Jeremías 49:16 - Biblia Enxet

¹⁶ Eyaqhémo temégweykmok kéxegke m'a kéleymáxkoho nak, hakte kóleyxchek axta chá'a. Kélheykha kéxegke m'a neyseksa meteymog élyagqaxe, kélpathetmeyk ma'a naw'ék egkexe netno nak. Kéllánegweykmek eykhe kéxegke kélxanák ma'a netnók agko' nak, ektémól'a náta ekyawe, sa' eyke kólenyék alántekkesek ko'o kéxegke m'a. Ko'o sekxeyenma xa, sektáha nak Wesse'.

Jeremías 49:16 ပူးပေါင်းရင်းမြစ်များ

2 Reyes 14:7

Amasías axta m'a apkelnapma axta diez mil edomitas, ekpayho nak Ekyapwate Yásek Xapop, keñe apma m'a Selá, tén axta apteméssesa ekwesey Jocteel, cháxa ekyetnama nak makham ekwesey s'e negwánxa nak.

Job 39:27

¿Xépya han apkeltémo kalának axagkok náta ekyawe m'a netnók agko' nak?

Proverbios 16:18

Nentawásamáxche xegeykmok natámen ma'a eyeymáxkoho nak chá'a egwáxok; nentéyam chá'a kaxegmak natámen ma'a magésso nak ageyxkoho'.

Proverbios 18:21

Nempeywa yetnók ma'a ekyennaqte nak egnények tén han nétsapma; énxet ekxámokma nak chá'a apkelpeywa, ellegagkohok chá'a natámen.

Proverbios 29:23

Kamegqásekxohok chá'a aptémakxa apcheymákpoho m'a énxet eyeymáxkoho nak apwáxok, keñe m'a megkeymáxkoho nak chá'a apwáxok, kéláyo sa' kóltéhek.

Cantares 2:14

“Sekpagkanma ekhémo nak wáx'ay, ekyexanmomo nak chá'a m'a neyseksa meteymog élpaqxo, tén han netnók agko' nak tén han ekxámokmakxa nak élyapwáteyak meteymog. Heyho ótak nát, heyho añak ekpeywa. ¡Tásek ko'o alanok nát xeye'! ¡Atsek nahan weyxhok ekpeywa!”

Isaías 10:14

Élmeyk ko'o aqsok apagkok ekxámokma nak ma'a énxet'ák, ahagkok ektáhak ma'a ekyókxoho xapop, máxa m'a énxet apkellexchágwayam la'a náta axagkok elmok ma'a appok neyseksa megkótéyák, méko axta xama enxoho élyeykáseykha axempenák, méko axta xama enxoho ekmayheykha tén han ekpayheykha átog.”

Isaías 2:21

elántexek sa' ma'a kañe' meteymog áxwa, cham'a meteymog élyawe nak áxwa, yaqwayam elyexanmok apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho, cham'a apkempákxo sa' néten tén han apsawheyásekxoho sa' apyawheyáseykha m'a xapop.

Isaías 49:25

Apxénchek Wesse' egegkok kélwanchek kólyementók: “Kólyementemekxak sa' apkelma axta m'a énxet apyennaqte nak, kólyementemekxak sa' aqsok ekxámokma axta apkelma m'a wesse' aplo nak. Ko'o sa' alátegmoweyxchek chá'a m'a apmáheyo nak chá'a elátegmoweykpok; ko'o ahagko' sa' nahan alwagkasek teyp ma'a étchek nak xeye'.

Jeremías 48:14

“Énxet'ák Moab, nágkólteme aqsa kólpaqmétek se'e: ‘Kalyeyha'ak negko'o egwáxok, kempakhakma yapmeyk apkelyennaqte negko'o.’

Jeremías 49:15

Mékoho kélagko' sa' ko'o atnéssesek kéxegke nepyeseksa énxet'ák, kélwanyamáxkoho kélagko' sa' atnéssesek nepyeseksa énxet'ák.

Jeremías 50:29

“¡Kólwónmakha apyókxoho apkelmeykha nak chá'a yágke, yaqwayam sa' ektamagkok ma'a Babilonia! ¡Kólpakxenák sa' ma'a nepyáwa nak tegma apwányam, yaqwayam sa' megyenyehek exyenmok xama énxet enxoho! ¡Kólhésho mók ma'a apteméssessamakxa axta! ¡Kóltemésses ma'a apteméssessamakxa axta! Hakte cheymáxkók axta chá'a appeywa sexéneykencha'a ekmaso ko'o, ko'o sektáha nak Wesse' Dios Appagkanamap ma'a Israel.

Jeremías 51:53

Yántek sa' eykhe Babilonia m'a néten, yaqwayam epekkenwók netnók agko' ma'a apxagkok apyennaqte nak, aláphaksek sa' eyke han ko'o apkelenmexma m'a, yaqwayam emasséssók. Ko'o sekxeyenma xa, sektáha nak Wesse'.”

Amós 9:2

elyexánegwók sa' eykhe m'a kañe' xapop ekmattawóneg nak, alántekkessók sa' eyke chá'a ko'o m'a, elchenátwók sa' eykhe m'a netnók agko' nak yaphope, wának sa' eyke han ko'o elántépok ma'a.

Habacuc 2:9

¡Kéxegke la'aye, kéllánesso nak kélxanák ma'a aqsok kélmenyexéyak, yaqwayam enxoho katnehek meyke ektáhakxa kélheykha!

Malaquías 1:3

keñe Esaú sektaqnagkama. Meyke xama aqsok axta ko'o ektemessáseykekxak ma'a Esaú apchókxa, élámhakxa axta m'a meteymog, keñe xapop apagkok sektemessáseykekxo wánxa élleykegkaxa aqsok nawha'ák.”