Jeremías 47:2 - Biblia Enxet

² “Ektáhak ko'o sekpeywa s'e, sektáha nak Wesse': Nexcheyha keñamak ekwa'a ekho yegmen ekyawe, ektémól'a wátsam katyapok yegmen; sawhékxók eyapma m'a apchókxa, tén han ma'a ekyókxoho aqsok ekhéyak nak kañe', cham'a tegma apkelyawe nak, tén han apheykha nak ma'a kañe'. Apkelwehéseyha m'a apyókxoho énxet'ák apheykha nak kañe', kelpayheyha apatña'ák apkellegágkoho ekmáske.

Jeremías 47:2 ပူးပေါင်းရင်းမြစ်များ

Salmos 24:1

Wesse' egegkok apagkok keso nélwanmeygkaxa, tén han ma'a ekyókxoho aqsok ekhéyak nak awáxok, tén han ma'a ekyókxoho élleykha nak.

Salmos 50:12

Meyk agkok ko'o eyaqhak, malmaxnayhek ko'o kéxegke sekto, hakte ahagkok ko'o s'e nélwanmeygkaxa nak, ekyókxoho aqsok ekhéyak nak ma'a kañe'.

Salmos 96:11

¡Kalpayhekxa kélwáxok énxet'ák kélheykha nak néten tén han kélheykha nak keso náxop! ¡Kapáwa awáxok wátsam ekwányam, tén han ekyókxoho aqsok ekhéyak nak ma'a kañe'!

Salmos 98:7

Kaxtegyow wátsam ekwányam, tén han ekyókxoho aqsok ekhéyak nak kañe', tén han ma'a ekyókxoho nélwanmeygkaxa', yetlo m'a apheykha nak awáxok;

Isaías 14:31

¡Filisteos, kélheykha nak apyókxoho tegma apkelyawe, kallapwomák, kalpayheykha kélatña'ák kóllekxagwaha, kólpexyennem kélaye! Hakte apkelxegakmek énxet apxámokma yaqwayam yempakhak ma'a ekpayho nak nexcheyha, máxa éten ekpánmal'a aptáhak; méko nahan xama enxoho apteyapma neyseksa m'a apkeleyweykekxa nak apkelxega.

Isaías 15:8

Weynchámeykha axta aqsa apkelpáxameykha énxet aptegyeykha ekpasmo m'a néxa xapop nak Moab; weykmók axta kéllekxagweykha m'a Eglaim tén han ma'a Beer-elim.

Isaías 22:1

Xapop ekyapwate ekwesey nak sẽlxekmóssamakxa aqsok ekxénamaxche yaqwánxa kólteméssesek: ¿Yaqsa ektáha kélchánta nak kélyókxoho néten tegma?

Isaías 28:17

Amha sa' ko'o ekpéwomo nentémakxa sélana sa' xa tegma nak, ektémól'a m'a táma' kélmeykhal'a chá'a kélpékessamo apxega yátapheymekcha'ák, keñe sa' ektaqmalma nentémakxa m'a nenlányo nak chá'a ekwánxa ekhémo mók ma'a néten.” Yegmen élyennaqte sa' katwasha m'a kélmeyeykekxexa nak chá'a kóltegyaha kélmowána amya'a, keñe sa' yegmen kaswok ma'a ekyetnamakxa nak chá'a ekmasma.

Isaías 59:19

Apyókxoho énxet sa' yáwhok Wesse' egegkok apkelwet'a sa' apcheymákpoho, eyeynamo m'a teyapmakxa ekhem nak ekweykekxoho m'a taxnegwánxa ekhem, hakte máxa yégayam ekyawe sa' etnehek éxyamok ma'a, ekyawheyáseykhal'a éxchahayam ekyennaqte agko'.

Jeremías 1:14

Keñe axta aptáha seyáneya Wesse' egegkok se'e: “Nexcheyha sa' kañék katyapok nenlegeykegkoho ekmaso káhapwak nepyeseksa apyókxoho énxet'ák apheykha nak se'e apchókxa nak.

Jeremías 46:12

Apkelya'ásegkók kaxwók ekyókxoho apkelókxa kéltamhákxo mékoho, legáxcheyk han élpayheykha kélatña'ák ekyókxoho yókxexma nak keso náxop; apkeltegwákpek chá'a pók kempakhakma yapmeyk, apkelyettelegwágkók nahan chá'a xamók pók náxop.”

Jeremías 46:13

Appaqhetchessek axta Wesse' egegkok Dios appeywa aplegasso Jeremías, cham'a apxega axta Nabucodonosor wesse' apwányam nak Babilonia apketámegko m'a Egipto. Aptáhak axta apcháneya s'e:

Jeremías 46:20

Aphawók Egipto m'a weyke étkok kelwána ektaqmalma, apxegakmek eyke sempéhe yaqwayam etakxek apkeñama nexcheyha.

Jeremías 46:24

Mékoho sa' kólteméssásekxak ma'a énxet'ák Egipto, elmok sa' ma'a énxet'ák apkeleñama nak nexcheyha.”

Jeremías 48:39

¡Kóllekxagwaha kóllanok ma'a Moab! ¡Eyesagchawo agko' nak ektáhakxa! ¡Massék senlanawo apmegqakto! Aqsok ekmaso agko' aptamhákxa' tén han aptaqnagko elanok ma'a apyókxoho apheykha nak nepyáwa.

Jeremías 6:22

Aptáhak Wesse' egegkok se'e: “Apkelánekxeyk aptamhágkaxa peya elxegmak énxet'ák apkelyennaqte, apheykha nak ma'a apkelókxa makhawók agko', ekpayho nak nexcheyha.

Jeremías 8:16

¡Apkelxegakmek sẽlenmexma! ¡Legáxkók kaxwók Dan apkelennama m'a yátnáxeg apkelchánte nak ma'a énxet'ák! Apkelpáweyk agkok ma'a, kayawheykha ekyókxoho xapop. Apkelxegakmek yaqwayam emasséssak negókxa, tén han ekyókxoho aqsok egagkok, ekweykekxoho m'a tegma apkelyawe yetlo énxet'ák apheykha m'a kañe'.”

Daniel 11:22

Emasséssók sa' chá'a apyókxoho m'a apkenmexeykekxa nak chá'a, yaqhek sa' nahan ma'a apkemha apmonye' nak apkelmaxnéssesso Dios énxet'ák apagkok.

Nahúm 1:8

Máxa yégayam élsól'a ekyókxoho aqsok akke etnéssesek emasséssók ma'a ektáha nak chá'a apkenmexeykekxa; ekyáqtésso exma chá'a yáhakkasek ma'a apkelenmexma nak.