Jeremías 5:24 - Biblia Enxet

²⁴ Megkalchetámeykha nahan kélwáxok, megkóltemék nahan se'e: Agáwhok hana Dios Wesse' egegkok, segméssamo nak chá'a ekmámeye ekwokmo enxoho chá'a ekhem agkok ma'a ekpalleykenxa nak chá'a áwa' yámet, tén han élyapweykxa nak chá'a, tén han sempekkenchessamo nak chá'a ekhem yaqwayam annakxek ekyexna aqsok negkeneykekxa'.

Jeremías 5:24 ပူးပေါင်းရင်းမြစ်များ

Génesis 8:22

“Kaxek sa' chá'a aqsok kélcheneykekxa tén han eknakxamáxche', megkamassegwánxa nak makham keso nélwanmeygkaxa', áthek sa' chá'a katnehek, samágek sa' han chá'a katnehek, keytek sa' ekmexanmakxal'a exma, tén han apmopsamágexal'a, ekhem tén han axta'a.”

1 Reyes 17:1

Aptáhak axta Elías apcháneya m'a Ahab, cham'a Elías, apteme axta Dios appeywa aplegasso apkeñama axta Tisbé, yókxexma nak Galaad: “¡Naqsók ko'o ektemessásak yetlo sekxeyenma apwesey Wesse' egegkok, Dios nak Israel, sekyetleykencha'a nak ko'o, megkammakyek sa' se'e apyeyam nak, tén han egmonye' nak, megkatyemek sa' nahan yálye, ekwokmoho séltamho sa' ko'o makham!”

Job 29:23

elhaxnagkok apagko' axta han chá'a sekpeywa m'a, ektémól'a kalhaxnaxchek ekmámeye ekmexanmakxal'a exma.

Job 38:37

¿Yaqsa ekyetna ekmowána agko' aqsok yaqwayam kay'asagkohok ekwánxa m'a yaphope? ¿Yaqsa awanchek kalyegkenek yaqwayam enxoho kamme',

Job 5:10

Yáphaksek chá'a ekmámeye keso náxop, yaqwayam kalyássesagkok aqsok yókxexma;

Salmos 147:8

Cha'a apcháhakkasso chá'a yaphope néten ma'a, emámeyaksek chá'a néten xapop, yektegkesek chá'a pa'at ma'a néten egkexe,

Salmos 65:9

Xép aptaqmelchesso xapop; yáphássesek chá'a ekmámeye, etekkessesek han chá'a aqsok kélcheneykekxa; etekkesek chá'a exchep hótáhap kélcheneykekxa m'a ényahamakxa nak yegmen. ¡Cháxa aptémakxa exchep elának namyep xa!

Isaías 64:7

Méko eyke ekwóneykencha'a exchep, méko nahan ekwasqápeykekxoho enxoho yaqwayam keypetchegwakxak; cháxa keñamak senxegánegkessama nak negko'o exchep tén han segkexakhama eñama m'a nentémakxa élmasagcha'a.

Jeremías 10:13

Appeywa ekyennaqte chá'a epáwaksek awáxok yegmen ekyetnama nak néten, etekkesek chá'a yaphope éleñama m'a néxa xapop nak; etekkesek chá'a apkelyenma neyseksa ekmámeye; etekkesek chá'a éxchahayam eñama m'a appekkenmakxa nak.

Jeremías 14:22

¿Yetnéya neyseksa xama aqsok kéleykmássesso m'a ekmowána nak kamámeyaksek? ¿Awancheya káphaksohok agkok ekmámeye m'a yaphope? ¡Ma', Dios Wesse' egegkok! Xép chá'a apcháphasso m'a, xép chá'a apkelane xa ekyókxoho aqsok nak; ¡cháxa keñamak nélhaxanma nak negko'o exchep!

Jeremías 2:19

Kéltémakxa ekmaso kélagko' sa' kéxegke kallegassásegkokxa', kélyamasma kélyetleykha Dios sa' kalsexnena'. Kalchetam sa' kélwáxok keñe sa' kólya'ásegwók asagkek ko'o hélyenyók, tén han askehe', tén han mehélakawo enxoho, ko'o sektáha nak Dios Wesse' kélagkok. Ko'o sekxeyenma xa, sektáha nak Wesse' ekha sekyennaqte.

Jeremías 3:3

Cháxa keñamak megkamámeya nak ma'a apmopsamágexal'a, tén han ma'a élyapweykxal'a. Hawók xe' megkamegqakto m'a kelán'a ekyaqmagkáseyak pók énxet ekma nak chá'a ekyánmaga ekpathetéyak; ¡kéméxcheyk kamegqágwók!

Jeremías 5:22

Ektáhak ko'o s'e, sektáha nak Wesse': ¿Yahélayék ko'o kéxegke? ¿Yagkólpexyennamák emonye' ko'o? Ekpekkenmeyk axta ko'o yagkamex néxa m'a wátsam ekwányam, néxa, megkamowána kayeykhak ma'a wátsam ekwányam. Kalnextog eykhe kayéhek ma'a élyaqyahayam agkok megkamallánek eyke kapáwak eykhe han awáxok, megkayeykhék eyke.

Jeremías 50:5

Etegyaha sa' amya'a ekpayhókxa ámay ma'a Sión, tén sa' elpéwhok ma'a, sa' etnehek apkelpeywa s'e: ‘Agyo'ókxak Wesse' egegkok, agyepetchegwakxak yetlo nenlane ekhémo mók nélpaqhetchesamaxkoho megkamassegwayam, megkalwagqámomáxche nak chá'a xama enxoho.’

Oseas 3:5

Keñe sa' natámen xa, elchexyók ma'a israelitas, elchetmok sa' Dios Wesse' apagkok, tén han ma'a David apteme nak wesse' apwányam apagkok, elyo'ótak sa' yetlo apkeláyo Wesse' egegkok amonye' ektemegwánxa néxa', tén han etegyagkok aqsok éltaqmela yaqwayam nak elmések.

Oseas 6:1

Kólchexyem kélyókxoho, agyo'ókxak makham Wesse' egegkok. Ẽlekkexmeyk axta negko'o m'a, sa' eyke hẽltaqmelchessók makham ma'a; ẽlyensáseykegkek axta, sa' eyke hẽlpextehetchesek makham nélyense m'a.

Joel 2:23

¡Kalpayhekxa kélwáxok, kéxegke kélheykha nak Sión, kalpayhekxa kélwáxok eñama m'a Dios Wesse' kélagkok! Apméssek kéxegke ekmámeye ekweyktamxal'a chá'a, cham'a ekmámeye ekweyktámhol'a chá'a apmopsamágekxa nak, tén han ma'a élyapweykxal'a, aptémakxa axta chá'a m'a nanók axta.

Amós 4:7

“Axta nahan wáphássessók ekmámeye ekweykmoho apqántánxo pelten amonye' kélnakxo m'a aqsok ekyexna kélcheneykekxa. Xama tegma apwányam axta aqsa chá'a ko'o ekmáméssók keñe chá'a pók tegma apwányam maltémo kamme'; xama yókxexma axta aqsa chá'a kamme' keñe axta chá'a mók yókxexma ekyamáya eñama meyke yegmen;

Zacarías 10:1

Kólmaxna Wesse' egegkok ekmámeye ekweyktámhol'a chá'a élyapweykxa yámet, keñe sa' yáphássesek ekyawe agko' ma'a Wesse' egegkok aptekkessamól'a chá'a apkelyenmayam, elmésagkok sa' ektaqmalma pa'at ma'a yókxexma.

Deuteronomio 28:12

Emeykessesek sa' ma'a apxátamakxa nak aqsok apagkok ektaqmalma, cham'a néten, yaqwayam sa' kayássesek chá'a ekmámeye m'a xapop apagkok eyeyméxko enxoho chá'a; kataqmelchessesek sa' ekyókxoho m'a aptamheykha. Apwanchek sa' elmássesha chá'a exchep aqsok apagkok apxámokma m'a pók aptémakxa nak chá'a énxet'ák, keñe sa' xép, melmaxnayhek sa' chá'a xama énxet enxoho yának emássesha aqsok apagkok.