Jeremías 49:38 - Biblia Enxet

³⁸ Apekkenwók sa' ko'o sektaháno m'a Elam yaqwayam sa' atnehek séláneykha, alnáhakkasek sa' ma'a kelwesse'e apkelwányam apagkok, tén han ma'a apkelámha apmonye'e apagkok. Ko'o sekxeyenma xa, sektáha nak Wesse'.

Jeremías 49:38 ပူးပေါင်းရင်းမြစ်များ

Salmos 9:5

Apkeltaqnaweykegkek ma'a melya'áseyak nak xép, apmassésseykmek xép ma'a élmasagcha'a nak apkeltémakxa, ¡apmassésseykmók apagko' apkelxénamap chá'a!

Jeremías 43:10

Etne sa' elának se'e: ‘Aptáhak Wesse' ekha apyennaqte, Dios apagkok nak Israel se'e: Wának sa' ko'o exegmak séláneykha Nabucodonosor, wesse' apwányam nak Babilonia, apekkenchessak sa' aptaháno, tén han appakxanma aptaqmalma s'e néten nak meteymog, sélátawanya exchek ko'o s'e.

Jeremías 49:37

Wának sa' elpexyennók énxet'ák Elam apkelwet'a enxoho m'a apkelenmexma apkeltaqnagkamo apagko' nak chá'a, wahak sa' aqsok ekmaso, magwéssekxeyk sa' ko'o altaqnaweygkok ma'a, wahak sa' kempakhakma ekwokmoho apsawheykpoho apyókxoho. Ko'o sekxeyenma xa, sektáha nak Wesse'.

Jeremías 49:39

Atnessásekxak sa' eyke ko'o makham apheykha énxet'ák Elam ma'a ektémakxa axta apheykha, keso egmonye' nak. Ko'o sekxeyenma xa, sektáha nak Wesse'.”