Jeremías 39:17 - Biblia Enxet

¹⁷ Amyók sa' eyke ko'o exchep, yaqwayam sa' memhehek xa énxet'ák apcháya nak chá'a exchep. Ko'o sekxeyenma xa, sektáha nak Wesse'.

Jeremías 39:17 ပူးပေါင်းရင်းမြစ်များ

Génesis 15:1

Appaqhetchessek axta Wesse' egegkok Abram natámen xa, apwanmagko axta eyke, aptáhak axta apcháneya s'e: —Abram, nágyé aqsa, ko'o sekteme sekmasma exchep, awanhek sa' katnehek ekyaqmageykekxa aqsok yaqwayam exkak xép.

2 Samuel 24:14

Keñe axta David aptáha apcháneya m'a Gad: —Asagkók agko' ko'o setnahakxa'. Wesse' egegkok akke tásek negko'o hẽllegássesagkoho', hakte awanhek ektémakxa apmopyósa henlanok ma'a, kaxnók hẽllegássesagkohok ma'a énxetók xamo' nak.

1 Reyes 18:15

Apchátegmowágkek axta Elías: —Naqsók ko'o sektáha sekpeywa yetlo sekxeyenma apwesey Wesse' egegkok ekha nak apyennaqte, sekyetleykencha'a nak ko'o, sakhem sa' awakxak aphakxa Ahab.

1 Reyes 18:16

Apya'aweykxeyk axta Abdías ma'a Ahab apkeltennássekxo, keñe axta Ahab apyo'ókmo m'a Elías.

2 Reyes 6:16

Apchátegmowágkek axta Eliseo: —Nágkatneykha aqsa apwáxok, apxámok eyke negko'o nélxegexma'a, kaxnók ma'a.

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Jeremías 1:19

Yenmexekxak sa' xép xa énxet'ák nak, mexók sa' eyke, hakte sekxegexma sa' ko'o atnehek xép, yaqwayam amyók chá'a. Ekméssek ko'o sekpeywa, sektáha nak Wesse' apagkok.”

Jeremías 38:1

Apkelleg'ak axta apxéna Jeremías nápaqta'awók énxet'ák apxéna s'e amya'a nak, cham'a Sefatías, Matán axta apketche, tén han Guedalías, Pashur axta apketche, tén han Jucal, Selemías axta apketche, tén han Pashur, Malquías axta apketche, aptáhak axta s'e:

Jeremías 38:9

—Wesse', asagkók agko' apteméssesakxa Jeremías xa énxet'ák nak. Yámelchet apchaqxegkásak, yetsapok sa' meyk eyaqhe m'a, hakte méko kaxwók táhak nento tegma apwányam.

Daniel 6:16

Tén axta wesse' apwányam apkeltamho kólyentementák ma'a Daniel, keñe kólyenyók ma'a máxek élyáqtamakxa nak yámakméwa. Aptáhak axta wesse' apwányam apcháneya Daniel se'e: —¡Dios apagkok sa' ewagkasek teyp, meyenseykmo nak apyetleykha exchep!