Jeremías 4:26 - Biblia Enxet

²⁶ Eksawheykha axta exma, ekwet'ak axta ektamhákxo meyke xama aqsok ma'a kélcheneykekxexa nak pánaqte exnók, tén han aptamhákxo nápakha'a apketkók apyókxoho m'a tegma apkelyawe nak. Wesse' egegkok aplo ekmaso keñamak ekteméssesso ekyókxoho xa.

Jeremías 4:26 ပူးပေါင်းရင်းမြစ်များ

Salmos 107:34

yásek xapop chá'a etnessásekxak ma'a xapop ektaqmalma nak, eñama ekmaso apkeltémakxa m'a apheykha nak awáxok;

Salmos 76:7

¡Yeykpohok xép! ¿Yaqsa katnemekxak xép apmonye' aplawa enxoho?

Jeremías 12:13

Apkeneykegkek hótáhap, keñe apnakxeykegko menóke; eyaqhémo temégweykmok ma'a ekyókxoho apkeltamheykha nak. Ántawók ekyexna aqsok kélcheneykekxa, eñama seklómo ahagko' ko'o.”

Jeremías 12:4

¿Háxko sa' ekwánxa ekhem kammok ekyamaye xapop, tén han élyamaye pa'at ma'a yókxexma? Keletsepmeyk aqsok kélnaqtósso, tén han náta, eñama apkeltémakxa ekmaso m'a énxet'ák apheykha nak apchókxa, apkenagkama nak xép meteyk ma'a aqsok apkeláneyak.

Jeremías 25:11

Kólmasséssók sa' ekyókxoho s'e apchókxa nak, ekmaso sa' kóltemessásekxa'. Setenta apyeyam sa' kawomhok apteme apkeláneykha Wesse' apwányam Babilonia xa énxet'ák nak.

Jeremías 7:34

Amasséssók sa' ko'o kélmeneykmasso nak kélessawássessamo tén han ekpayheykekxa egwáxok ma'a tegma apkelyawe nak Judá, tén han ma'a ámay nak Jerusalén, tén han ma'a negmeneykmasso nak chá'a sẽlyamhopma; meyke xama aqsok sa' katnekxak ekyókxoho xa apchókxa nak.”

Jeremías 9:10

“Kóllekxagwaha, kólápentegmakha kóllanok ektáhakxa m'a meteymog élekhahéyak nak, kallapwomák kóllanok ektáhakxa m'a émhakxa nak pa'at ektaqmela, hakte metchek ma'a, méko kaxwók ekyeykhágwokmo m'a; massék eklegáxko élpáweykha aqsok kélnaqtósso m'a, wokmók náta élchampe ényahágko, tén han ma'a aqsok nawha'ák éllo.

Lamentaciones 2:7

Aptaqnókek Wesse' egegkok ma'a ekwatnamáxchexa nak chá'a aqsok, apyenyókek ma'a tegma appagkanamap apagkok; apméssek yaqwayam elyaqnegkesagkok apkelenmexma m'a kélhaxtegkesso ekmasma nak chá'a tegma apwányam. ¡Legáxcheyk kélwehéseykha m'a Wesse' egegkok nak tegma appagkanamap apagkok, ektémól'a kañexchek kélwehéseykha kélessawássessamo!

Levítico 26:31

Apmopsagcha'a sa' atnessásekxak tegma apkelyawe kélagkok, amasséssók sa' ma'a kélpeykessamókxa nak aqsok kéláyókxa, kamaskok sa' ekleya ewáxok ekpaqneyam ma'a sokmátsa kélagkok.

Miqueas 3:12

Kéxegke keñamak peya kólpeynchámekxohok xóp ma'a egkexe Sión, kéxegke keñamak peya etnekxak nápakha'a apketkók ma'a Jerusalén, tegma apwányam nak egkexe Sión, kápekxak sa' ekmompánaqma m'a egkexe nak tegma appagkanamap.

Sofonías 1:18

Megkalwagkasek sa' teyp sawo ekmope élmomnáwa tén han sawo ekyátekto élmomnáwa apagkok énxet'ák ma'a ekhem, aplawa sa' Wesse' egegkok, hakte kasawhohok sa' Wesse' egegkok aplo ekyókxoho apkelókxa ektémól'a táxa kalwatnek aqsok. ¡Ekmanyehe agko' sa' kólmasséssók apyókxoho apheykha nak keso náxop!