentaciones 3:42

Nenláneykegkek negko'o mólya'assáxma, nénmexeykekxeyk han, keñe axta exchep mehẽlásekheykekxoho.

Lamentaciones 4:22

Sión, massegwokmek kaxwók xeye' eklegeykegkoho; metekkesek sa' kaxwók Wesse' egegkok ey'aksek megkatnahakxa eyókxa'. Keñe sa' xeye' Edom, eñássesagkohok sa' ektémakxa ekmaso, yáxña'akxoho sa' epekkenchásekxak ektémakxa megkay'assáxma.

Ezequiel 7:9

Megkapyósek sa' ko'o alano' xép; añássesagkohok sa' eñama aptémakxa, axnéssekxohok sa' mók ma'a ekwánxa nak apkelane aptémakxa ekmaso agko'. Keñe sa' kólya'ásegwók kéxegke, ektáha ko'o seklegassáseykegkoho, ko'o sektáha nak Wesse'.

Oseas 2:13

Añássesagkohok sa' ko'o ektémakxa axta m'a nentámen axta élméssama axta chá'a kéleykmássesso m'a aqsok ekmátsa nak ekpaqneyam éten agkok, élnáxegkáseykencha'a axta chá'a élatchessessama aphék ma'a élatchesso aphék, tén han élnatanma, yaqwayam kalyetlók ma'a élpathetéyak nak chá'a, ekmassama axta ekxeyenma awáxok ko'o. Ekxénchek ko'o xa, sektáha nak Wesse'.

Oseas 8:13

Aqsok ektekyawa aqsa apmenyeyk ma'a, keñe elnápok chá'a, etawagkok chá'a ápetek ma'a aqsok ektekyawa nak; megkalchehek eyke chá'a ko'o ewáxok xa aqsok nak, ko'o sektáha nak Wesse'; kaxének sa' ewáxok ma'a apkeltémakxa ekmaso apkeláneyak nak, allegássesagkohok sa' eñama melya'assáxma wának eltaqhohok makham ma'a Egipto.

Levítico 18:25

tén han ektéma ekmanyása m'a apchókxa; cháxa keñamak seklegassáseykegkoho nak ko'o, eñama ektémakxa ekmaso, kelántekkessegkek han xapop ma'a apheykha nak awáxok.

Levítico 26:25

Wahak sa' ko'o kéxegke kempakhakma eñama megkólláneyak ma'a ekhémo mók nélpaqhetchásamáxkoho ahagkok nak; kólenyahagkok sa' chá'a kéxegke kólmeyekxak ma'a tegma apkelyawe kélagkok nak, wáphássesek sa' eyke ko'o negmasse, keñe sa' kéxegke elmok ma'a kélenmexma.

Nahúm 1:2

Wesse' egegkok apteme Dios, sẽlmeyeykha, tén han apyaqmagkáseykekxa nak chá'a mók kélteméssesakxa: eyaqmagkásekxak chá'a apteméssesakxa m'a ektáha nak chá'a apkenmexeykekxa, eltaqnaweygkok chá'a m'a apkelenmexma nak.

Deuteronomio 32:35

yaqwayam sa' amha m'a ekhem sekheyásawo sa' mók apkeltémakxa, sekmésa sa' apkellegeykegkoho ekpayhawo nak chá'a agkések, ekwokmo sa' apkelyaqnenágko keso náxop. Chágketwokmek ekhem yaqwánxa kólmasséssók, ¡Ketók agko' kaxwók ekhem!’

Deuteronomio 32:43

“¡Énxet'ák, kélheykha nak ekyókxoho apchókxa, kalpayhekxa kélwáxok xamo' ma'a Dios énxet'ák apagkok! ¡Sa' exnésseshok mók aptekyawa apkeláneykha m'a, exnésseshok sa' mók apteméssessamakxa m'a apkelenmexma nak, yásekhekxohok sa' ma'a apchókxa nak tén han ma'a énxet'ák apagkok!”