Jeremías 48:26 - Biblia Enxet

²⁶ Kólnáhakkas anmen énxet'ák Moab, hakte apkenmexeykekxeyk Wesse' egegkok. Keñe sa' eltexneykpekxak apkelyekxo m'a énxet'ák Moab, apyókxoho énxet'ák sa' elesmaksek ma'a.

Jeremías 48:26 ပူးပေါင်းရင်းမြစ်များ

Job 15:25

Cháxa ektémakxa énxet aptaqnagko nak chá'a Dios xa, megyeye nak ewanyaha m'a ekha nak Apyennaqte,

Job 9:4

Awanhók agko' ektémakxa aqsok apya'áseykegkoho m'a Dios, tén han apmopwána, ¿yaqsa awanchek kalátegmoweyxche' tén han katnessásekxak kóneg?

Salmos 2:4

Apkesméssek Wesse' egegkok apteme nak wesse' apwányam ma'a néten;

Salmos 59:8

Wesse', yesmaksek eyke chá'a exchep ma'a, elwanyohok chá'a exchep xa melya'áseyak nak xép.

Salmos 60:3

Apkellegassáseykegkók axta ekyentaxno agko' ma'a énxet'ák apagkok, ẽleykegkek axta negko'o exchep vino segyeykessamo nak exma.

Salmos 75:8

Apmeykha Wesse' egegkok ma'a apyeta nak aplo, vino kélencheheykekxa nak ma'a aqsok égmenek kéltahakkasso. Apyegkenchek sa' agkok ma'a vino, émaksohok sa' énagkok ma'a apyókxoho élmasagcha'a nak apkeltémakxa apheykha nak keso náxop.

Éxodo 5:2

Keñe axta faraón aptáha apchátegmowágkokxo s'e: —¿Yaqsa Wesse' m'a apkeltamho nak ko'o alyahakxoho' tén han apkeltamho nak han wohok elántépok ma'a israelitas? Mateyk ko'o m'a Wesse' nak, magwohok nahan ko'o elxog ma'a israelitas.

Éxodo 9:17

Apkelenxanmeykegkok eyke makham xeyep apkelmasma m'a énxet'ák ahagkok, megyahayók nahan elxog.

Isaías 10:15

¿Awancheya kaxénmakha ekyeykhásseykmoho póte m'a ektáha nak chá'a apmeykha? ¿Awancheya nahan kaxénmakha ekyennaqte nápaqtók ektáha nak chá'a apmeykha apkelyepto yámet ma'a hó neym épakyek ekyawe nak? ¿Háxko katnehek kaxog kéltasqapeykha, ekteme nak aqsa wánxa yámet, mexña enxoho m'a énxet ektáha nak apseykha?

Isaías 19:14

Melya'áseyak aqsok apteméssessók Wesse' egegkok ma'a; cháxa apkelyetnakhássesseykmo nak chá'a ekyókxoho aqsok apkelánéyak ma'a énxet'ák Egipto, ektémól'a m'a anmen áto' apyekxéyak la'a tén han apkelyawheykhal'a.

Isaías 28:8

Sawheykekxók kélyekxo ekmanyása m'a ekyókxoho mésa nak, méko xama nekha enxoho ekmopakxa.

Isaías 29:9

¡Kóllenxanmagkoho aqsa kéxegke kélteme élyeyháxma! ¡Kóllenxanmagkoho aqsa kélteme meyke kélaqta'ák, meyke kélwete xama aqsok! ¡Kóllenxanmagkoho aqsa kélyawheykha aptémól'a m'a anmen áto', neyseksa megkólyenéyak eykhe m'a anmen segaqhamól'a!

Isaías 51:17

Kaxatakha Jerusalén, kaxatakha', kampekxa néten. Legágkók xe' Wesse' egegkok aplo, máxa entáhak ma'a ekyena enxoho xama egheykok kélyeta m'a vino, yamásawók ekyena ekwokmoho eyaqha.

Isaías 63:6

Élteyammeyha axta ko'o yetlo seklómo ahagko' ma'a pók aptémakxa nak chá'a énxet'ák, ekmasséssekmek axta yetlo seklo, ekyegkenchessek axta éma apagkok náxop.

Jeremías 48:39

¡Kóllekxagwaha kóllanok ma'a Moab! ¡Eyesagchawo agko' nak ektáhakxa! ¡Massék senlanawo apmegqakto! Aqsok ekmaso agko' aptamhákxa' tén han aptaqnagko elanok ma'a apyókxoho apheykha nak nepyáwa.

Jeremías 48:42

Kamaskok sa' ekteme apchókxa m'a Moab, hakte énmexeykekxeyk ko'o sektáha nak Wesse'.

Jeremías 50:29

“¡Kólwónmakha apyókxoho apkelmeykha nak chá'a yágke, yaqwayam sa' ektamagkok ma'a Babilonia! ¡Kólpakxenák sa' ma'a nepyáwa nak tegma apwányam, yaqwayam sa' megyenyehek exyenmok xama énxet enxoho! ¡Kólhésho mók ma'a apteméssessamakxa axta! ¡Kóltemésses ma'a apteméssessamakxa axta! Hakte cheymáxkók axta chá'a appeywa sexéneykencha'a ekmaso ko'o, ko'o sektáha nak Wesse' Dios Appagkanamap ma'a Israel.

Jeremías 51:39

Kelmexneyk sa' agkok apyempe'ék, alagkok sa' ko'o apyenéyak, apyenéyak yaqwayam sa' kalyeykesek exma, tén han kamaskok kalya'ássesagkok aqsok. Keñe sa' enaqtének meyke néxa, menaqxétekhagkek sa'. Ko'o sekxeyenma xa, sektáha nak Wesse'.

Jeremías 51:57

Aptáhak Wesse' Apwányam, Wesse' ekha nak apyennaqte s'e: “Annáhakkasek sa' ko'o anmen ma'a apkelámha apmonye'e nak Babilonia, tén han ma'a apkelmopwancha'a nak aqsok, tén han ma'a apkeltaqmelchesso nak apkelókxa yetlo apkeláneykha, tén han sẽlpextétamo apagkok, keñe sa' enaqtének meyke néxa, menaqxétekhagkek sa'.

Jeremías 51:7

Aphémók axta Babilonia sekmeykencha'a m'a egheykok sawo ekyátekto ekmomnáwa nak, élnáhakkassama axta chá'a anmen apyókxoho énxet'ák apheykha nak keso náxop. Apyenágkek axta agkok chá'a apyókxoho énxet'ák xa vino nak, kalyeykesek axta chá'a exma.

Lamentaciones 1:21

Apkellegayak eykhe énxet'ák se'e ektémakxa nak sélekxagweykha, méko eyke xama enxoho yaqwayam epeykásekxak ewáxok. Apkelya'ásegkók ektémakxa ekmaso sekha m'a apyókxoho nak sélenmexma, kelpayheykekxók han apkelwáxok setnéssessama ko'o exchep xa. ¡Yána kawak heykxa m'a ekhem apxeyenma axta, keñe sa' kay'ammok han ma'a ektéma nak ko'o sey'áya!

Lamentaciones 3:15

Eyánchessessamok ko'o eklo ewáxok Wesse' egegkok; askehek ma'a sekya seyeykegko nak chá'a.

Lamentaciones 4:21

¡Apchókxa Edom, kaktegmaha, kapayhekxa awáxok; ekhama axta ektéma máxa wesse' ekwányam ma'a yókxexma Us! ¡Kaxkak sa' xeyáxa' m'a ekya ekmáske nak, kaqhek sa' ektémól'a anmen, meyke apáwa sa' kaweynchamha!

Daniel 11:36

“Elának sa' chá'a ekyókxoho ekxénakxa enxoho chá'a apwáxok elának ma'a wesse' apwányam apha nak nexcheyha. Keyxkohok agko' sa' apwáxok, yának sa' eyeykhágweykmohok ma'a ekyókxoho aqsok kéláyókxa nak chá'a, exénmakha sa' ekmaso agko' yenmexek ma'a Dios apmámnaqsoho nak; katyapok sa' ekyókxoho m'a aqsok apkelane, ekwokmoho aplegassásegkoho m'a Dios; hakte megkatnehek melane Dios ma'a apmakókxa enxoho elána'.

Daniel 5:23

Apkenmexeykekxeyk xép Wesse' egegkok, apkeltémo kólsantagkasek egheykok tén han egheykok élyawe ekhéyak axta m'a tegma appagkanamap, apkelmáha axta apyena vino xa, yetlo m'a ektáha axta apkeláneyeykha, apkelpeykásawók han ma'a aqsok kéláyókxa élánamáxche nak sawo ekyátekto ekmomnáwa, tén han sawo ekmope ekmomnáwa, sawo ekyexwase, sawo ekyentaxno, yántéseksek tén han meteymog; aqsok kéláyókxa megkate nak exma, megkañe nak ektemegweykmoho exma, megkay'áseyak nak aqsok. Melpeykessamók ma'a Dios apmésso nak apyennaqte wesse', tén han apmésso nak chá'a ekyókxoho m'a apkelanakxa enxoho chá'a.

Daniel 8:10

Wegqágkek agko' axta, ekwokmoho éltekxekwokmoho m'a ekheykegkaxa nak aqsok élápogwátéyak néten, palchessek axta nápakha yaw'a kelteyammeyha axta,

Nahúm 3:11

Kólaqhássesek sa' nahan xeyáxa anmen; kalyawheykha sa' keyxanmok kategyaha ekyexanmomakxa apmonye'e m'a élenmexma.

Habacuc 2:16

Kólmegqáwhok kélagko' sa' yaqwayam eykhe kóltéhek ekha kéláyo, hakte Wesse' egegkok sa' yagkok xama egheykok ma'a senlegassáseykegkoho nak, yaqwayam sa' kataxchek kélyókxa meyke apáwa, aqsok segmegqasso sa' katnekxak ma'a kéleymáxkoho.