Jeremías 49:7 - Biblia Enxet

⁷ Aptáhak Wesse' ekha apyennaqte apkelxéna énxet'ák Edom se'e: “¿Mékoya táhak negya'áseykegkoho aqsok ma'a Temán? ¿Ya elya'ásegkok kaxwók aptamhágkaxa m'a apmopwancha'a nak aqsok? ¿Massegwokmeya m'a apkelya'áseyak nak aqsok?

Jeremías 49:7 ပူးပေါင်းရင်းမြစ်များ

Génesis 25:30

aptáhak axta apcháneya s'e: —Heyák han ko'óxa xa aphanma ekyexwásamo nak, meyk agko' ko'o etnahak. (Cháxa keñamak apkeltamhomakpo nak Edom ma'a Esaú.)

Génesis 27:41

Aptaqnagkamchek axta Esaú m'a Jacob, eñama m'a apkelmaxnéssesso axta aqsok éltaqmela m'a apyáp, axta temék ekpaqméteykencha'a apwáxok se'e: “Kaxwók sa' kawak sẽllapwámeyak eñama apketsapma m'a táta, keñe sa' natámen xa waqhek ko'o m'a eyáxeg Jacob.”

Génesis 32:3

Apkelaphássek axta Jacob apseykekxa amya'a m'a Seír, cham'a yókxexma Edom, yaqwayam eltennássekxak Esaú peya ewaták aphakxa m'a apyáxeg.

Génesis 36:11

Keso Elifaz axta apketchek se'e: Temán, Omar, Sefó, Gatam, tén han Quenaz.

Génesis 36:15

Keso apkelámha apmonye'e axta chá'a Esaú aptawán'ák neptámen, Elifaz axta aptawán'ák neptámen, apketche átnaha apketkok axta m'a Esaú: Temán, Omar, Sefó, Quenaz,

Génesis 36:34

Xama axta apketsapa m'a Jobab, keñe apyaqmagkasa apteme wesse' apwányam ma'a Husam, apkeñama axta m'a yókxexma Temán.

Génesis 36:8

Axta keñamak apheykmo yókxexma élámhakxa nak meteymog élwenaqte Seír ma'a Esaú, apwesey nak han Edom.

1 Crónicas 1:53

Quenaz, Temán, Mibsar,

Job 2:11

Yetneyk axta apqántánxo apkelxegexma'a Job: cham'a Elifaz, apkeñama axta Temán, Bildad, apkeñama axta yókxexma Súah, tén han Sofar, apkeñama axta m'a yókxexma nak Naamat. Xama axta apkelleg'a ekyókxoho aqsok ekmaso eyáhapwe m'a Job, apkelxénchek axta elyo'ókxak epeykessessekxak apwáxok, tén han exmakha aphakxa neyseksa aplegeykegkoho.

Job 4:1

Job, megkalchehek sa' eykhe apwáxok xép apaqhetchesek, mowanchek eyke ko'o awanma aqsa.

Salmos 137:7

Wesse', kaxénwakxoho apwáxok ma'a edomitas, aptéyeykmo axta m'a Jerusalén, aptéma axta apkelpaqmeyesma s'e: “¡Kóltegkes, kólmasséssem ekweykmoho apowhók!”

Isaías 21:11

Edom ekxénamaxche yaqwánxa kólteméssesek: Xama énxet axta ewóneyha m'a ekpayho nak Seír. Aptáhak axta s'e: “Apkelhaxneykha, ¿yaqsa hóra kaxwók se'e axta'a nak? ¿yaqsa hóra kaxwo'?”

Isaías 29:14

Ékeso éñamakxa peya nak ko'o atekkessesek makham aqsok magya'áseyak sempelakkasso nak agwetak nepyeseksa xa énxet'ák nak. Kamassegwók sa' ma'a ektémakxa nak apkelya'áseyak aqsok ma'a énxet'ák apagkok ekha nak apkelya'áseyak tén han ma'a ektémakxa nak ekha apkelmopwancha'a m'a énxet'ák apagkok ekha nak apkelmopwancha'a.”

Jeremías 12:14

Aptáhak Wesse' egegkok apkelxéna énxet'ák élmasagcha'a nak apkeltémakxa, apheykencha'a nak neyáwa Israel, aptawassáseykencha'a nak xapop apmeyáseykekxa axta m'a énxet'ák apagkok Israel: “Alántekkesek sa' ko'o apheykegkaxa nak xapop apagkok xa, keñe sa' alántekkesek énxet'ák Judá m'a nepyeseksa nak.

Jeremías 18:18

Aptáhak axta apkelpaqmeta énxet'ák se'e: “Anlánekxak sa' nentáhakxa yaqwayam agmasséssók Jeremías. Megkatnehek eyke chá'a meyke apkelmaxnéssesso Dios énxet'ák apagkok yaqwayam hẽlxekmóssek, apxámok nahan ma'a apkelya'áseyak nak aqsok, yaqwayam hempékessesagkok, tén han Dios appeywa apkellegasso yaqwayam chá'a hẽltennaksek Dios appeywa. Ansexnenak sa', yaqwayam sa' emátog. Mageyxók sa' chá'a m'a aptáhakxa enxoho chá'a sẽláneya.”

Jeremías 25:21

tén han ma'a Edom, Moab tén han Amón;

Jeremías 25:23

tén han Dedán énxet'ák apagkok, Temá tén han Buz, tén han ma'a énxet'ák apkelmópéssamo nak chá'a apkelyésesso élpayhakxa nápaqta'a;

Jeremías 25:9

aláneyha sa' ko'o apyókxoho énxet'ák apheykha nak nexcheyha yetlo séláneykha Nabucodonosor, wesse' apwányam nak ma'a Babilonia, yaqwayam sa' elxegma', ektámegmak se'e apchókxa nak, yetlo apyókxoho énxet'ák apheykha nak kañe', tén han ma'a apyókxoho énxet'ák apheykha nak neyáwa'. Amasséssók sa' ko'o ekyókxoho. Meteymog ektaháneykekxa mók meyke néxa sa' atnessásekxa', negaye agweta', tén han segyegwakkassamo.

Jeremías 49:20

Kóleyxho séláneykekxa nak ko'o sektáhakxa sekmakókxa atnéssesek ma'a Edom, ko'o sektáha nak Wesse', sekmakókxa nak han ko'o atnéssesek ma'a apheykha nak Temán: Kawomhok sa' kélyementaméyak ma'a apketchek ketcheyetse nak, kóltawasha sa' nahan ma'a yókxexma apagkok ektaqmalma nak.

Jeremías 8:9

Elmegqágwakxak sa' eyke xa énxet'ák apkelmopwancha'a nak aqsok, elyelqakpok sa', ektémól'a aqsok nawha'ák élmál'a kelhanma. Apkelyetnakhássek agkok sekpeywa Méko katnehek apkelmopwancha'a aqsok.

Lamentaciones 4:21

¡Apchókxa Edom, kaktegmaha, kapayhekxa awáxok; ekhama axta ektéma máxa wesse' ekwányam ma'a yókxexma Us! ¡Kaxkak sa' xeyáxa' m'a ekya ekmáske nak, kaqhek sa' ektémól'a anmen, meyke apáwa sa' kaweynchamha!

Ezequiel 32:29

“Cháxa Edom apyetna nahan xa, yetlo kelwesse'e apkelwányam apagkok tén han ma'a apkeltaqmelchesso nak chá'a apkelókxa. Megkahaxanmak ekha kéláyo appáxaqweykmo m'a apkeletsapma axta neyseksa kempakhakma, kélátawañegkek nepyeseksa m'a énxet'ák melya'áseyak nak Dios, tén han ma'a aphagwayam nak kañe' takhaxpop.

Daniel 11:41

Etaxnegwók sa' nahan ma'a Xapop Ektaqmalma, elnápok sa' apxámokma apagko' énxet'ák; elwagkasakpok sa' eyke teyp ma'a apheykha nak Edom tén han Moab, keñe han ma'a Amón, háwe eyke ekyókxoho m'a xapop nak.

Joel 3:19

Ekmaso sa' katnekxak ma'a Egipto, keñe sa' Edom katnekxak meykexa énxet, hakte apketámeykegkek axta m'a énxet'ák Judá, apkelnapmeyk axta énxet'ák meyke nak apkeltémakxa apheykha axta m'a.

Habacuc 3:3

Apxegakmek Dios apkeñama m'a yókxexma Temán; egkexe Parán apkeñamak apxegakmo m'a Dios Appagkanamap. Sawheykekxók apcheymákpoho m'a ekyókxoho nak néten, cháxa keñamak kélpeykessamo nak ekyókxoho keso nélwanmégkaxa'.

Deuteronomio 23:7

“Eyke nágkóltaqnawák chá'a m'a edomitas, hakte kélteme kélnámakkok kéxegke m'a; tén han ma'a egipcios, hakte kélheykha axta kéxegke m'a apchókxa nak;