Jeremías 4:22 - Biblia Enxet

²² “Élyeyháxma m'a énxet'ák ahagkok, mehey'ásegkok nahan —axta aptáhak Wesse' egegkok—. Kélketchek melya'áseyak aqsok, megkalchetámeykha nak apkelwáxok. Apwancha'ak elanagkok ma'a aqsok ekmaso, keñe mopwancha'ak elanagkok ma'a aqsok ektaqmela.”

Jeremías 4:22 ပူးပေါင်းရင်းမြစ်များ

Génesis 39:16

Taqmelchessek axta aqsa han ma'a José aptaxno, ekwokmoho apwa'akto apxagkok ma'a wesse' apagkok.

2 Samuel 13:3

Yetneyk axta han xama apxegexma Amnón ekmanyehe axta ey'asagkohok yaqwánxa etnehek, apwesey axta Jonadab, Simá axta apketche, apepma axta m'a David.

Salmos 36:3

Asagkók chá'a katnehek appeywa, apmopwána amya'a han, massegkek apya'áseyak exma, apkelwátessegkek apkelane aqsok ektaqmela.

Salmos 36:4

Apyetneyk agkok chá'a néten apyetnamakxa, kaxének chá'a apwáxok elának aqsok ekmaso, yennaqtegkek aptémakxa ekmaso, mopmenyeyk elwataksek apkelane aqsok ekmaso.

Salmos 53:4

Méko apkelya'áseyak ma'a élmasagcha'a nak apkeltémakxa, apnaqtawáseykegkoho nak chá'a énxet'ák ahagkok, énxet'ák melwóneykha nak chá'a apwesey Dios.

Salmos 82:5

“Makke kólya'ásegkok kéxegke, megkólyekpelcheyk nahan; kélweynchámeykha aqsa ekyáqtésakxa exma. Yawheykha m'a awhak nak xapop.

Proverbios 28:5

Melya'ásegkok aqsok ekpéwomo m'a élyeyháxma nak, apkelya'ásegkók eyke ekyókxoho m'a apkelye'eykekxa nak chá'a Wesse' egegkok.

Isaías 1:3

Keykpelkohok ótep ma'a weyke, kay'asagkohok nahan aphaxta apagkok ótep ma'a yámelyeheykok, keñe m'a Israel, énxet'ák ahagkok ahagko' nak melyekpelchehe', méko nahan apkelya'áseyak.”

Isaías 27:11

Kalekkexaxchek chá'a aktegák xama yámet ekyawe élyamaka enxoho; keñe chá'a kelán'a kalmok katnehek táxa agkok. Énxet meyke apkelya'áséyak aqsok xa. Ékeso éñamakxa peya sa' megkalepyósek elanok ma'a ektáha axta Apkelane.

Jeremías 10:8

Élyeyháxma m'a apyókxoho nak, méko xama enxoho apkelmopwancha'a aqsok. ¡Yawanchek kalxekmósek yántéseksek nekha!

Jeremías 13:23

¿Apwancheya eyaqmagkasek mók ektémakxa apyempehek ma'a énxet appésyam nak? ¿Apwancheya elhaxyawaksek élpeysameykha nak aptáxama m'a neptána? Megkólwanchek kéxegkáxa kóllának aqsok ektaqmela éltámeyeykegko nak kéllánéyak ma'a aqsok ekmaso.

Jeremías 2:8

Mehektamsók ko'o m'a apkelmaxnéssesso énxet'ák ahagkok, mehey'ásegkok ko'o m'a énxet'ák apkelxekmósso nak segánamakxa énxet'ák ahagkok, élmexeykekxeyk ko'o m'a apkelámha apmonye'e nak, keñe m'a apkellegasso nak sekpeywa, apkelxeyenma chá'a m'a Baal ekwesey, apkelyetleykekxeyk ma'a aqsok kéleykmássesso ekteme nak mékoho.

Jeremías 4:21

¡Yaqsa sa' kexa ekhem katnégwók néxa sekwete m'a bandera kélchexanma nak néten, tén han seklege ekpáwà m'a kélaqkahasso nak!

Jeremías 5:21

‘Kóleyxho sa' se'e, énxet'ák élyeyháxma meyke nak kélya'áseyak, ekha nak eykhe kélaqta'ák, megkólwetyehek eyke, ekha nak eykhe kélheyk'ák, megkóllegyehek eyke.

Jeremías 5:4

Tén axta ko'o ektáha élchetama ewáxok se'e: Énxet'ák meyke aqsok apagkok aqsa chá'a etnahagkok ekho élyeyháxma, hakte melya'asagkek ma'a apmopmenyého nak Wesse' egegkok, cham'a apkeltémókxa nak chá'a etnahagkok ma'a Dios apagkok.

Jeremías 9:2

¡Kaxho annal'a xama yókxexma sekhamakxa m'a meykexa nak énxet, yaqwayam enxoho axnamok makhawo' akxák apheykegkaxa m'a énxet'ák ahagkok! Hakte apyókxoho aptamhéyak apnaqtawáseykegkoho apnaqteyegka'a m'a apkelánegwayam chá'a mók; tén han appelakkassesso chá'a elsexnenak apnámakkok.

Jeremías 9:3

Yahamok chá'a héltennasha apkelmopwancha'a amya'a, máxa m'a ektémól'a yágke kólhaxtaqpog aktek. Yetnegkek negmowána amya'a m'a apchókxa, méko m'a amya'a ekmámnaqsoho nak; Yágweykmók aqsa ekteyapma aqsok ekmaso, Wesse' egegkok apagko' nahan apteme appeywa s'e: “Memáheyók hékpelchágwók ko'o.”

Jeremías 9:5

Elyexanchesha chá'a pók, méko xama enxoho apxeyenma amya'a ekmámnaqsoho. Keltámeyeykegkek aptamhéyak apkelmopwancha'a amya'a; apnaqtawásamákpe', mopwanchek

Ezequiel 16:30

Ektáhak ko'o sekpeywa s'e, sektáha nak Wesse': ¡Awanhók agko' nak la'a ekyespagko awáxok kalának xeye' ekyókxoho s'e ektémakxa nak kelán'a ekyaqmagkáseyak pók énxet ekpathetéyak ekma chá'a ekyánmaga megkamegqakto nak!

Oseas 4:1

Israelitas, kóleyxho aptáhakxa nak appeywa Wesse' egegkok. Appekkenchek yaqwayam elxénchásekxohok apkeltémakxa énxet'ák apheykha nak se'e apchókxa nak, hakte méko kaxwók mekxeymákpoho nepyeseksa énxet'ák se'e, tén han melyepetcheykha apnámakkok; massegkek apkelya'áseyak ma'a Dios.

Oseas 4:6

Méko apkelya'áseyak ma'a énxet'ák ahagkok, la'a kélmasséssekmo nak. Keñe exchep apkelmaxnéssesso nak énxet'ák ahagkok, aptaqnagko nak ma'a negya'áseykegkoho, matnéssesek sa' ko'o kaxwók aptamheykha apkelmaxnéssesso énxet'ák ahagkok. Megkaxének sa' ko'o kaxwók ewáxok ma'a aptawán'ák neptámen nak, hakte kelwagqeykmek ma'a nélxekmowásamáxche' ahagkok, ko'o sektáha nak Dios apagkok.

Oseas 5:4

Apkeltémakxa ekmaso megkahayók elyo'ókxak Dios apagkok ma'a énxet'ák, melya'ásegkok ma'a Wesse' egegkok, eñama élmá apkelwáxok apkeláneyak apkeltémakxa ekmaso megkalmopsexta'a.

Amós 3:10

Aptáhak Wesse' egegkok se'e: “Melya'ásegkok ektémakxa nak nenlane ekpéwomo nentémakxa m'a; apxatmeykegkek tegma apkelyawe apagkok ma'a aqsok apkelmenyexéyak nak chá'a eñama apkelyennaqteyáseykha, apyempe'ék.”

Miqueas 2:1

¡Énxet'ák la'aye, élxéneykha nak apkelwáxok elanagkok aqsok ekmaso neyseksa aphéyak apkelyetnamakxa néten, kelsakak agkok, elanagkok chá'a m'a élxeyenma nak apkelwáxok elanagkok, hakte yetneyk apmopwancha'a elanagkok!

Miqueas 7:3

Apwancha'ak elanagkok ma'a aqsok ekmaso; eltamhok chá'a elxawagkok ekyánmaga m'a wesse' apkeláneykha nak, elmok chá'a takha' kólmések selyaqye yaqwayam mepékesók aqsok apkelxeyenma m'a énxet'ák segyekpelchémo nak, elanagkok chá'a ekxénakxa enxoho chá'a apkelwáxok elanagkok ma'a kelwesse'e nak, etwássesha chá'a apkeltémakxa énxet'ák ma'a tegma apwányam.

Deuteronomio 32:28

“Kelyeyhamchek exma m'a énxet'ák Israel; ¡méko apkelya'áseyak!

Deuteronomio 32:6

¿keyaxa kélyaqmagkásekxo mók apteméssessamakxa Wesse' egegkok kéltéma xa ektáha nak? Énxet'ák élyeyhaxma meyke nak kélya'áseyak aqsok, ¿háweya kélyáp kéxegke m'a? ¿Háweya apkelane? ¡Axta apkelane kéxegke m'a tén han apmésso kélyennaqte!