Jeremías 46:6 - Biblia Enxet

⁶ ¡Mopwanchek apkenyahágko m'a apkelyennaqte apagko' nak apkenyehéyak, mopwanchek han apkelxeganakmo m'a apkelyennaqte apagko' nak! Apkelpelápegwokmek ma'a neyáwa nak wátsam Éufrates ekpayho nak nexcheyha, apkelyaqnenágkek nahan.

Jeremías 46:6 ပူးပေါင်းရင်းမြစ်များ

2 Reyes 23:29

Apmeyeykekxeyk axta wátsam Éufrates faraón Necao, wesse' apwányam nak Egipto, cham'a apyennaqtamakxa axta, yaqwayam enxoho epásegwakxak ma'a wesse' apwányam nak Asiria. Aptahanya'ak axta nahan náxet ámay ma'a wesse' apwányam Josías; xama axta apwet'a Necao ma'a ekpayho nak Meguido, apchaqhak axta.

2 Reyes 24:7

Cháxa ekmassama axta han apteyapma apchókxa m'a wesse' apwányam Egipto, hakte apkelmomchek axta wesse' apwányam Babilonia ekyókxoho xapop apagkok, eyeynamo m'a alwáta' nak Egipto ekweykekxoho m'a wátsam Éufrates.

Salmos 27:2

Apchaqnákxeyk agkok yaqwayam hektámegmak ma'a élmasagcha'a nak apkeltémakxa, sélenmexma nak, tén han apmako enxoho hemasséssók, elpelapmok sa' apagkok elyaqnenagkok ma'a.

Eclesiastés 9:11

Yetneyk han mók aqsok sekweteya nak chá'a ko'o keso náxop: háwe apkelyennaqte apkenyahéyak ma'a apkelwatno nak chá'a apkelteyásamap, háwe han chá'a apkelyennaqte m'a apkelmallanma nak kempakhakma; háwe han chá'a ekyókxoho ekhem apkelwete aptéyak ma'a énxet'ák apkelya'áseyak nak aqsok, háwe han chá'a apkelwesse'e m'a énxet'ák ekha nak apkelyekpelchémo, melmakpek nahan chá'a takha' m'a apkelmopwancha'a nak elanagkok aqsok; xama ekhem chá'a kataqmelek ektamhágkaxa, essenhan xama ekhem chá'a kasók ektamhágkaxa m'a apyókxoho nak.

Isaías 8:15

Apxámok sa' énxet elpelapmok, elyaqnenagkok sa', keñe sa' eletsapok; apxámok sa' kalmok ma'a kelhanma, keñe sa' elmakpok.”

Jeremías 1:14

Keñe axta aptáha seyáneya Wesse' egegkok se'e: “Nexcheyha sa' kañék katyapok nenlegeykegkoho ekmaso káhapwak nepyeseksa apyókxoho énxet'ák apheykha nak se'e apchókxa nak.

Jeremías 20:11

Wesse', sekxegexma eyke ko'o exchep, máxa m'a kempakhakma yáp apyennaqte meykel'a ekhémo; elpelapmok sa' ma'a énxet'ák sénmexeykha nak chá'a ko'o, mehexók sa', megkatyepek sa' apmakókxa etnahagkok, elmegqágwakxak sa', megkatnégwomek sa' néxa apkelxénamap ekmaso apkeltémakxa.

Jeremías 25:9

aláneyha sa' ko'o apyókxoho énxet'ák apheykha nak nexcheyha yetlo séláneykha Nabucodonosor, wesse' apwányam nak ma'a Babilonia, yaqwayam sa' elxegma', ektámegmak se'e apchókxa nak, yetlo apyókxoho énxet'ák apheykha nak kañe', tén han ma'a apyókxoho énxet'ák apheykha nak neyáwa'. Amasséssók sa' ko'o ekyókxoho. Meteymog ektaháneykekxa mók meyke néxa sa' atnessásekxa', negaye agweta', tén han segyegwakkassamo.

Jeremías 4:6

Kólye'és néten bandera kólenmexcheshok ma'a ekpayho nak Sión; ¡kóltegyaha kélyexanmomakxa, nágkólchaqnágwom aqsa! Hakte nexcheyha sa' ko'o kañék asógmak ekyawe agko' nenlegeykegkoho ekmaso, tén han sẽlmassésseyam nak.

Jeremías 46:10

Cháxa Wesse' ekha apyennaqte ekhem apagkok xa, yaqwayam sa' eyaqmagkásekxak apkeltémakxa m'a apkelenmexma nak. Kalnápok sa' sókwenaqte ekwokmoho éleklakmo, tén han ekwokmoho ekyeykesáxma m'a éma apagkok nak. Hakte elnápok sa' énxet'ák Wesse' ekha apyennaqte m'a apchókxa ekpayho nak nexcheyha, neyáwa nak wátsam Éufrates.

Jeremías 46:12

Apkelya'ásegkók kaxwók ekyókxoho apkelókxa kéltamhákxo mékoho, legáxcheyk han élpayheykha kélatña'ák ekyókxoho yókxexma nak keso náxop; apkeltegwákpek chá'a pók kempakhakma yapmeyk, apkelyettelegwágkók nahan chá'a xamók pók náxop.”

Jeremías 46:16

Apkelpelapokmek sẽlpextétamo kélagkok, apkelyaqnenágkek nahan, aptáhak nahan chá'a apcháneya pók se'e: ‘¡Ólántépok se'e, ólmeyekxak ma'a néleñémeykxa nak, cham'a negókxa nempalleykenxa axta! Ólxeganmok ólmeyekxak ma'a meykexa nak kempakhakma ekmaso!’

Jeremías 50:32

Apchókxa eyeymáxkoho nak, etlapmok sa' xép, eyaqnenek sa' nahan, méko sa' han kaxneyásekxak néten. Alwatnések sa' apyókxoho tegma apkelyawe apagkok, kamasséssók sa' ekyókxoho aqsok ekhéyak nak nepyáwa xa táxa nak.”

Jeremías 6:1

¡Benjamín énxet'ák apagkok, kóltegyaha kélyexanmomakxa! ¡Kólántép Jerusalén! Kólpáwés kélaqkahasso m'a Tecoa, kólya'és néten xama aqsok magkenatchesso m'a Bet-haquérem, hakte nexcheyha peyk kañék kaxegmak ma'a nentekyawa tén han nenlegeykegkoho ekmaso agko'.

Daniel 11:19

Emyekxak sa' eyke makham wesse' apwányam ma'a tegma apkelyennaqte apagkok apchókxa nak; kasógwakxak sa' eyke apxega, yetsapok sa', megkólya'asagkehek sa' han ektáhakxa.

Daniel 11:22

Emasséssók sa' chá'a apyókxoho m'a apkenmexeykekxa nak chá'a, yaqhek sa' nahan ma'a apkemha apmonye' nak apkelmaxnéssesso Dios énxet'ák apagkok.