Jeremías 34:11 - Biblia Enxet

¹¹ Keñe axta natámen eyaqha apkelwáxok apkexeykxo, yetlókok axta nahan apkeltémo elchexyók makham tén han etnekxak makham apkelásenneykha naqsa.

Jeremías 34:11 ပူးပေါင်းရင်းမြစ်များ

Salmos 125:5

exnésho apteméssessamakxa nak chá'a élmasagcha'a apkeltémakxa m'a apkelyetleykekxa nak chá'a ámay ekmaso. ¡Keytek sa' chá'a meyke ektáhakxa negha m'a Israel!

Salmos 36:3

Asagkók chá'a katnehek appeywa, apmopwána amya'a han, massegkek apya'áseyak exma, apkelwátessegkek apkelane aqsok ektaqmela.

Éxodo 8:15

Xama axta apwet'a makham faraón ekmassa m'a ektáhakxa apwete ekmaso aphakxa, apyennaqtéssek axta aqsa makham apwáxok. Maxta elyahákxak makham ma'a Moisés tén han ma'a Aarón, ekhawo m'a aptémakxa axta apkeltennasso Wesse' egegkok ekmaheyókxa katnehek.

Éxodo 8:8

Tén axta faraón apkeltamho kólyentawakxések ma'a Moisés tén han ma'a Aarón. Aptáhak axta apkeláneya s'e: —Hẽlmaxnésses hana Wesse' kélagkok yaqwayam hẽlántekkessesek se'e paha' nak, ko'o tén han ma'a énxet'ák ahagkok, tén sa' wohok elxog énxet'ák apagkok yaqwayam egkések kélnaqtósso ektekyawa m'a Wesse' apagkok.

Éxodo 9:28

Hẽlmaxnésses sa' negko'o kéxegke Wesse' kélagkok yaqwayam enxoho emasseksek se'e takha' apxámokma nak, tén han se'e yegmen élyennaqte ekxámokma negwet'a nak negko'o, tén sa' kamaskok sélmeyawa kéxegke, wohok sa' aqsa kaxwo' kólxog.

Proverbios 26:11

Katwekxak chá'a ekyekxo m'a semheg, keñe énxet ekyeyháxma etnekxak aqsa chá'a m'a aptémakxa ekyeyháxma.

Eclesiastés 8:11

Megkólmagkek chá'a ekmanyehe agko' ma'a aqsok ekmaso nak, megkóllegássesagkók nahan chá'a m'a ektáha nak apkelane, cháxa keñamak ekxéneykencha'a nak aqsa apwáxok énxet elának ma'a aqsok ekmaso nak.

Jeremías 34:10

Leyawók axta apkelwáxok aptáhakxa aphéssamo mók apkelpaqhetchásamákpoho m'a apyókxoho apkelámha apmonye'e, tén han ma'a apyókxoho énxet'ák, apkexeykxeyk axta chá'a m'a apkelásenneykha naqsa nak, massék axta apkeltamho etnahagkok apkelásenneykha.

Jeremías 34:12

Tén axta Wesse' egegkok appaqhetchesa Jeremías, axta aptáhak apcháneya s'e:

Jeremías 34:16

Keñe kélyaqmagkasa makham mók élchetamso kélwáxok, kéltawáseyncha'a sekwesey kéltamho elchexyók makham ma'a kélásenneykha naqsa kélchexeykekxa axta, kéltamho etnahagkokxak makham kélásenneykha naqsa.

Jeremías 34:21

Wának sa' han ko'o emok apkelenmexma apkeltaqnagkamo apagko' nak ma'a Sedequías wesse' apwányam nak Judá yetlo apkelámha apmonye'e apagkok, cham'a wesse' apwányam Babilonia sẽlpextétamo apagkok nak, apkelwáteságko nak kaxwók apketáméyak.

Jeremías 37:5

Apkelántekkek axta apkelxegakmo faraón sẽlpextétamo apagkok apkeleñama m'a Egipto. Xama axta apkelleg'a amya'a m'a caldeos apketámeyak axta Jerusalén, apkelántekkek axta apkeltaqháwo.

Oseas 6:4

Aptáhak Wesse' egegkok se'e: “¿Háxko atnéssesek xép Efraín? ¿Háxko atnéssesek xép Judá? Máxa teyáméten ekteyapmól'a axto'ók kéltemék kéxegke sélásekhayo, tén han yálye ektéyeykmohol'a amonye' élseye ekmanyehe nak chá'a kamaskok.

Oseas 7:16

Apkelye'eykekxeyk axta eyke m'a aqsok kéleykmássesso, aphawók ma'a yágke ektaqhél'a, megkapayhémól'a negya'asakxa m'a aktek nak. Sókwenaqte sa' kólyetxák kólnápok ma'a apkelámha apmonye'e apagkok nak, eñama éleymáxkoho apkelpaqméteykha, elesmaksek sa' ma'a énxet'ák Egipto.

Sofonías 1:6

Amasséssók sa' han ma'a seyamasma nak ko'o, mehektamso nak chá'a tén han mehey'eykekta nak chá'a etegyaha sekpeywa.”

1 Samuel 24:19

Hakte megkatnehek chá'a megyaqhe apkenmexma énxet apwet'a enxoho, megyohok chá'a eweynchamha. ¡Wesse' egegkok sa' eyke eyaqmagkásekxak ektaqmela setnéssesakxa nak ko'o exchep se'e sakhem nak!

1 Samuel 26:21

Keñe axta Saúl aptáha s'e: —¡David, épháyem, ekya'ásegwokmek ko'o séláneya may'assáxma! ¡Máxa seyeyháxma ektemék, awanhók agko' magwaqhémo! Hey'óta sa' makham, matnéssessamók sa' eyke exma ekmaso kaxwo', hakte meheyaqhak ko'o exchep se'e sakhem nak.