Jeremías 4:19 - Biblia Enxet

¹⁹ ¡Éttelegwáseyha ko'o seklegeykegkoho ekmáske! ¡Tayha egkenyek ekyennaqte agko'! ¡Pekhekak ewáxok, mowanchek sekmako awanmak aqsa! Ekleg'ak ko'o kélpáwasso xama kélaqkahasso, tén han kélwónchesso kempakhakma.

Jeremías 4:19 ပူးပေါင်းရင်းမြစ်များ

Génesis 49:6

¡Mómenyeyk ko'o axek ma'a apchaqneykekxexa nak chá'a! Hakte apkellókek axta agkok chá'a m'a, elnápok axta chá'a énxet'ák, elyaqténchesagkok axta chá'a áhak ayay'ák ma'a weyke kelennay'awo', hakte atsek axta chá'a etnahagkok xa ektáha nak.

2 Reyes 4:19

pelakkassek axta ekpayheyncha'a apátog aptáha s'e: —¡Eklegágkók épátek! ¡Askehe'! Keñe axta apyáp aptáha apcháneya xama apkeláneykha: —Éntemekxés egken.

2 Reyes 8:11

Keñe axta megyésa apkelano Eliseo m'a Hazael, yetlókok axta han mey'áseyak aptáhakxa'. Pelakkassek axta han apwana m'a Dios appeywa aplegasso,

Salmos 103:1

Alpeykeshok sa' chá'a ko'o Wesse' egegkok ekweykmoho kañók agko' ewáxok; alpeykeshok sa' chá'a ekyókxoho sekyennaqte m'a apwesey ekpagkanamaxche'.

Salmos 116:7

Méko kaxwók ektáhakxa ewáxok, hakte taqmeleykha apwáxok sélányo m'a Wesse' egegkok,

Salmos 119:136

Kelpexyaweykenteyk ko'o ahaqta'ák égmenek sélekxagweykha, hakte megkóláyók ma'a nélxekmowásamáxche apagkok nak.

Salmos 119:53

Elókassegkek ko'o m'a élmasagcha'a nak apkeltémakxa, apyamasma nak nélxekmowásamáxche apagkok.

Salmos 146:1

¡Aleluya! Alpeykeshok sa' ko'o Wesse' egegkok, ekweykmoho kañók agko' ewáxok.

Salmos 16:2

Ektáhak ko'o seyáneya exchep se'e: “Xép Wesse' ahagkok, éñamakxa ekyókxoho aqsok ahagkok; méko aghéshok xép.”

Isaías 15:5

Chaqhak axta ko'o ewáxok sélano m'a Moab; apkelántekkek axta énxet'ák apheykha m'a kañe' apkenyahágko ekweykekxoho m'a Sóar, ekweykekxoho m'a Eglat-selisiya. Apkellekxagweygkokxeyk axta apkelxega m'a ekmeyeykekxa nak néten xóp ma'a Luhit; apkelpáxamáha axta ekyennaqte agko' éllapwámegko peya káhapwak aqsok ekmaso m'a ámay nak Horonaim.

Isaías 16:11

Máxa arpa apxát'ák élaktamáxchel'a entáhak ekpexyennama ewáxok sélano m'a Moab tén han ma'a Quir-haréset.

Isaías 21:3

Élpexyennegkessek ko'o sekwet'a, éttelegwáseyha ekmáske, máxa ektáhak ma'a ektémól'a kelán'a káskok awáxok kamáwhok katnehek naqláwa, meheñásak ektemegweykmohóxma m'a seklegeykegkoho ekyentaxnamo ewáxok, mehéteyásak aqsok ma'a sekyegwakto.

Isaías 21:4

Meyke sekya'áséyak aqsok etnéssásak, élpexyennegkessek seyeye. Aqsok ekmaso agko' tamhákxak ma'a taxnám ekmáxaqxo axta chá'a exma, ekpeykeseykekxoho axta chá'a ewáxok eñama ekmáxaqxóxma.

Isaías 22:4

Cháxa keñamak sektáha nak sekpeywa s'e: Hélyenyow exakko', peyk ko'o alekxagwaha; nágkóllenxánem aqsa hélpeykessásekxak ewáxok eñama ekmaso ektáhakxa m'a énxet'ák ahagkok.

Jeremías 13:17

Sa' agkok kéxegke kólyahákxa, eyxaxkohok sa' ko'o alekxagwaha eñama kéleymáxkoho kéxegke; kalpexyewenták sa' ahaqta'ák égmen'ák, hakte apkelmákpek ma'a Wesse' egegkok apnaqtósso nepkések.

Jeremías 20:9

Ektemék agkok ko'o sekpeywa s'e: “Megkaxének sa' kaxwók ewáxok Wesse' egegkok, mañeksek sa' nahan kaxwók ma'a appeywa,” keñe chá'a katnekxak ewáxok appeywa m'a ektémól'a táxa eksawhomól'a kalwatnek aqsok, kawomhok chá'a élméxenchesso m'a kañe' exchakkok. Amáwhok eykhe chá'a amagkok, mowanchek eyke.

Jeremías 23:9

Amya'a ekxeyenma nak Dios appeywa apkellegasso: Awanhók agko' ko'o ektamheykha ewáxok; kelpexyennegkek ekyókxoho émpehek; máxa anmen áto' ektemék, ektémól'a énxet eyaqhél'a chá'a vino, Wesse' egegkok keñamak setnama xa tén han ma'a appeywa ekpagkanamaxche nak.

Jeremías 4:21

¡Yaqsa sa' kexa ekhem katnégwók néxa sekwete m'a bandera kélchexanma nak néten, tén han seklege ekpáwà m'a kélaqkahasso nak!

Jeremías 4:5

“Kóllegés Jerusalén tén han Judá s'e. Kólpáwes kélaqkahasso kóltennaksek ekyókxoho apchókxa, nágkólésagkoho kóltéhek kélpeywa s'e: ¡Kólchexyem! ¡Agaqnekxak sa'! ¡Ólmeyekxak sa' ma'a tegma apkelyawe ekyennaqte nak kélhaxtegkáséyak nepyáwa'!’

Jeremías 42:14

kéltáha enxoho kélpeywa s'e: ‘Negmakók eyke negko'o ólmeyekxak ma'a Egipto, peyakxa sa' magwetyek kempakhakma, tén han manlegyek élpáwá m'a kélaqkahasso, tén han móletsepek meyk sẽlnapma,’

Jeremías 49:2

“Ektáhak ko'o sekpeywa s'e, sektáha nak Wesse': Kammok sa' ekhem yaqwánxa wának ko'o kañexchek élpayheykha kélatña'ák kempakhakma m'a tegma apwányam Rabá apkelókxa nak ma'a amonitas; meteymog ektaháneykekxa mók sa' etnekxa', kamyetek sa' ma'a apheykegkaxa nak. Keñe sa' énxet'ák Israel elmekxak makham ma'a tegma apkelyawe apagkok axta. Ko'o sekxeyenma xa, sektáha nak Wesse'.

Jeremías 50:22

Legáxcheyk éxtegyawà ekyennaqte kempakhakma m'a apchókxa nak, tekkek ekyawe agko' kélmassésseyam aqsok.

Jeremías 6:24

Aptáhak apkelpaqmeta énxet'ák Jerusalén se'e: “Nenleg'ak negko'o amya'a, ẽlyélaqtéssek han negaye; néllegagkók élyentaxno egwáxok tén han ekmáske, máxa m'a kelán'a ekmáheyól'a katnehek naqláwa.

Jeremías 8:18

Méko hemasséssesek ektémakxa élekxagweykha ewáxok, yelqamáxcheyk ewáxok.

Jeremías 8:21

Eklegeykegkók apkellegeykegkoho nak ma'a énxet'ák ahagkok; yetnegkek sekhakxa m'a ekyaqhápeykha ewáxok tén han seyeye.

Jeremías 9:1

¡Katnoho annal'a ahaqta'ák ma'a ektémól'a ekteyapmakxa yegmen, keñe ahaqta'ák égmen'ák ma'a ektémól'a yegmen ényé, yaqwayam enxoho awónek chá'a yókxoho ekhem tén han axta'a, eñama aptekyawa m'a énxet'ák ahagkok!

Jeremías 9:10

“Kóllekxagwaha, kólápentegmakha kóllanok ektáhakxa m'a meteymog élekhahéyak nak, kallapwomák kóllanok ektáhakxa m'a émhakxa nak pa'at ektaqmela, hakte metchek ma'a, méko kaxwók ekyeykhágwokmo m'a; massék eklegáxko élpáweykha aqsok kélnaqtósso m'a, wokmók náta élchampe ényahágko, tén han ma'a aqsok nawha'ák éllo.

Lamentaciones 1:16

Cháxa sélekxágkassama nak chá'a ko'o xa aqsok nak. Kelpexyawáseykenteyk ahaqtek égmenek, hakte méko xama enxoho yaqwayam hetaqmelchessásekxak ewáxok, méko xama enxoho yaqwayam hewasqakkásekxoho. Heykha étchek ma'a nepyeseksa nak tegma appalleyam, hakte maghawok negko'o m'a nélenmexma, apmelyeyha'e.

Lamentaciones 1:20

¡Wesse', elano ektémakxa ekyentaxno ewáxok! ¡Eklegeykegkók ekmaso ewáxok! Añegkohok chá'a ekmáske ewáxok ekxénwákxoho enxoho chá'a ewáxok sektémakxa sénmexeykekxo. Sókwenaqte aptekyawák étchek ma'a yókxexma, keñe han se'e kañe' nak, ekyetnama apkeletsapma énxet'ák.

Lamentaciones 2:11

Kelyélaqtéssek ahaqta'ák sekwóno, eklegágkok ekyentaxno agko' ewáxok; yelqáxcheyk ewáxok sekwet'a kélmasséssekmo tegma apwányam apagkok nak énxet'ák ahagkok, tén han sekwet'a apkeletsapa meyk ámay ma'a sakcha'a ekweykekxoho m'a melyamasma nak neme.

Daniel 4:19

“Keñe axta Daniel, kéltéma nak han Beltsasar, apwanmeya sekxo', ekyegwakkasa m'a ektáhakxa axta apwáxok. Ektáhak axta ko'o seyáneya, sektáha nak wesse' apwányam: ‘Beltsasar, nágkatnéssesha aqsa apwáxok sekwanmagko, sekwete exchek ko'o, keñe han yaqwayam nak héltennaksek.’ Aptáhak axta Beltsasar apchátegmowágkokxo: ‘¡Hay, wesse' apwányam, kalpehewakxoho annal'a apkelenmexma xa ektáhakxa nak apwanmagko!

Daniel 7:15

“Ko'o Daniel, eklegágkok axta ekwa'a seyeye; temessáseyha axta ewáxok ekyókxoho aqsok sekwete,

Daniel 7:28

“Cháxa néxa ekxénamaxche'. Tamháha agko' axta ko'o ewáxok, ko'o Daniel, mopékxeyk axta nahát sekyegwakto; axta eyke altennásak xama énxet enxoho xa aqsok nak.”

Daniel 8:27

“Ko'o Daniel, eklegágkok axta ekmassa sekyennaqte, yáma wenaqtémók axta han sekháxamáxche'. Tén axta sekhákxo néten sekmákxo makham sektamheykha axta segkésso m'a wesse' apwányam. Temessáseyha agko' axta eyke ko'o ewáxok ma'a aqsok sekwete, hakte axta ay'ásegwokmok.

Amós 3:6

páweyk agkok kélaqkahasso m'a tegma apwányam, énxet'ák akke kéltamhók kaltemeykha apkelwáxok; temégwokmók agkok exma ekmaso m'a tegma apwányam, Wesse' egegkok akke apcháphasso m'a.

Habacuc 3:16

Xama axta ko'o sekleg'a xa, eyekak axta. Kelpexyennamágkok axta sekpeywa, kelyelqáxchek axta exchakkok, massék axta ekyenna ekyókxoho émpehek. Aleyxek sa' eyke aqsa ko'o meyke sekpekhésamaxche m'a ekhem yaqwánxa sa' ellegássesagkohok Dios ma'a sẽlpextétamo sennaqtawáseykegkoho nak.

Números 10:9

“Apketamokmek sa' agkok kélenmexma m'a kañe' xapop kélagkok nak, keñe sa' peya enxoho kólántépok kólnapaxchek kéxegke m'a, kólaqkahés sa' ma'a kélaqkahasso nak, kólpáxamha sa' nahan ekyennaqte agko'. Keñe sa' ko'o kaxénwakxohok ewáxok kéxegke, ko'o sektáha nak Dios Wesse' kélagkok, alwagkasek sa' nahan teyp nepyeseksa kélenmexma.

Jueces 5:21

Sawhawók axta élsawa m'a yegmen ényé, cham'a nanók yegmen ényé nak ma'a Quisón. ¡Xeyep sa' elteyágkasagkok apyespa'ák ma'a ekha nak apkelmopwancha'a!