Jeremías 46:18 - Biblia Enxet

¹⁸ Ko'o sektáha nak Wesse' apwányam, sekwesey nak Wesse' ekha apyennaqte, naqsók ko'o sektáha sekpeywa s'e: Sa' elxohok kélenmexma peya nak elxegmak ma'a ektémakxa nak egkexe Tabor, élyeykheykegko nak émha neyseksa m'a mók egkexe nak, tén han ma'a egkexe Carmelo negweteyo nak katnamok m'a ekpayho nak wátsam ekwányam.

Jeremías 46:18 ပူးပေါင်းရင်းမြစ်များ

Salmos 89:12

Xép apkelane nexcheyha tén han nepyeyam; kelmeneykmássek ekmátsa agko' élxéna apwesey m'a egkexe Tabor, tén han Hermón.

Isaías 47:4

Aptáhak appeywa, segmallahanchessamo nak chá'a aqsok ekyentaxno s'e, Dios Aptaqmalma nak ma'a Israel, apwesey nak Wesse' ekha apyennaqte:

Isaías 48:2

kélxeyenma nak chá'a kéleñama tegma apwányam aptaqmalma tén han kélpasmeykekxa m'a Israel Dios apagkok, apwesey nak Wesse' ekha apyennaqte.

Jeremías 10:10

Wesse' egegkok apteme Dios apmámnaqsoho, Dios megyetsapma, Wesse' apwányam memassegwayam. Aplókek agkok ma'a, kayawheykha chá'a xapop; mopwanchek elenmaxakpohok aplo m'a pók aptémakxa énxet'ák.

Jeremías 10:16

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Jeremías 4:13

Kóllano, máxa yaphope élxegayam aptamhágkok apkelxegakmo m'a kélenmexma, máxa éxchahayam ekyennaqte agko' la'a m'a yátnáxeg apkelyenyawasso apagkok apkenchesso nak kempakhakma, apmelyeyha'awók apagko' han apkenyehéyak ma'a yátnáxeg apkelchánte, apyeykhásseykmok ma'a ekweykenxal'a ekyennaqte émpé m'a náta élyawe. ¡Negko'o laye, peyk agmassegwók!

Jeremías 4:7

Tekkek yámakméwa m'a ekyáqtamakxa nak, xegakmek ma'a ekmassésseykmoho nak pók aptémakxa énxet'ák; tekkek ma'a eyókxa nak, peyk kamasséssak kélókxa, yaqwayam kamasséssessók ma'a apchókxa tén han katnéssásekxak yókxexma meykexa énxet, tén han nápakha'a apketkók ma'a tegma apkelyawe kélagkok nak.

Jeremías 44:26

Kóleyxho sa' kélyókxoho kéxegke énxet'ák Judá kélheykha nak Egipto, sektáhakxa ko'o séláneya kéxegke, ko'o sektáha nak Wesse': Naqsók ko'o sektáha sekxéna yetlo sekxeyenma sekwesey ekteme nak ekyawe agko', méko sa' xama enxoho apkeñama nak Judá exének makham sekwesey ekyókxoho kañe' Egipto, etnehek se'e: Memassegwomek sa' chá'a Wesse' egegkok.

Jeremías 48:15

Kólmasséssók sa' ma'a Moab, yetlo tegma apkelyawe apagkok; etekyók sa' ma'a wokma'ák apagkok apkelyennaqte nak. Apxénchek Wesse' Apwányam xa, apwesey nak Wesse' ekha apyennaqte.

Jeremías 51:17

Élyeyháxma apyókxoho énxet tén han melya'áseyak aqsok. Kelyexancháseykha chá'a aqsok kéleykmássesso m'a ektáha nak chá'a apkelane: kéleykmássesso sẽlyexancháseykha m'a, tén han meyke élennama;

Jeremías 51:57

Aptáhak Wesse' Apwányam, Wesse' ekha nak apyennaqte s'e: “Annáhakkasek sa' ko'o anmen ma'a apkelámha apmonye'e nak Babilonia, tén han ma'a apkelmopwancha'a nak aqsok, tén han ma'a apkeltaqmelchesso nak apkelókxa yetlo apkeláneykha, tén han sẽlpextétamo apagkok, keñe sa' enaqtének meyke néxa, menaqxétekhagkek sa'.

Amós 4:13

Wesse' egegkok, apkelane nak meteymog élwenaqte tén han éxchahayam, apya'assásegwayam nak aqsok apmáheyo elának énxet, aptemessáseykekxoho nak han élseyéxma m'a ekyaqtéssóxma, apweychámeykencha'awól'a m'a yókxexma ektáhakxa nak netnók agko' xapop keso náxop, Wesse' egegkok, Dios ekha apyennaqte: cháxa apwesey xa.

Malaquías 1:14

Añássesagkohok sa' ko'o m'a séltennasso nak chá'a hegkések aptósso meyke ekmaso ekyókxa, keñe hegkések ma'a aptósso ekmaso nak ekyókxa. Ko'o sekteme Wesse' apwányam, héláwhok nepyeseksa m'a apyókxoho pók aptémakxa énxet'ák.” Cháxa sektáhakxa nak ko'o sekpeywa xa, sektáha nak Wesse' ekha sekyennaqte.

Josué 12:22

wesse' nak ma'a Quedes, wesse' nak ma'a Jocneam ekpayho nak egkexe Carmelo,

Josué 19:22

Weykmók axta néxa xapop apagkok ma'a Tabor, Sahasimá tén han ma'a Bet-semes, keñe ektemegweykmo néxa m'a wátsam Jordán; dieciséis axta apyókxoho tegma apkelyawe yetlo m'a tegma apketkók aphéyak nak nepyáwa'.

Jueces 4:12

Xama axta apleg'a Sísara appéwo Barac ma'a egkexe nak Tabor,

Jueces 4:6

Xama ekhem axta Débora éltamho kólyentawakxések xama énxet apwesey axta Barac, Abinóam axta apketche, apha axta m'a Quedes, tegma apwányam apagkok axta m'a Neftalí énxet'ák apagkok. Axta entáhak eyáneya s'e: —Apkeltamhók xép etnehek Wesse', Dios nak Israel se'e: ‘Emhók sa' ma'a egkexe Tabor, yánchásekxak sa' diez mil Neftalí énxet'ák apagkok ma'a, tén han Zabulón.