Jeremías 49:15 - Biblia Enxet

¹⁵ Mékoho kélagko' sa' ko'o atnéssesek kéxegke nepyeseksa énxet'ák, kélwanyamáxkoho kélagko' sa' atnéssesek nepyeseksa énxet'ák.

Jeremías 49:15 ပူးပေါင်းရင်းမြစ်များ

Salmos 53:5

Elpexyennók sa' apkelaye, melyegwaktamakxoho, hakte yexpánchesek sa' apexchakkok Dios ma'a apkelenmexma. Elmegqágwakxohok sa', hakte eltaqheksohok sa' ma'a Dios.

Jeremías 49:14

Wa'ak ko'o amya'a sekhakxa eñama Wesse' egegkok; aptáhak xama apseykha amya'a aplegasa nepyeseksa énxet'ák se'e: “¡Kólaqnekxa', kólchetamák Edom! ¡Kóllánekxa kéltáhakxa yaqwayam kólempakha'!

Jeremías 49:16

Eyaqhémo temégweykmok kéxegke m'a kéleymáxkoho nak, hakte kóleyxchek axta chá'a. Kélheykha kéxegke m'a neyseksa meteymog élyagqaxe, kélpathetmeyk ma'a naw'ék egkexe netno nak. Kéllánegweykmek eykhe kéxegke kélxanák ma'a netnók agko' nak, ektémól'a náta ekyawe, sa' eyke kólenyék alántekkesek ko'o kéxegke m'a. Ko'o sekxeyenma xa, sektáha nak Wesse'.

Abdías 1:2

“Ketchetsék apagko' sa' atnessásekxak nepyeseksa m'a ekyókxoho apkelókxa', mékoho apagko' sa' atnessásekxa'.

Miqueas 7:10

Elwetak sa' nahan ma'a sélenmexma nak, cháxa peya sa' kalmegqaksohok apagko' xa. Hakte axta etnehek chá'a heyának se'e: “¿Háxko aphakxa Dios Wesse' apagkok?”, alanha sa' ko'o kaxwo' kólteyammaha ektémól'a yelpa' m'a ámay nak.

1 Samuel 2:30

Cháxa keñamak sektáha nak ko'o sekpeywa, sektáha nak Israel Dios apagkok, éltennassegkek axta ko'o exchep, tén han apnámakkok etnehek chá'a séláneykha, akke kaxwók ko'o ektáhak se'e: Magwohók sa' ko'o kaxwók kóllának xa aqsok nak, atnéssesek sa' ko'o ekha kéláyo m'a énxet apteme nak chá'a seyáyo, keñe sa' atnéssesek mékoho m'a sewanyémo nak chá'a. Cháxa sektáhakxa ko'o sekpeywa xa, sektáha nak Wesse'.