Jeremías 5:3 - Biblia Enxet

³ Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Jeremías 5:3 ပူးပေါင်းရင်းမြစ်များ

Génesis 19:34

Keñe axta mók ekhem ektáha eyáneya yáxeg ma'a katnaha étkok nak: —Ekpathetágkek xeyk ko'o táta m'a axta'a exchek, agaqhassásekxak sa' makham anmen se'e axta'a nak, yaqwayam sa' kapathetagkok xeye'; keñe sa' egqánet agwetaksek apketchek apagko'.

1 Reyes 13:33

Axta han eyenseykmok aptémakxa ekmaso Jeroboam, apweteyak axta eykhe m'a ektémakxa axta, aptemessáseykegkokxeyk axta aqsa makham apkelmaxnéssesso aqsok kéláyókxa m'a énxet'ák agkok, nepyeseksa m'a énxet'ák, yaqwayam eltemeykha chá'a m'a kélpeykessamókxa nak kéleykmássesso, cham'a egkexe nak chá'a. Etnésseshok axta chá'a apkelmaxnéssesso kéleykmássesso énxet'ák agkok Jeroboam ma'a apkelmopmenyého axta chá'a, cham'a kélpeykessamókxa nak.

2 Reyes 1:13

Ántánxo axta táhak apcháphasso wesse' apwányam ma'a pók sẽlpextétamo apkemha apmonye' yetlo apkelxegexma'a makham ma'a cincuenta sẽlpextétamo. Wánxa agkok xa aptáhakxa nak apqántánxo kéláphasso sẽlpextétamo apkemha apmonye', apchánteyk axta apyo'ókmo m'a aphakxa axta Elías, keñe apkeltekxekwokmo aptapnák apmonye' m'a, aptáhak axta apcháneya: —Dios appeywa aplegasso, náheyaqha aqsa ko'o tén han se'e cincuenta ektáha nak xép apkeláneykha;

2 Crónicas 16:9

Apkeláneykha Wesse' egegkok ekyókxoho ektémakxa nak chá'a keso nélwanmeygkaxa, yaqwayam egkések chá'a apkelyennaqte m'a ektáha nak chá'a apcháyo ekmámnaqso' agko'. ¡Máxa ekyeyháxma eyke aptáhak xép aptáha kaxwo' xa ektáha nak! Katepagkok sa' eyke exchep kaxwók apkempakhamap.”

2 Crónicas 28:22

Apweteyak axta eykhe xa ekmaso nak apha, apkelenxáneykmek axta aqsa melyaheykekxa m'a Wesse' egegkok. ¡Cháxa aptémakxa axta wesse' apwányam Ahaz xa!

Salmos 51:6

Naqsók chá'a exchep yásekhohok ma'a megkeyxamaxkoho nak chá'a apwáxok, egkéssegkek sekya'áseykegkoho ekweykmoho kañók agko' nak élchetámeykegkaxa ewáxok.

Salmos 51:8

Hegkeyásekxa makham ekpayheykekxa agko' ewáxok, tén han ekmátsa, hepeykessásekxa makham ewáxok, neyseksa eykhe seyaqhakkassáseykha ewáxok tén han seháxésso.

Salmos 55:20

Apkelxegexma'a apagko' apkenmexeykekxa'; meláneykegkok ma'a aptémakxa axta apkelpaqmeyesma yaqwayam elásekhakpoho'.

Proverbios 21:29

Yának chá'a keynnák aptáhakxa m'a énxet ekmaso nak aptémakxa'; ey'asagkohok eyke chá'a aptémakxa m'a énxet meyke nak aptémakxa'.

Proverbios 22:12

Elanha chá'a Wesse' egegkok ma'a énxet apya'áseykegkoho nak aqsok, metnéssesek eyke chá'a naqso' aptáhakxa enxoho m'a énxet apmopwána nak chá'a amya'a.

Proverbios 23:35

tén sa' etnehek se'e: “Éltekpagáha eykhe, makke añégkok ekmáske; élyekpexchetáha eykhe han, makke han ay'ásegkok; ekxátekhágwokmek sa' agkok éllawa enxoho sekya, keñe sa' ataqhohok ategyágwakxak makham mók vino.”

Proverbios 27:22

Kóltekxók eykhe yetlo aqsok aktek ma'a énxet ekyeyháxma nak, megkamassehek eyke apteme ekyeyháxma'.

Isaías 26:11

Wesse', appenchessek xép aptáhakxa yaqwayam ellegássesagkoho', makke elya'ásegkok ma'a; apkelwet'ak sa' agkok ektémakxa ekyawe apkelásekhayo exchep ma'a énxet'ák apagkok, elmegqeyk sa'. ¡Kamassessamho annal'a aplo xa énxet'ák nak!

Isaías 42:25

Axta keñamak apkeltaqnaweykegko m'a, apkellegassáseykegkók axta apchahaya kempakhakma ekmaso agko' nak, apwakhéssegkek axta m'a táxa; axta eyke emáheyók elya'ásegwók.

Isaías 48:4

Ekya'ásegkók axta ko'o exchep apteme ekyennaqte apwáxok, tén han aphémo apyennaqte m'a sawo, tén han ekhémo ekyennaqte nápat ma'a sawo' ekyexwase,

Isaías 9:13

Makke elye'eykekták Dios ma'a énxet'ák, ektáha axta apkellegassáseykegkoho; melchetamsók ma'a Wesse' ekha nak apyennaqte.

Jeremías 15:7

Éxpánchessessek énxet'ák apagkok ektémól'a pa'at apák, élántekkessek tegma apkelyawe nak se'e apchókxa; meyke apketchek ektemessásak énxet'ák ahagkok, ekmasséssekme', hakte mopmenyeyk elwátésagkok ma'a apkeltémakxa ekmaso.

Jeremías 17:23

Axta eyke ko'o heháxenmók ma'a, axta han hélyeheykekxoho', apkelyennaqtéssegkek axta aqsa apkelwáxok, axta hélyeheykekxoho', mopmenyeyk axta kólxekmósagkok.

Jeremías 19:15

“Aptáhak appeywa Wesse' ekha nak apyennaqte, Dios apagkok nak Israel: Wahak sa' ko'o séllegassáseykegkoho s'e tegma apwányam nak, tén han ma'a apyókxoho tegma apheykegko nak nepyáwa, sekxeyenma axta waha', hakte kalyeyha'ak kéxegke kélwáxok, megkólyeheykekxak chá'a m'a sekpeywa.’”

Jeremías 2:30

Chaqhémok ko'o séllegassáseykegkoho m'a kélketchek nak kéxegke, mopmenyék elya'ásegwók ma'a séltémókxa nak etnahagkok. Kélhawók kéxegke m'a, yámakméwa éllo, kélnápeykekxeyk ma'a énxet'ák kélagkok apkellegasso nak sekpeywa.

Jeremías 3:3

Cháxa keñamak megkamámeya nak ma'a apmopsamágexal'a, tén han ma'a élyapweykxal'a. Hawók xe' megkamegqakto m'a kelán'a ekyaqmagkáseyak pók énxet ekma nak chá'a ekyánmaga ekpathetéyak; ¡kéméxcheyk kamegqágwók!

Jeremías 32:19

Awanhók agko' xép ma'a aqsok ekxeyenma nak apwáxok elána', keltássók agko' ma'a aqsok apkelane nak. Apweteyak xép ekyókxoho aqsok apkeláneyak nak chá'a énxet'ák, egkések nahan chá'a xama xama m'a ekpayhawo nak chá'a egkések, ekhawo ektémakxa nak chá'a aqsok apkeláneyak.

Jeremías 35:13

“Éltamhók ko'o exchep ey'ókxak etnehek yának énxet'ák Judá tén han Jerusalén se'e, ko'o sektáha nak Wesse' ekha sekyennaqte, Dios apagkok nak Israel: ‘Kóleyxho sélxekmósso, kólyahakxoho m'a séltémókxa nak chá'a kóltéhek. Ekxénchek ko'o xa, sektáha nak Wesse'.

Jeremías 44:10

Megkólyaqmagkasseykmok makham kéltémakxa kéxegke ekwokmoho makham se'e negwánxa nak, megkólayek han, megkólláneykegkok nahan ma'a séltémókxa nak kóltéhek, tén han segánamakxa sekmésso axta ko'o kéxegke, tén han ma'a kélyapmeyk nano' axta.

Jeremías 7:26

Makke kéxegke hélyeheykekxoho', mehélháxenmók nahan, kélyánchesseykmók aqsa élyennaqte kélwáxok, kélyeykhásseykmók ma'a kélyapmeyk nano' axta.

Jeremías 7:28

Etne sa' elának se'e: Keso énxet'ák melyaheykekxa nak Dios Wesse' apagkok se'e, megkalmopmenyého nak kóllánekxések apkeltémakxa. Massegweykmók agko' apkelxeyenma m'a amya'a ekmámnaqsoho.’”

Jeremías 8:5

Israel, ¿yaqsa eyke ektéma sénmexeykekxo nak? Jerusalén, ¿yaqsa eyke ektéma seyamasma agko' nak ko'o? ¿Yaqsa ektéma aptéma nak ekyennaqte apwáxok tén han memáheyo nak hey'óta'?

Ezequiel 2:4

Kalyéha'ak nahan apkelwáxok ma'a apketchek nak, melyahakxók nahan amya'a. Wáphaksek sa' ko'o nepyeseksa xa énxet'ák nak, yaqwayam sa' etnehek elának se'e: ‘Keso aptáhakxa exchek appeywa Wesse' egegkok se'e.’

Ezequiel 24:13

“Jerusalén, ekmáheyók axta eykhe ko'o amópessásekxak ektémakxa ekmanyása élane ektémakxa megkamasexta, axta eyke káxñeykekxak émpehek. Wánxa sa' eyke aqsa amasséssesek ma'a sekyenyento sa' seklo neyseksa exche'.

Daniel 9:13

Egáhapwa'ak negko'o ekyókxoho aqsok ekmaso, ekhawo ektémakxa nak eknaqtáxésamaxche m'a Moisés segánamakxa apagkok; makke agketamsók negko'o exchep, Dios Wesse' egegkok, magyamasmak han ma'a nentémakxa élmasagcha'a, magyetlók han ma'a aptémakxa nak apmámnaqsoho.

Levítico 26:23

“Sa' agkok kóllánekxak kéltémakxa natámen ekteme xa ektáha nak, kéllenxanmeygkoho enxoho sélenmexeykekxa ko'o,

Amós 4:10

“Eyhayak axta negmasse ekmaso, seyáphassama axta m'a Egipto; éltémók axta eletsapok wokma'ák kélagkok ma'a neyseksa kempakhakma, eyhayók axta elmagkok yátnáxeg kélchánte m'a kélenmexma nak; émpassegkek axta ekpaqneyam ektahapma kélhapák ma'a kélpakxeneykegkaxa axta. ¡Axta eyke hélye'eykekták ko'o kéxegke!” Wesse' egegkok apxeyenma xa.

Amós 4:11

“Ekmaso agko' axta ko'o ekmassésseykmok kéxegke, ekhawo sekteméssessamakxa axta sekmassésseykmo m'a Sodoma tén han Gomorra; máxa átex axta kéltemék kélhaxyawassól'a neyseksa táxa, ¡axta eyke hélye'eykekták ko'o kéxegke!” Wesse' egegkok apxeyenma xa.

Amós 4:6

“Énnáhakkassegkek axta eykhe ko'o kéxegke meyk ekyókxoho tegma apkelyawe kélagkok nak; meyke kéltéyak axta eykhe ekteméssessók ekyókxoho kélheykegkaxa nak, ¡axta eyke hélye'eykekták ko'o kéxegke!” Wesse' egegkok apxeyenma xa.

Amós 4:8

esawhekxohok axta chá'a elweynchamha tegma apkelyawe énxet'ák etegyagkok yegmen, ketsék axta eyke chá'a elweta', megkamasseksek axta chá'a hem élnapma, ¡axta eyke hélye'eykekták ko'o kéxegke!” Wesse' egegkok apxeyenma xa.

Amós 4:9

“Éyhayak axta ko'o kéxegke éxchahayam ekmexanma, yetlo askok, séltémo kalyamasagkok ma'a aqsok kélcheneykekxa, tén han ma'a anmen yámet kélcheneykekxa nak, aptamchek axta sawa' m'a higo yámet kélcheneykekxa, tén han ma'a olivos yámet, ¡axta eyke hélye'eykekták ko'o kéxegke!” Wesse' egegkok apxeyenma xa.

Sofonías 3:7

Axta entáhak élchetamso ewáxok se'e: ‘Sa' heyeyk chá'a énxet'ák Jerusalén sekteméssesa enxoho xa tén han elyahakxohok chá'a apékessesagkok; tén sa' megkólmasséssemek chá'a m'a apxanák nak eñama ko'o séllegassáseykegkoho.’ Apkelánegkokxeyk axta eyke aqsa makham ekyókxoho m'a mók ektémakxa nak chá'a aqsok ekmaso.