Jeremías 35:13 - Biblia Enxet

¹³ “Éltamhók ko'o exchep ey'ókxak etnehek yának énxet'ák Judá tén han Jerusalén se'e, ko'o sektáha nak Wesse' ekha sekyennaqte, Dios apagkok nak Israel: ‘Kóleyxho sélxekmósso, kólyahakxoho m'a séltémókxa nak chá'a kóltéhek. Ekxénchek ko'o xa, sektáha nak Wesse'.

Jeremías 35:13 ပူးပေါင်းရင်းမြစ်များ

Proverbios 19:20

Yeyxho chá'a ektáhakxa kélpaqhetchesso, ema chá'a takha' ektáhakxa kélnókáseykha; keñe sa' etnehek ekha apya'áseykegkoho aqsok.

Proverbios 8:10

Kólma chá'a m'a ekyókxoho sélxekmowáseyak nak, tén han ma'a ektémakxa nak kélyekpelchémo, nágkólmeyókasho chá'a amonye' kólmok ma'a sawo ekmope élyenma tén han ma'a sawo ekyátekto ekmomnáwa.”

Isaías 42:23

¿Yaqsa sa' kélxama kéxegke kólyahakxohok se'e? ¿Yaqsa ekmako keyxhok yaqwánxa sa' katnehek?

Jeremías 25:2

Aplegássek axta amya'a Dios appeywa aplegasso Jeremías ma'a apyókxoho énxet'ák Judá, tén han ma'a apheykha axta m'a Jerusalén. Axta aptáhak se'e:

Jeremías 32:33

Eyheykekxeyk apkap'ák, massegkek sélányo. Axta ayenseykmok eykhe sélxekmósso, makke hélyeheykekxoho', melmák takha' m'a séltémókxa etnahagkok.

Jeremías 35:12

Keñe axta Wesse' egegkok appaqhetchesa m'a Jeremías, axta aptáhak apcháneya s'e:

Jeremías 5:3

Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Jeremías 9:12

¿Yaqsa ekyetna ekyawe ekya'áséyak aqsok yaqwayam enxoho kay'asagkohok xa? ¿Yaqsa apya'assáseykegkoho Wesse' egegkok xa aqsok nak yaqwayam enxoho kawának kaltennásekxohok ma'a námakkok? ¿Yaqsa ektéma ekmasagko nak apchókxa tén han ekyamáya nak exma ektémól'a yókxexma meykexa énxet meykel'a ekyeykhágwayam?