Jeremías 41:2 - Biblia Enxet

² apkempákxeyk axta néten Ismael yetlo diez énxet ektáha axta apkelxegexma'a, yetlókok axta nahan apkelhaxyawasso sawo apagkok apchaqha m'a Guedalías, apteméssessama axta apkeláneykha apchókxa Judá m'a wesse' apwányam Babilonia.

Jeremías 41:2 ပူးပေါင်းရင်းမြစ်များ

2 Samuel 3:27

Xama axta apwákxo Abner ma'a Hebrón, apya'ássek axta Joab nekha átog nak tegma apwányam, yaqwayam epaqhetchesek apxakko', cha'a apchaqhakxa axta han apkelyetxaqkasa apwokmo m'a, yaqwayam exnésseshok mók apchaqhássesso m'a apyáxeg Asael.

2 Reyes 25:25

Keñe axta ektáha siete pelten, apwokmek axta Ismael ma'a, Netanías axta apketche, Elisamá axta aptáwen, apkeñama axta nepyeseksa m'a wesse' apwányam apnámakkok nak Judá, diez énxet'ák axta apkelxegexma'a, apchaqhak axta m'a Guedalías, tén han apyókxoho judíos, caldeos apkelxegexma'a axta apheykha m'a Mispá.

Salmos 109:5

Ekmaso chá'a apyaqmagkáseykekxak sekteméssessamakxa ektaqmela, alásekhohok eykhe chá'a, hetaqnók aqsa chá'a.

Salmos 41:9

Weykmók sénmexeykekxo m'a sekxegexma seyásekhayo nak, magwéssama axta chá'a aqsok ahagkok, sektómo axta chá'a xamók sekto.

Jeremías 40:14

Axta aptáhak apcháneya s'e: —¿Ya ey'ásegkok xép Baalís wesse' apwányam nak Amón apcháphasa Ismael, Netanías axta apketche, yaqwayam yaqhek xép? Apya'ássekmek axta eyke Guedalías.

Jeremías 40:16

Aptáhak axta Guedalías apchátegmowágko s'e: —¡Ná etne aqsa xa! Háwe naqsók ma'a aptáhakxa nak xép apxéna m'a Ismael.

Jeremías 40:5

Apmakók sa' agkok etaqhoho', ey'ókxa sa' Guedalías, Ahicam nak apketche, Safán nak aptáwen, apteméssessama nak wesse' apwányam Babilonia apkeláneykha m'a apyókxoho nak tegma apkelyawe Judá, exa sa' xamók ma'a, yetlo apkelpeywomo xamo'. Emhók sa' ma'a ekleyókxa enxoho apwáxok.” Tén axta wesse' apwányam sẽlpextétamo apkemha apmonye' apagkok apmésa Jeremías xama aqsok apmésso naqsa, yetlo nento, tén axta apcháphasa.

Jeremías 40:7

Xama axta apkelleg'a amya'a sẽlpextétamo apkelámha apmonye'e, tén han sẽlpextétamo judíos, apheykha axta makham ma'a yókxexma, apteméssessama wesse' apwányam Babilonia apkeláneykha apchókxa m'a Guedalías, Ahicam axta apketche, tén han apteméssesa apkeltaqmelchesso m'a énxet'ák, kelán'ák, sakcha'álétkók, meyke agko' axta aqsok apagkok ma'a apchókxa nak, megkólnaqleykekxa axta m'a Babilonia,

Jeremías 40:8

apkelmeyákxeyk axta Mispá yetlo énxet'ák apagkok, apkelya'aweykxo m'a Guedalías. Apháha axta nahan nepyeseksa: cham'a Ismael, Netanías axta apketche, tén han Johanán, Jonatán, Caréah axta apketchek; Seraías, Tanhúmet axta apketche; tén han Efai axta apketchek, apkeleñama nak Netofá; tén han Jezanías, apketche axta xama énxet apkeñama Maacat, yetlo énxet'ák apagkok.

Jeremías 41:3

Apkelnapchek axta han Ismael ma'a apyókxoho judíos, tén han sẽlpextétamo caldeos apheykha axta xamók Guedalías ma'a Mispá.