Jeremías 40:1 - Biblia Enxet

¹ Appaqhetchessek axta Wesse' egegkok Jeremías, natámen axta apyenyeykekxa Nebuzaradán ma'a Ramá, cham'a Nebuzaradán apteme axta apkemha apmonye' sẽlpextétamo apagkok ma'a wesse' apwányam. Apwetágweykmek axta Nebuzaradán Jeremías apmomap yetlo kélpextete nepyeseksa énxet'ák Jerusalén, tén han Judá kélnaqleykekxa axta m'a Babilonia.

Jeremías 40:1 ပူးပေါင်းရင်းမြစ်များ

2 Crónicas 16:1

Apketámegkek axta Judá m'a wesse' apwányam Israel, cham'a Baasá, ekwokmo axta treinta y seis apyeyam apteme wesse' apwányam ma'a Asá, aphaxtegkessegkek axta ekyennaqte m'a Ramá, yaqwayam enxoho megyohok chá'a kalántaxnaxchek aphakxa m'a wesse' apwányam Judá.

Salmos 107:16

¡Nekha'a étkók axta aptemessáseykekxak ma'a atña'ák élánamáxche nak sawo ekyexwase! ¡Apkelekkexeykekxeyk axta m'a sawo kélápeykekxa nak chá'a átog!

Salmos 68:6

Egkések chá'a aphamakxa Dios ma'a aptaqmópeyak nak chá'a, elántekkesek chá'a m'a apkelmomap nak, egkeyásekxa chá'a ektaqmalma apheykha; exmakha sa' eyke chá'a xapop ekmaso nak ma'a élmasagcha'a nak apkeltémakxa.

Jeremías 31:15

Aptáhak Wesse' egegkok se'e: “Legáxcheyk ekpayheykha kélátog ma'a Ramá, kéllekxagweykha yetlo ekyentaxno agko' kélwáxok. Raquel ma'a, élekxagweyncha'a nak, eñama aptekyawa étchek, yámenyeyk nahan kóltaqmelchessásekxak awáxok, hakte apkeletsekkek étchek.”

Jeremías 39:9

Keñe axta Nebuzaradán apteme nak sẽlpextétamo apkemha apmonye' apagkok ma'a wesse' apwányam, apnaqlákxo Babilonia m'a apkeleymomap axta tegma apwányam, appaxqeykekxa axta m'a caldeos; cham'a apyókxoho nak.

Jeremías 42:7

Diez ekhem axta táhak ekyeykhe, appaqhetchessek axta Wesse' egegkok Jeremías,

Ezequiel 33:21

Apwa'ak axta ko'o sekhakxa xama énxet apxegányam apkeñama m'a Jerusalén, ekwokmo axta cinco ekhem ma'a pelten diez, apwokmo axta doce apyeyam sẽlnaqleykekxa m'a katnahakxa nak negókxa, éltennáseyha axta ko'o apma tegma apwányam ma'a apkelenmexma nak.

Josué 18:25

Axta han ma'a Gabaón, Ramá, Beerot,

1 Samuel 7:17

Keñe axta etaqhohok chá'a emyekxak ma'a Ramá, aphamakxa axta chá'a, cháxa apkeláneykegkaxa axta han chá'a m'a Israel. Apkelánéssegkek axta han kélwatnéssamakxa chá'a aqsok ma'a Wesse' egegkok.