Jeremías 40:10 - Biblia Enxet

¹⁰ Sa' eyke ko'o axek ma'a Mispá, yaqwayam sa' altennássesek kéxegke caldeos apkelwa'akto sa' se'e. Kólyetmák sa' kéxegke vino tén han pexmok égmenek, kólnakxák sa' nahan yámet ekyexna, kóltaqmelchesek sa', keñe sa' kélwanchek kólhakha m'a tegma apkelyawe kélmomakxa axta.”

Jeremías 40:10 ပူးပေါင်းရင်းမြစ်များ

2 Samuel 16:1

Axta kanéwók apyeykhe David ma'a néten egkexe nak, aptahanya'awo m'a Sibá, Mefi-bóset axta apkeláneykha. Yámelyeheykok kéltéteykekxa mók axta han apnaqleykha, apkelpátegkesso doscientos pán, cien anmen yámet ekyexna kélyamasso kélyaqyeyáseykekxa', cien aqsok ekyexna élmakhetmo, tén han xama yempehek kélyeta vino.

1 Reyes 10:8

¡Keleñémok eykel'a chá'a m'a apnaqteyegka'a nak xép, kelpayheykekxók eykel'a chá'a apkelwáxok ma'a apkeláneykha apheykha nak chá'a xamo' xép, apháxenmo chá'a m'a appeywa ekha nak ekya'áseykegkoho aqsok!

Proverbios 22:29

Énxet aptaqmelchessamo nak chá'a apkelane aptamheykha, etnehek sa' aptamheykha m'a apheykegkaxa nak apkelwesse'e apkelwányam, metnehek sa' wesse' apagkok ma'a meyke nak kéláyo.

Proverbios 27:25

Tepékxek sa' agkok makham ma'a pa'at tén han éltektépekxo enxoho ekyókxoho, kélyaqtenna enxoho pa'at kéléyak kélnaqtósso m'a néten egkexe nak,

Isaías 16:9

Cháxa keñamak sélekxagweyncha'a nak ko'o sélano m'a anmen yámet kélcheneykekxa nak Sibmá, tén han ma'a Jazer, pallénteyk ahaqtek égmenek sélano m'a Hesbón tén han ma'a Elalé, hakte legáxcheyk kélpáxameykha ekyennaqte kempakhakma m'a neyseksa nak aqsok ekyexna apkeneykekxa m'a énxet'ák tén han ma'a aqsok ekyexna eknakxamáxche nak.

Jeremías 35:19

ekxénchek ko'o, sektáha nak Wesse' ekha sekyennaqte, Dios apagkok nak Israel, megkameykkehek sa' chá'a xama Jonadab aptáwen neptámen aptamheykha sekhakxa.’”

Jeremías 39:10

Wánxa axta aqsa apkeleykmo yókxexma Judá nápakha m'a meyke agko' nak aqsok apagkok, apkelmeyásegkek axta apkeneykekxexa anmen yámet, tén han namyep yaqwayam eknekxak aqsok aktek.

Jeremías 40:12

Keñe axta apkelmeyeykento makham ma'a Judá apkelenyékento m'a ekyókxoho apkelmaheykegkaxa axta chá'a apkexpánma, apkelwákxeyk axta aphakxa Guedalías ma'a Mispá. Apkelyetmeykegkek axta han ekyawe agko' vino m'a, tén han apnakxeykegko ekxámokma agko' yámet ekyexna apkeltaqmelchessama.

Jeremías 40:6

Apmeyákxeyk axta Jeremías ma'a Mispá aphakxa nak Guedalías, apheykekxeyk axta xamo' ma'a, yetlo m'a énxet'ák apkeleymomap axta m'a apchókxa nak.

Jeremías 43:5

Apchánchesákxeyk axta aqsa apqántawok apkeleymomap axta énxet'ák Judá m'a Johanán, tén han ma'a apkelámha apmonye'e nak sẽlpextétamo, apkelweykta axta makham natámen kélexpánchesso ekyókxoho apkelókxa yaqwayam exmakha m'a Judá:

Jeremías 48:32

Alenxaqmaha sa' ko'o alanok kéxegke énxet'ák Sibmá, kélhémo nak anmen yámet kélcheneykekxa', megkaxók sa' ma'a ekwánxa axta éllekxagwomáxche kéllányo m'a Jazer. Cham'a anmen yámet élweykmohol'a kepmenák ma'a neyp nak wátsam ekwányam, élweykmoho nak ma'a Jazer. Kélmasséssekmek eyke m'a eknakxamáxche nak ekyexna anmen yámet.

Miqueas 7:1

¡Ko'o laye! ekhawók ma'a énxet apyekhámeykhal'a aqsok natámen eknakxamáxche ekyexna m'a namyep, massék sekwet'a anmen yámet ekyexna, tén han higo ekyexna, sekmáheyól'a chá'a.

Deuteronomio 1:38

Sa' eyke etxek ma'a Josué ektáha nak chá'a appasmeykha aptamheykha, apyaqmagkasso exchep, Nun apketche nak. Ewasqakkásekxoho sa', hakte sa' egkések apkelókxa Israel ma'a.

Deuteronomio 16:13

“Kélpenchessek sa' agkok kélnakxo m'a hótáhap apaktek kélagkok nak tén han kélyaqhapma m'a anmen yámet ekyexna kélagkok, kóllának sa' ekweykmoho siete ekhem ma'a kélessawássessamo kélpakxenmakxal'a yenta'a aktegák étkók.