Jeremías 38:10 - Biblia Enxet

¹⁰ Yetlókok axta nahan apkeltémo enaqlakxak treinta énxet wesse' apwányam ma'a Ébed-mélec yaqwayam etekkesek Jeremías ma'a yámelchet, megyetsapakxa makham.

Jeremías 38:10 ပူးပေါင်းရင်းမြစ်များ

Ester 5:2

Xama axta apwet'a wesse' apwányam énegwa'akto wesse' ekwányam Ester ma'a yókxexma nak, taqmeláha axta apwáxok apwet'a, apya'ássek axta ekpayhókxa énmágkaxa m'a sawo ekyátekto ekmomnáwa ekwenaqte apmeykha axta. Yepetchegwokmók axta m'a Ester, mágwokmek axta naw'a m'a sawo ekyátekto ekwenaqte ekmomnáwa apagkok nak.

Ester 8:7

Tén axta wesse' apwányam Asuero apchátegmowágkokxo m'a wesse' ekwányam Ester tén han ma'a Mardoqueo, judío nak. Aptáhak axta s'e: —Ekméssek eyke ko'o kaxwók Ester ma'a Amán axta apxagkok, kélmakheyáseyncha'a axta néten yámet élwenaqte eñama apmáheyo elnápok ma'a judíos.

Salmos 75:10

hakte emasséssessók sa' ektémakxa nak apkeleymákpoho m'a élmasagcha'a nak apkeltémakxa, eyánchessessamhok sa' eyke apmopwána m'a énxet ektaqmalma nak aptémakxa.

Proverbios 21:1

Wesse' egegkok chá'a apkeláneseykegkoho élchetámeykha apwáxok ma'a wesse' apwányam, étlók chá'a m'a ektémól'a wátsam ekmeyeykekxexal'a chá'a yegmen, apkeltamhókxa enxoho chá'a m'a Wesse' egegkok.

Jeremías 38:11

Apnaqlákxeyk axta Ébed-mélec énxet'ák ma'a kélxátamakxa axta apáwa m'a wesse' apxagkok, apkelmeyk axta nahan nápakha apáwa aphopák ma'a, kélya'ássessek axta táma' Jeremías kélweykessásento m'a kañe' yámelchet,

Jeremías 38:7

Apleg'ak axta amya'a kélaqxegkesa kañe' yámelchet Jeremías ma'a xama etiope apwesey axta Ébed-mélec, énxet aptamheykha axta chá'a m'a wesse' apwányam apxagkok. Chaqhawók axta nahan aphakxa wesse' apwányam ma'a apchaqnákxexa axta énxet'ák ma'a ekwesey nak Átog Benjamín.

Jeremías 38:9

—Wesse', asagkók agko' apteméssesakxa Jeremías xa énxet'ák nak. Yámelchet apchaqxegkásak, yetsapok sa' meyk eyaqhe m'a, hakte méko kaxwók táhak nento tegma apwányam.