Jeremías 44:26 - Biblia Enxet

²⁶ Kóleyxho sa' kélyókxoho kéxegke énxet'ák Judá kélheykha nak Egipto, sektáhakxa ko'o séláneya kéxegke, ko'o sektáha nak Wesse': Naqsók ko'o sektáha sekxéna yetlo sekxeyenma sekwesey ekteme nak ekyawe agko', méko sa' xama enxoho apkeñama nak Judá exének makham sekwesey ekyókxoho kañe' Egipto, etnehek se'e: Memassegwomek sa' chá'a Wesse' egegkok.

Jeremías 44:26 ပူးပေါင်းရင်းမြစ်များ

Génesis 22:16

Aptáhak axta apcháneya s'e: —Aptáhak Wesse' egegkok se'e: ‘Naqsók ko'o sekxéna exchep eñama apteme xa ektáha nak, memyágweykekxa apketche xama apagko'

Salmos 50:16

Keñe axta m'a élmasagcha'a nak apkeltémakxa etnehek chá'a yának Dios se'e: “Megkapayhawok kéxegke kóllegaksek segánamakxa ahagkok, tén han kólxének ma'a ekhémo mók nélpaqhetchásamáxkoho ahagkok,

Salmos 89:34

Megkatnehek sa' chá'a malane m'a sekhéssamo axta mók sélpaqhetchásamáxkoho, alának sa' chá'a m'a sektémakxa axta chá'a sekpeywa.

Isaías 62:8

Naqsók kaxwók aptáha appeywa Wesse' egegkok apya'asa néten apaktog apkelya'assamakxa ekha nak ekyennaqte s'e: “Magwohók sa' chá'a kaxwók etawagkok hótáhap apaktek kélagkok ma'a kélenmexma nak. Magwohok sa' nahan kaxwók énagkok vino kélláneyák nak ma'a énxet'ák apkeleñama nak mók nekha;

Jeremías 22:5

Keñe sa' megkólyahákxoho enxoho s'e séltennasso nak, nápakha'a apketkók sa' etnekxak se'e tegma apyawe nak. Ko'o sekxeyenma xa, sektáha nak Wesse'.’”

Jeremías 24:8

“Keñe sa' ma'a Sedequías, wesse' apwányam nak Judá, tén han ma'a apkelámha apmonye'e nak, tén han ma'a nápakha énxet'ák apheykha nak ma'a Jerusalén apkelheykekxa axta m'a apchókxa, tén han ma'a apkelhayam axta m'a Egipto, máxa higo ekyexna élmaso sa' atnéssesek, megkólmowánal'a kóltók.

Jeremías 4:2

kélwanchek sa' hélmések kélpeywa yetlo kélxeyenma sekwesey, ekmámnaqsoho agko', tén han ektaqmalma tén han ekpéwomo. Sekwesey sa' chá'a elmaha elmaxnéssesek aqsok éltaqmalma apnámakkok ma'a pók aptémakxa énxet'ák, tén han ektaqmalma apkelxénamap.”

Jeremías 44:11

“Cháxa keñamak sektáha nak ko'o séláneya kéxegke, ko'o sektáha nak Wesse' ekha sekyennaqte, Dios apagkok nak Israel: Ekxénchek ko'o alhak kéxegke aqsok ekmaso, tén han amasséssók ekyókxoho apchókxa Judá.

Jeremías 44:14

Melegketakpek sa' xama enxoho m'a énxet'ák Judá, apkeleymomap axta, apkelmahéyak apkelhayam ma'a Egipto, méko sa' xama enxoho yeymakpok. Emáwhok sa' eyke elmeyenták makham Judá, yaqwayam elhaták makham ma'a, melwateyk sa' eyke, melxeganakmo enxoho apqántawo.’”

Jeremías 44:24

Aptáhak axta han Jeremías apkeláneya apyókxoho énxet'ák, tén han kelán'ák se'e: —Kóleyxho s'e Wesse' egegkok appeywa, kélyókxoho kéxegke énxet'ák Judá, kélheykha nak Egipto.

Jeremías 46:18

Ko'o sektáha nak Wesse' apwányam, sekwesey nak Wesse' ekha apyennaqte, naqsók ko'o sektáha sekpeywa s'e: Sa' elxohok kélenmexma peya nak elxegmak ma'a ektémakxa nak egkexe Tabor, élyeykheykegko nak émha neyseksa m'a mók egkexe nak, tén han ma'a egkexe Carmelo negweteyo nak katnamok m'a ekpayho nak wátsam ekwányam.

Jeremías 49:13

Naqsók ko'o sektáha sekpeywa s'e, sektáha nak Wesse': Yókxexma meykexa énxet sa' etnekxak ma'a tegma apwányam Bosrá, nápakha'a apketkók sa' etnehek, segestéhegkesso sẽltemessáseykekxa mékoho, tén han kéltémo hẽltemessessamhok exma ekmaso, nápakha'a apketkók sa' nahan etnekxak ma'a pók tegma apkelyawe nak megkatnégwayam néxa.”

Jeremías 5:2

Yetneyk énxet apxeyenma nak chá'a apmésso appeywa ekmámnaqsoho m'a Wesse' egegkok, apmopwána amya'a eyke.”

Jeremías 51:14

Aptáhak apxéna ekmámnaqsoho Wesse' ekha nak apyennaqte s'e: “¡Wáhakkassak sa' ko'o exchep apkelenmexma, aptémól'a sawa', elátsaha sa' nepyeseksa exchep elmallánek ma'a!”

Jeremías 7:9

Kélmenyexeykegkek chá'a, kélnapmeyk chá'a kélnámakkok, kélnaqtawáseykegkók chá'a kélnaqteyegka'a kéllánegweykmo chá'a mók kelán'a, kélméssegkek chá'a kélpeywa Wesse' egegkok kélmowána amya'a, kélméssegkek chá'a aqsok ánek ekmátsa nak ekpaqneyam ma'a Baal, kélpeykessamók chá'a aqsok kéláyókxa megkólya'ásegko nak kéxegke,

Ezequiel 20:39

“Énxet'ák Israel, keso aptáhakxa exchek appeywa Wesse' egegkok se'e: ¡Kólpeykessekxoho heykxa m'a aqsok kéleykmássesso kélagkok! Keñe sa' natámen hélyahakxohok ko'o kéxegke, kamaskok sa' nahan kóltawasha sekwesey ekpagkanamaxche kóllanagkok chá'a s'e ektéma nak aqsok kélmésso naqsa kélagkok tén han kélpeykessamo chá'a m'a aqsok kéleykmássesso kélagkok.

Oseas 4:15

“Israel, apkelanak agkok xép aptémakxa megkamopsexta, Judá, ná elána aqsa exchep mey'assáxma, ¡Nágkólmohok aqsa kéxegke m'a Guilgal, tén han ma'a Bet-avén, nágkóltemésses han naqsók kélpeywa yetlo kélxeyenma Wesse' egegkok apwesey!

Amós 6:10

Awanhek sa' katnehek élmeneymáxche'. Apmeyk sa' agkok chá'a pók aphápak xama énxet yaqwayam etekkesek ma'a kañe' apxagkok. Sa' etnehek chá'a yának pók apha enxoho makham ma'a kañe' nak: “¿Yetnéya makham pók apxegexma exchep?” “Méko sa' etnehek yátegmowágkok ma'a pók nak.” Tén sa' etnehek yának se'e: “¡Ewanma', exénhok katnehek Wesse' egegkok apwesey!”

Amós 6:8

Naqsók aptáha appeywa Wesse' egegkok, Dios ekha nak apyennaqte s'e: “Altaqnawhok ko'o m'a éleymáxkoho nak apkelwáxok Jacob énxet'ák apagkok; megkalchek agko' ewáxok ma'a kelwesse'e apxanák apkelyawe nak; agkések sa' ko'o tegma apwányam ma'a apkelenmexma nak, yetlo m'a ekyókxoho aqsok ekhéyak nak ma'a kañe'.”

Amós 8:7

Naqsók aptáha appeywa Wesse' egegkok, apxéna ektémakxa nak apcheymákpoho Jacob se'e: “Mehelwánaqmeyk sa' chá'a m'a aqsok kéllánéyak axta.”

Números 14:28

Kólyo'ókxa sa' kaxwo' kóltennássekxak sektáha ko'o sekpeywa s'e: Naqsók ko'o sekxéna, sektáha nak Wesse' peya atnéssesek kéxegke m'a ekhawo ektémakxa nak chá'a seklegé kélpaqméteykha.