Jeremías 48:31 - Biblia Enxet

³¹ Cháxa keñamak peya sa' ko'o awónek, kaqhek ewáxok alanok apyókxoho m'a énxet'ák Moab, tén han ma'a énxet'ák Quir-heres.

Jeremías 48:31 ပူးပေါင်းရင်းမြစ်များ

2 Reyes 3:25

Apmasséssekmek axta m'a tegma apkelyawe, apkexpáncháseyha axta han meteymog ma'a neyseksa nak namyepeyk apagkok, apkelápegkokxeyk axta ekyókxoho m'a ekteyapmakxa nak yegmen, apkelyaqtennágkek axta han ekyókxoho yámet ekha nak ekyexna. Wánxa axta aqsa xama tegma apyawe apkémeykpo, cham'a Quir-haréset. Apwakheykxeyk axta eyke m'a apkelmeykha nak mélwakto keñe apma.

Isaías 15:5

Chaqhak axta ko'o ewáxok sélano m'a Moab; apkelántekkek axta énxet'ák apheykha m'a kañe' apkenyahágko ekweykekxoho m'a Sóar, ekweykekxoho m'a Eglat-selisiya. Apkellekxagweygkokxeyk axta apkelxega m'a ekmeyeykekxa nak néten xóp ma'a Luhit; apkelpáxamáha axta ekyennaqte agko' éllapwámegko peya káhapwak aqsok ekmaso m'a ámay nak Horonaim.

Jeremías 48:36

Cháxa keñamak élekxagweyncha'a nak ewáxok, sélano m'a énxet'ák Moab tén han ma'a énxet'ák Quir-heres yetlo sekpáwasso yámámok kélpáwássessamól'a kólátawanyek énxet, hakte massegwokmek ma'a aqsok ekxámokma axta apcháncheseykekxa énxet'ák.