Jeremías 42:15 - Biblia Enxet

¹⁵ kóleyxho sa', kéxegke kéleymomáxche nak Judá, aptáhakxa nak appeywa apkeláneya m'a Wesse' ekha apyennaqte, Dios apagkok nak Israel: ‘Kéllenxanakmek sa' agkok kéxegke kélmáheyo kólmeyekxak ma'a Egipto,

Jeremías 42:15 ပူးပေါင်းရင်းမြစ်များ

Génesis 31:21

Apxeganakmek axta yetlo ekyókxoho aqsok apagkok ekyetnakxa nak, yohók axta apyeykhákxo m'a wátsam Éufrates, apxegkek axta apmahágko m'a élámhakxa nak meteymog Galaad.

Jeremías 27:8

Yetneyk sa' agkok chá'a mók xam'a apkelókxa, essenhan kelwesse'e apkelwányam melmésamap ma'a Nabucodonosor, wahak sa' chá'a ko'o kempakhakma, meyk, tén han negmasse, ekwokmoho apkelma m'a apyókxoho nak. Ko'o sekxeyenma xa, sektáha nak Wesse'.

Jeremías 42:17

Apyókxoho apkelenxányam nak elmeyekxak ma'a Egipto, eletsapwakxak sa' kempakhakma m'a, meyk essenhan negmasse. Méko sa' kawagkasaxchek teyp, méko sa' kagketaxchek ma'a aqsok ekmaso peya nak ko'o waha'.’

Jeremías 44:24

Aptáhak axta han Jeremías apkeláneya apyókxoho énxet'ák, tén han kelán'ák se'e: —Kóleyxho s'e Wesse' egegkok appeywa, kélyókxoho kéxegke énxet'ák Judá, kélheykha nak Egipto.

Daniel 11:17

Elánekxak sa' nahan aptamhágkaxa yaqwayam emok ma'a ekyókxoho xapop nak nepyeyam; elának sa' ekhémo mók apkelpaqhetchásamákpoho m'a wesse' apwányam nak, egkések sa' han apketche kelwána yaqwayam etnehek aptáwa', ekxeyenma eykhe apwáxok emasséssók ma'a aptémakxa nak wesse' apwányam, megkatyepek sa' eyke yaqwánxa etnehek.

Deuteronomio 17:16

Tásek sa' eyke megyepmenyéhok apxámokma apagko' yátnáxeg xa wesse' apwányam nak, tásek sa' nahan meláphaksek énxet'ák ma'a Egipto yaqwayam enxoho exámasagkok apagko' ma'a apkelchánte nak yátnáxeg, hakte axta aptemék apkelanagkama kéxegke Wesse' egegkok se'e: ‘Nágkólmeyekxoho agko' kaxwók xama enxoho m'a ámay nak.’