Jeremías 38:21 - Biblia Enxet

²¹ Exekmóssegkek ko'o Wesse' egegkok yaqweykenxa katnehek, xép wesse', apkelenxanmeygkoho enxoho memáheyo egkésakpok ma'a:

Jeremías 38:21 ပူးပေါင်းရင်းမြစ်များ

2 Crónicas 36:12

Asagkek axta eyke ektémakxa aqsok apkelane nápaqtók Dios apagkok. Axta eyke kaqheyk apwáxok aptémakxa nápaqtók ma'a Dios appeywa aplegasso Jeremías, apxeyenma axta amya'a eñama nak Wesse' egegkok.

Job 23:13

Peyk agkok elának xama aqsok ma'a, elának nahan; méko awanchek kayaqmagkassesek ma'a yaqwánxa etnehek.

Job 34:33

¿Egkéseya exchep ekyánmaga Dios, cham'a apkeltamhókxa enxoho elána', neyseksa aptaqnagko? Xép sa' eyke ey'asagkoho', háwe ko'o, hẽltennés sa' ma'a apya'ásegkaxa enxoho.

Éxodo 16:28

Keñe axta Wesse' egegkok aptáha apcháneya Moisés se'e: —¿Háxko ekwánxa peya kammok kéxegke kéllenxanmeykegkoho megkólyeheykekxa m'a segánamakxa ahagkok nak, tén han ma'a ektémakxa nak chá'a sélxekmósso?

Jeremías 26:15

Eyke kólya'asagkohok sa' se'e: élaqhak sa' agkok ko'o, kéxegke sa' kólsexnáneyxche', tén han apheykha nak se'e tegma apwányam nak eñama kélaqhe xama énxet meyke aptémakxa, hakte naqsók ko'o seyáphasso Wesse' egegkok apkeltémo apékesseshok séllegasso kéxegke s'e ekyókxoho aqsok nak.”

Jeremías 38:20

Aptáhak axta Jeremías apchátegmowágkokxo s'e: —Wesse', memhehek sa' eyke exchep ma'a. Elyahakxoho Wesse' egegkok appeywa, séltennasa exchek xép wesse', keñe sa' tásek katnehek apha, ewagkasakpok sa' teyp.

Jeremías 38:22

kólántekkesek sa' ekyókxoho kelán'ák éleymomáxche nak makham ma'a wesse' apwányam Judá apxagkok, kólmésagkok sa' ma'a sẽlpextétamo apkelwesse'e apagkok nak wesse' apwányam Babilonia, sa' katnehek kalpaqmétek se'e: ‘Apkelyexancháseykha apkelxegexma apagko' nak ma'a wesse' apwányam, mékoho aptemessáseykekxa'; aptaxnéssegkek yelpa', keñe apyamasma aqsa.’

Jeremías 5:3

Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Ezequiel 2:7

Ellegés xép ma'a sekpeywa, lapmaxcheyk sa' elyahakxoho' essenhan melyahakxe', hakte kalyéha'awók agko' apkelwáxok ma'a.

Números 24:13

hélmések sa' eykhe ekyókxoho sawo élyátekto élmomnáwa, tén han ma'a sawo élmope élmomnáwa ekhágko nak apxagkok, mowanchek eyke ko'o malyahakxék appeywa m'a Wesse' egegkok, mowanchek nahan ko'o alának ahagkok ahagko' ma'a aqsok ektaqmela nak essenhan ma'a aqsok ekmaso nak, wánxa eyke aqsa ewanchek axének ma'a apkeltémo nak axének ma'a Wesse' egegkok.