Jeremías 40:8 - Biblia Enxet

⁸ apkelmeyákxeyk axta Mispá yetlo énxet'ák apagkok, apkelya'aweykxo m'a Guedalías. Apháha axta nahan nepyeseksa: cham'a Ismael, Netanías axta apketche, tén han Johanán, Jonatán, Caréah axta apketchek; Seraías, Tanhúmet axta apketche; tén han Efai axta apketchek, apkeleñama nak Netofá; tén han Jezanías, apketche axta xama énxet apkeñama Maacat, yetlo énxet'ák apagkok.

Jeremías 40:8 ပူးပေါင်းရင်းမြစ်များ

2 Samuel 10:6

Apyekpelcheyk axta amonitas aplawa m'a David, yetlókok axta aptegye ekha ekyánmaga veinte mil sẽlpextétamo sirios apkeleñama m'a Bet-rehob tén han ma'a Sobá, keñe axta han mil énxet'ák ma'a wesse' apwányam Maacá axta apagkok, keñe doce mil énxet'ák apkeleñama m'a Is-tob.

2 Samuel 10:8

Apkelántekkek axta m'a amonitas, apkelánegwokmek axta aptamhágkaxa yaqwayam yempakhak ma'a nentaxnamakxa nak tegma apwányam, keñe axta m'a sẽlpextétamo sirios, apkeleñama axta Sobá, tén han Rehob, keñe han ma'a sẽlpextétamo apkeleñama axta Is-tob, keñe han ma'a Maacá axta sẽlpextétamo apagkok, apkekhegwa'a m'a yókxexma.

2 Samuel 23:34

Elifélet, apketche axta Ahasbai, tén han ma'a apkeñama nak Maacá apketche; Eliam, apketche nak Ahitófel, apkeñama axta Guiló;

2 Reyes 25:23

Xama axta apkelleg'a amya'a m'a sẽlpextétamo apkelámha apmonye'e nak Judá tén han ma'a énxet'ák apagkok, apkelmeyákxeyk axta m'a Mispá, yaqwayam elpaqhetchesakpohok ma'a Guedalías. Ismael axta m'a, Netanías axta apketche; tén han Johanán, Caréah axta apketche; tén han Seraías, Tanhúmet axta apketche, apkeñama axta Netofá; tén han Jaazanías, apketche axta xama énxet apkeñama axta Maacá. Apkelyetlókek axta han énxet'ák apagkok.

2 Reyes 25:25

Keñe axta ektáha siete pelten, apwokmek axta Ismael ma'a, Netanías axta apketche, Elisamá axta aptáwen, apkeñama axta nepyeseksa m'a wesse' apwányam apnámakkok nak Judá, diez énxet'ák axta apkelxegexma'a, apchaqhak axta m'a Guedalías, tén han apyókxoho judíos, caldeos apkelxegexma'a axta apheykha m'a Mispá.

1 Crónicas 11:30

Maharai, apkeñama axta Netofá; Héled, Baaná axta apketche, axta han apkeñamak ma'a Netofá;

1 Crónicas 2:48

Maacá axta ekwesey egken ma'a Séber tén han Tirhaná, kelán'a apmeykha naqsa axta m'a Caleb.

1 Crónicas 2:54

Salmá apketchek: Belén, netofatitas, Atrot-bet-joab, nápakha' axta han ma'a manahetitas, tén han ma'a soreítas,

Esdras 2:22

Cincuenta y seis axta apyókxoho m'a apkeleñama nak Netofá;

Nehemías 7:26

ciento ochenta y ocho axta apyókxoho m'a énxet'ák apkeleñama nak Belén tén han Netofá;

Jeremías 37:15

Apkellókók apagko' axta apkelano m'a Jeremías, apkeltamhók axta kólyekpexchetmakha, tén han kólaqxegkesek ma'a kañe' Jonatán apxagkok kélteméssessamakxa axta kélxátamakxa apkelmomap, cham'a Jonatán apnaqtáxéseyak axta chá'a weykcha'áhak.

Jeremías 37:20

Yeyxho hana s'e wesse', elyahakxoho sa' nahan se'e yaqwánxa nak ko'o atnehek wának xép: Nágyoho aqsa ko'o hélyentemekxak makham ma'a Jonatán apxagkok, cham'a apnaqtáxéseyak nak chá'a weykcha'áhak, hakte watsapwók ko'o katnehek ma'a.

Jeremías 38:26

Eltennaksek sa' eyke exchep sélmaxneya ko'o apkeltamho magwáphaksek makham emyekxak ma'a Jonatán apxagkok, yaqwayam enxoho megyetsapwomek ma'a.

Jeremías 40:11

Keñe axta nahan ma'a judíos apkelhayam axta m'a Moab, Amón, Edom, tén han ma'a mók apchókxa nak, apkelleg'a amya'a apchahayo apkelheykmo nápakha judíos xapop apagkok ma'a wesse' apwányam Babilonia, tén han apteméssessama apkeláneykha apchókxa m'a Guedalías.

Jeremías 40:13

Apkelmeyákxeyk axta Mispá m'a Johanán, Caréah axta apketche yetlo m'a apyókxoho apkelámha apmonye'e nak sẽlpextétamo apkelheykekxa axta m'a yókxexma, apkelya'aweykxo m'a Guedalías.

Jeremías 40:14

Axta aptáhak apcháneya s'e: —¿Ya ey'ásegkok xép Baalís wesse' apwányam nak Amón apcháphasa Ismael, Netanías axta apketche, yaqwayam yaqhek xép? Apya'ássekmek axta eyke Guedalías.

Jeremías 40:15

Keñe axta Johanán apyexákpoho aptáha apcháneya Guedalías se'e: —Yoho ko'o ay'ókxak Ismael tén han waqhek. Méko sa' kay'asagkohok ektáha eyaqhe. Mogwanchek negko'o óghok yaqhek xép ma'a. Yexpaqnek katnehek ma'a apyókxoho judíos apwakhegweykta nak xép, enaqtawasakpok katnehek ma'a apkeleymomap nak makham ma'a Judá.

Jeremías 40:6

Apmeyákxeyk axta Jeremías ma'a Mispá aphakxa nak Guedalías, apheykekxeyk axta xamo' ma'a, yetlo m'a énxet'ák apkeleymomap axta m'a apchókxa nak.

Jeremías 41:1

Apmeyákxeyk axta Mispá Ismael pelten siete apya'aweykxo m'a Guedalías, cham'a Ismael, Netanías axta apketche, Elisamá axta aptáwen, apteme axta wesse' apnámakkok. Apkelyetlókek axta nahan diez énxet. Keñe axta m'a Mispá neyseksa aptéyak

Jeremías 41:11

Xama axta apkelleg'a amya'a ektáhakxa ekmaso aqsok apkelane Ismael ma'a Johanán, Caréah axta apketche tén han ma'a apkelxegexma'a apkelámha apmonye'e nak sẽlpextétamo,

Jeremías 41:2

apkempákxeyk axta néten Ismael yetlo diez énxet ektáha axta apkelxegexma'a, yetlókok axta nahan apkelhaxyawasso sawo apagkok apchaqha m'a Guedalías, apteméssessama axta apkeláneykha apchókxa Judá m'a wesse' apwányam Babilonia.

Jeremías 42:1

Apkelya'aweykxeyk axta apyókxoho apkelámha apmonye'e sẽlpextétamo, yetlo Johanán, Caréah axta apketche, tén han Azarías, Hosaías axta apketche, tén han apyókxoho énxet'ák, ketcheyetse nak, tén han apkelwányam

Jeremías 42:8

yetlókok axta apcháneyeykha m'a Johanán, Caréah axta apketche, tén han ma'a apkelámha apmonye'e nak sẽlpextétamo ektáha axta apkelxegexma'a, tén han ma'a apyókxoho énxet'ák, cham'a ketcheyetse nak ekweykekxoho m'a apkelwányam.

Jeremías 43:2

aptáhak axta apcháneya Jeremías ma'a Azarías, Hosaías axta apketche, tén han Johanán, Caréah axta apketche, tén han ma'a pók énxet'ák éleymáxkoho axta chá'a apkelwáxok: “¡Wanchek amya'a m'a aptémakxa nak chá'a appeywa! Meltémók xép hẽltennaksek Dios Wesse' egagkok megyánhek ólmeyekxak aghakxak ma'a Egipto.

Jeremías 43:5

Apchánchesákxeyk axta aqsa apqántawok apkeleymomap axta énxet'ák Judá m'a Johanán, tén han ma'a apkelámha apmonye'e nak sẽlpextétamo, apkelweykta axta makham natámen kélexpánchesso ekyókxoho apkelókxa yaqwayam exmakha m'a Judá:

Deuteronomio 3:14

(Jaír axta eyke apmák ma'a yókxexma Argob, Manasés axta aptáwen neptámen, ekweykekxoho m'a néxa xapop nak yókxexma Guesur tén han ma'a Maacá, aptegyessegkek axta nahan ekwesey agko' ma'a Basán, Havot-jaír axta apteméssessók ekwesey, cháxa ekyetnama nak makham xa ekwesey nak.)

Josué 12:5

Weykmók axta han apagkok ma'a egkexe nak Hermón, keñe han eyeynókxa m'a yókxexma nak Salcá, tén han eyeynókxa m'a ekyókxoho yókxexma nak Basán, ekweykmoho m'a ektemegwánxa nak néxa yókxexma Guesur keñe han ma'a Maacá, tén han ektemegwánxa nak néxa m'a náxet yókxexma Galaad, ektáha axta apagkok ma'a Sihón wesse' apwányam axta m'a yókxexma Hesbón.