Jeremías 4:31 - Biblia Enxet

³¹ Ekleg'ak ko'o ekpayheykha kélátog kéllegeykegkoho ekmáske, ektémól'a xama kelán'a kaxwe ekmáheyól'a kótak étche kategkesek apkemha apmonye' étche; Sión ekpayheykha átog ma'a, élya'asa nak néten amék, ektáha ekpaqmeta s'e: ¡Ko'o laye! ¡Peyk heyaqhek ma'a tekyawa yapmeyk nak!”

Jeremías 4:31 ပူးပေါင်းရင်းမြစ်များ

Génesis 27:46

Keñe axta Rebeca ektáha eyáneya Isaac se'e: —Éleklágwokmek ko'o éltémakxa s'e kelán'ák hititas apnaqteyegka'a nak Esaú. Apmeyk sa' agkok han Jacob xama kelán'a hitita, ekhawo nak xa ekheykencha'a nak se'e Canaán, tásek watsapok.

Job 10:1

¡Éleklágwokmek sekweynchámeykha! Altennaksek sa' ektémakxa aqsok megkaleklo ewáxok, mamágwakxeyk sa' axénmakha eklo ewáxok.

Salmos 120:5

¡Eyóse' nak la'a ko'o sekha nak Mésec megkatnahakxa seyókxa, sekpakxanma nak nepyeseksa m'a énxet'ák Quedar!

Isaías 1:15

Kélya'ássek agkok chá'a kéxegke kélmék néten kóltéhek nempeywa nélmaxnagko, malanók chá'a ko'o kéxegke; kólxámaksohok eykhe nahan kélteme nempeywa nélmaxnagko, mañék eyke ko'o. Keltexnémáxcheyk éma kélmék ekyetno kélyógkexma.

Isaías 13:8

elyegwáwhok apagko' sa'. Káhapwak sa' ekyawe agko' apkelyegwakto tén han apkellegeykegkoho ekmáske, máxa sa' etnahagkok elpexyawha m'a ektémól'a kelán'a káskok awáxok kamáwhok katnehek naqláwa. Égweyk sa' aqsa chá'a elanok ma'a pók, kalyexwásekxak sa' nápaqta'a apkelmegqakto.

Isaías 21:3

Élpexyennegkessek ko'o sekwet'a, éttelegwáseyha ekmáske, máxa ektáhak ma'a ektémól'a kelán'a káskok awáxok kamáwhok katnehek naqláwa, meheñásak ektemegweykmohóxma m'a seklegeykegkoho ekyentaxnamo ewáxok, mehéteyásak aqsok ma'a sekyegwakto.

Isaías 26:17

Wesse', máxa kelán'a lóso' nentamheykegkok negko'o nápaqtók xép ketók ekmaheyókxal'a katnehek naqláwa, ekyettelegweykhal'a, ekpayheykhal'a átog kañegkohok ekmáske.

Isaías 42:14

Aptáhak Wesse' egegkok se'e: “Ahóxek agko' sekwanmeyeykha aqsa, ekwanmagkamchek aqsa, mapaqméteykha xama enxoho; awhesha sa' kaxwo', máxa sa' atnehek ma'a ektémól'a kelán'a káskok awáxok kamáwhok katnehek naqláwa, wápentegmakha sa', atekkesha sa' nahan sénnama.

Isaías 6:5

Keñe axta ektáha élchetama ewáxok se'e: “¡Ko'o laye, watsapok sa'! Ekwet'ak ahaqta'ák ahagko' ma'a Wesse' Apwányam, cham'a Wesse' ekha nak apyennaqte; ko'o sekteme énxet ekteyapmól'a chá'a appeywa ekmaso, ekhegkek ko'o nepyeseksa m'a énxet'ák élánteyapmo nak chá'a apkelpaqmeyesma ekmaso.”

Jeremías 10:19

—¡Ko'o laye, asagkek setnahakxa'! ¡Megkaltaqmelwomek sélyense! ¡Énagkamchek axta ko'o alenmaxaxkohok se'e ekmáske nak!

Jeremías 13:21

“Jerusalén, ¿háxko sa' katnehek, aptáha sa' wesse' agkok ma'a énxet élxekmósso agko' axta exche'? Kañegkohok sa', ektémól'a kelán'a kamáwhok katnehek naqláwa.

Jeremías 14:18

Ektekkek agkok yókxexma, ótak kaxnagkok kélhapák aptekyawa neyseksa kempakhakma; ektaxneyk agkok tegma apwányam, ótak apkeletsapma énxet'ák eñama meyk élnapma. Weykmok apkellegasso Dios appeywa, tén han apkelmaxnéssesso Dios énxet'ák apagkok apkelmaheykegko m'a apchókxa melya'ásegkaxa nak.’”

Jeremías 15:18

¿Yaqsa ektéma megkamassegweykmo nak ko'o seklegeykegkoho ekmáske? ¿Yaqsa ektéma megkataqmelweykmo nak ko'o sekyense, neyseksa eykhe séllánésso? Máxa aptamheykekxak xép sélányo m'a ekhól'a yegmen élyenma agwetak makhawo.

Jeremías 18:21

¡Yána kaxwók eletsapok apketchek meyk élnapma, essenhan sókwenaqte kélyetxaqxo; tampe sa' katnahagkok ma'a apnaqteyegka'a nak, tén han meyke étchek! ¡Yána kalnápok negmasse m'a apkelennay'a nak énxet'ák apagkok, keñe sa' wokma'ák eletsapok kempakhakma!

Jeremías 22:23

Tásek eyke kaxwók kéxegke kélheykha neyseksa yenta'a, neyseksa m'a yámet cedro éleñama nak kélseykenta m'a Líbano, ¡kóllegagkohok sa' eyke, ekwa'a sa' kéllegeykegkoho ekmáske, kóllegagkohok sa' ekmáske ektémól'a kelán'a katnehek naqláwa!”

Jeremías 30:6

Kóltegyaha hana sa' amya'a, apwanchek kexaha etnehek apnaqláwa xama énxet apkenna'. ¿Yaqsa eyke ektáha sekwet'a nak ko'o apkelyettelegweyncha'a m'a énxet'ák, máxa aptamhágkok ma'a ekmáheyól'a etnahagkok apnaqláw'ák? ¿Yaqsa ektáha élmópeykxo nak nápaqta'a m'a apyókxoho nak?

Jeremías 45:2

“Baruc, etnehek chá'a exchep se'e: ‘¡Eyóse nak la'a ko'o! ¡Eklegeykegkoho ewáxok aqsa ko'o egkéssók ma'a Wesse' egegkok tén han seklegeykegkoho ekmáske! Éleklágweykmek sélekxagweykha, móteyágweykmok xama enxoho séllókasso sekyampe.’ Aptáhak xép apxéna Wesse' egegkok,

Jeremías 48:41

Emok sa' apkelenmexma m'a tegma apkelyawe nak, tén han ma'a tegma apkelyennaqte nak. Elpexyennók sa' kempakhakma yapmeyk Moab xa ekhem nak, máxa sa' etnahagkok ma'a kelán'a ekmáheyól'a katnehek naqláwa.

Jeremías 49:22

Ektamagkok sa' apkelenmexma m'a Bosrá, ektémól'a náta ekyawe élpeykessól'a axempenák kaktamagkok ekyógkexma, elpexyennók sa' kempakhakma yapmeyk Edom xa ekhem nak, máxa sa' etnahagkok ma'a kelán'a ekmáheyól'a katnehek naqláwa.”

Jeremías 49:24

Massék apkelyenna énxet'ák Damasco, xénchek apkelwáxok elxeganmok. Taxneyk apkelwáxok apkelmenaye, tén han apkelaye, tén han apkellegeykegkoho, ektémól'a kelán'a ekmáheyól'a katnehek naqláwa.

Jeremías 50:43

Apkelyelqákpek axta aqsa nahan apleg'a amya'a m'a wesse' apwányam Babilonia eñama apkeye, aplegágkók axta ekyentaxno apwáxok, tén han ekmáske, máxa axta aptáhak ma'a kelán'a ekmáheyól'a katnehek naqláwa.

Jeremías 6:2

Kaxwók sa' kólmasséssók ma'a Sión ektaqmalma nak,

Lamentaciones 1:17

Kelya'ássek néten amék éltamho eykhe kólpasmok ma'a Sión, méko eyke xama enxoho yaqwayam kapeykessásekxak awáxok. Apkeltamhók Wesse' egegkok ewakhak apkelenmexma m'a Jacob; Aptaqnawágweykmek Jerusalén ma'a énxet'ák nak.

Lamentaciones 1:20

¡Wesse', elano ektémakxa ekyentaxno ewáxok! ¡Eklegeykegkók ekmaso ewáxok! Añegkohok chá'a ekmáske ewáxok ekxénwákxoho enxoho chá'a ewáxok sektémakxa sénmexeykekxo. Sókwenaqte aptekyawák étchek ma'a yókxexma, keñe han se'e kañe' nak, ekyetnama apkeletsapma énxet'ák.

Lamentaciones 2:21

Aphágkek aphopák ámay ma'a wokma'ák tén han ma'a apkelwányam nak; aptekyókek ma'a wokma'ák, tén han kelán'a étkók, kélyetxégko chá'a sawo. ¡Apkelnapchek axta exchep ma'a aplawa axta meyke apmopyósa apkelányo!

Oseas 13:13

Wokmek ekhem yaqwánxa etyapok Israel, makke ey'ásegkok ma'a yaqwánxa enxoho etyapok, hakte ekyeyháxma apagko'.

Miqueas 4:10

Epexyawha, kapayheykha apátog tegma apwányam Sión, ektémól'a kelán'a káskok awáxok, kamáwhok katnehek naqláwa, hakte elántépok sa' xép énxet'ák apagkok aphakxa, elhók sa' ma'a yókxexma eyáxñe nak, elwakxohok sa' ma'a Babilonia. Elántekkesekxak sa' eyke Wesse' egegkok énxet'ák apagkok ma'a; elwagkasek sa' teyp nepyeseksa m'a apkelenmexma.

Miqueas 4:9

¿Yaqsak ektáha ekpayhencha'a nak apátog? Máxa aptáhak ma'a kelán'a ekmáskel'a awáxok kamáwhok katnehek naqláwa. ¿Meyke wesse' apwányam apagkok enxeykel'a keñamak? ¿Enxeykel'a keñamak apkeletsapma m'a appaqhetcháseykha nak chá'a?

Miqueas 7:1

¡Ko'o laye! ekhawók ma'a énxet apyekhámeykhal'a aqsok natámen eknakxamáxche ekyexna m'a namyep, massék sekwet'a anmen yámet ekyexna, tén han higo ekyexna, sekmáheyól'a chá'a.