Jeremías 34:14 - Biblia Enxet

¹⁴ ekwokmo enxoho chá'a siete apyeyam, ekxeykxak ma'a hebreo kélyamasma axta chá'a kélmésso ekha ekyánmaga m'a, tén han ekwokmo enxoho chá'a seis apyeyam apkeltemessáseykha. Axta eyke ko'o heháxenmók ma'a kélyapmeyk nano' axta, axta nahan hélyeheykekxoho'.

Jeremías 34:14 ပူးပေါင်းရင်းမြစ်များ

1 Reyes 21:25

(Méko axta énxet enxoho aphémo Ahab ekyáteyeykegkoho axta aptáwa' Jezabel elának aqsok ekmaso nápaqtók Wesse' egegkok.

1 Reyes 9:22

Keñe axta metnéssessama xama enxoho israelitas kélásenneykha naqsa, sẽlpextétamo axta aqsa aptemessáseykegkok, sẽlpextétamo apkelwesse'e, apkelámha apmonye'e, tén han sẽlpextétamo apkelámha apmonye'e, tén han ma'a sẽlpextétamo apkelchánte nak chá'a yátnáxeg apkelyenyawasso kélanchesso nak kempakhakma, tén han ma'a apkelchánte nak chá'a yátnáxeg.

2 Crónicas 28:10

Xeyenmék kélwáxok kóltéhek kélásenneykha naqsa m'a énxet'ák Judá, tén han Jerusalén, cham'a apkelennay'a tén han ma'a kelwán'ák nak. ¿Yagkólláneykegkok kéxegkáxa megkólya'assáxma énmexma nak ma'a Dios Wesse' kélagkok?

2 Crónicas 36:16

Apkelasméssegkek axta eyke aqsa chá'a m'a apkelseykha axta Dios appeywa, apwanyémók axta m'a amya'a apkelseykha, apkelasméssegkek axta aqsa chá'a m'a apkellegasso nak appeywa, ekwokmoho aplawa apagko' ma'a Wesse' egegkok, apkelenmexa m'a énxet'ák apagkok, massék axta kélewagko kélmássessekmo yaqwánxa etnehek.

Nehemías 9:30

Ahóxók agko' axta apkeláneykha aqsa apkeltémakxa m'a, apkelpaqhetchessegkek axta chá'a apchásenneykekxo m'a espíritu apagkok, tén han ma'a apkellegasso nak appeywa, axta eyke elyeheykekxak ma'a; axta keñamak apchahayo apkelmoma m'a pók aptémakxa énxet'ák nak keso náxop.

Isaías 50:1

Aptáhak Wesse' egegkok se'e: “¡Nagkólána aqsa atneyk ko'o sekyamasma Israel ma'a, aptémól'a xama énxet eyenyók ma'a aptáwa', cham'a egken nak kéxegke! ¡Nagkólána aqsa akxakhák ko'o kéxegke ekha ekyánmaga yaqwayam kóltéhek kélásenneykha naqsa eñama ekha sekméyak aqsok ma'a xama énxet! Kélchexakhamchek kéxegke hakte kélláneykegkek megkólya'assáxma; kélyamasmeyk ma'a Israel, egken nak kéxegke, hakte asagkek kéltémakxa kéxegke.

Isaías 58:6

Háwe'. Manto nento ekleklamo nak ko'o ewáxok katnehek se'e ektéma nak: kólyétekkesek ma'a cadenas ekméssama nak chá'a ekyentaxno apheykha énxet'ák, kólhaxyawaksek ma'a kélnaqtete ekyennaqte nak kélyespok ma'a aqsok ekyentaxno; kólántekkesek ma'a énxet'ák kélnaqtawáseykegkoho nak, kólmasséssók ekyókxoho m'a ektawassáseykencha'a nak chá'a apheykha énxet'ák;

Jeremías 11:7

Xama axta ko'o sélántekkessama kélyapmeyk nano' axta kéxegke m'a Egipto, ektaqmelchessamók axta sélpaqhetchesso séltémo hélyahakxohok ko'o, makhemek eyke makham sélpaqhetchesso s'e negwánxa nak eyeynamo m'a sekxók axta sélántekkessama.

Jeremías 32:30

Sekxók eyeynókxa axta apkeláneyak aqsok megkaleklamakxa nak chá'a ko'o ewáxok ma'a énxet'ák Israel, tén han ma'a Judá; melwátésseykmok selókaséyak ma'a énxet'ák Israel eñama m'a aqsok kéleykmássesso apkeláneyak apancha'awo nak. Ko'o sekxeyenma xa, sektáha nak Wesse'.

Jeremías 35:15

Ketók pók axta eykhe ektemék séláphássesso chá'a apyókxoho m'a séláneykha apkellegasso nak chá'a sekpeywa, yaqwayam etnehek elának se'e: Kólwátésák kéltémakxa ekmaso, tén han ekmaso kéllánéyak aqsok. Nágkólyetlakxa m'a mók aqsok kéláyókxa nak, nágkólpeykesho han, keñe sa' kóllenxanmagkohok kélheykha s'e xapop sekmésso axta ko'o kéxegke, tén han ma'a kélyapmeyk nano' axta. Makke kéxegke hélháxenmo', mehelyeheykekxohok nahan.

Ezequiel 20:4

Tásek elyekpelkohok apagko' xeyep apkeltémakxa, aptáha nak énxet; elyekpelkoho, yána elyekpelchágwók ma'a aqsok ekmaso agko', apkelánéyak axta chá'a m'a apyapmeyk.

Ezequiel 20:8

“Élmexeykekxeyk axta eyke ko'o m'a, axta emáheyók heyeyxho'; axta nahan emassésseykmok ma'a aqsok apcháyókxa élmasagcha'a nak, axta nahan ekxakhák ma'a aqsok kéleykmássesso éleñama axta m'a Egipto. Xénchek axta ko'o ewáxok ategkesek seklo nepyeseksa, tén han allegássesagkohok neyseksa apheykha m'a Egipto ekwokmoho ekmassa seklo.

Levítico 25:10

Apyeyam appagkanamap sa' kéxegke kólteméssesek ma'a apyeyam cincuenta nak: katnehek sa' apyeyam kélchexeykekxexa énxet'ák, kóltennaksek sa' kéxegke apyókxoho apheykha nak kélókxa' peya kólchexeykxa'. Apyókxoho énxet sa' chá'a elmeyekxak ma'a ekheykegkaxa nak apnámakkok, elmekxak sa' makham ma'a xapop apagkok axta.

Amós 2:6

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Israel, megkatnehek sa' mallegassáseykegkoho; hakte apkexeykekxeyk chá'a apyaqmagkáseykekxo selyaqye m'a énxet'ák meyke nak apkeltémakxa, keñe m'a énxet'ák apkelmopyóseka nak apkelyaqmagkáseykekxo chá'a kéltéto kélmagkok.

Amós 8:6

¡Antawássesha sa' apheykha m'a meyke nak aqsok apagkok, ekwokmoho sa' sẽlmeyásékpoho apagko' ekha ekyánmaga yának antamhagkok nélásenneykha naqsa yaqwayam elyánmagkasek ma'a apkelméyak aqsok, apkeltéto apmagkok sa' eykhe chá'a katnehek apkelméyak! ¡Agwomhok sa' negkexeykekxa m'a hótáhap apaktek apwakhe'ék nak!”

Deuteronomio 15:1

“Yókxoho siete apyeyam sa' chá'a exchep emasséssesek aqsa chá'a apméyak aqsok ma'a pók.

Deuteronomio 15:12

“Kélméssek sa' agkok chá'a exchep ekha ekyánmaga yaqwayam etnehek apchásenneykha naqsa m'a aptémo xamo' nak hebreos, apkenna essenhan ma'a kelwána enxoho, seis apyeyam sa' aqsa chá'a etnehek apchásenneykha; keñe sa' ekwokmo enxoho chá'a siete apyeyam eyenyekxak makham.

Deuteronomio 15:9

Nágyoho chá'a katnehek élchetamso apwáxok ekmaso s'e: ‘Chágketwokmek siete apyeyam, kélmasséssamakxa nak aqsa chá'a negméyak aqsok’, melanók sa' chá'a exchep étak ma'a apchókxa xamo' nak, meyke nak aqsok apagkok, memássesha sa' nahan chá'a xama aqsok enxoho; apwóneyha sa' agkok Wesse' egegkok eltennaksek aptáhakxa exchep xa énxet nak, keñe sa' xép kaphemmok apkelane mey'assáxma.