Jeremías 34:1 - Biblia Enxet

¹ Appaqhetchessek axta Wesse' egegkok Jeremías, cham'a apketámegko axta Jerusalén tén han tegma apkelyawe aphéyak nak nepyáwa' m'a Nabucodonosor wesse' apwányam nak Babilonia, yetlo apyókxoho sẽlpextétamo apagkok tén han ma'a pók aptémakxa énxet'ák apheykha nak keso náxop ektáha axta apkelma, aptáhak axta apcháneya s'e:

Jeremías 34:1 ပူးပေါင်းရင်းမြစ်များ

Jeremías 1:15

Naqsók ko'o peya alwónmakha apyókxoho énxet'ák apheykha nak apchókxa nexcheyha, ko'o sektáha nak Wesse' kélagkok. Elxegmak sa' ma'a apkelwesse'e apkelwányam apagkok, enegkenwak sa' apkeltaháno éltaqmalma m'a nentaxnamakxa agko' nak ma'a Jerusalén, ekpayho nak ekyókxoho m'a kélhaxtegkesso nak nepyáwa ekwakhaya nak, tén han ekpayho nak apyókxoho m'a tegma apkelyawe nak Judá.

Jeremías 32:1

Appaqhetchessek axta Wesse' egegkok Jeremías, cham'a ekweykmo axta diez apyeyam apteme wesse' apwányam Sedequías ma'a Judá, ekweykmo axta dieciocho apyeyam apteme wesse' apwányam ma'a Nabucodonosor.

Jeremías 32:2

Chaqhawók axta nahan apketámeykenxa axta wesse' apwányam Babilonia sẽlpextétamo apagkok ma'a Jerusalén, keñe axta Dios appeywa aplegasso Jeremías kélaqxegkessama apmomakpo m'a kañe' kélhaxtegkesso nak wesse' apwányam apxagkok.

Jeremías 34:7

Apketámegkek axta nahan wesse' apwányam Babilonia sẽlpextétamo apagkok ma'a Jerusalén, Laquis, tén han Azecá, cham'a apkeleymomap axta wánxa makham tegma apkelyawe apkelyennaqte m'a Judá.

Daniel 4:1

“Ko'o, wesse' apwányam Nabucodonosor, émenyeyk ko'o keytek meyke ektáhakxa apkelwáxok tén han kataqmelek apheykha énxet'ák ekyókxoho apheykegkaxa, tén han ma'a énxet'ák mók ektémakxa nak chá'a apkelpeywa, apheykha nak keso náxop.

Daniel 4:22

xeyep xa yámet nak, wesse', eyánteykegko nak apteme ekha kéláyo, tén han apyennaqte. Chánteykegkek xép apteme apcheymákpoho, wesse', weykmók ma'a néten, sawheykekxók han apkeláneykha ekyókxoho yókxexma nak keso náxop.

Daniel 5:19

Elyahakxohok axta chá'a apyókxoho énxet'ák, tén han ma'a énxet'ák mók ektémakxa nak chá'a apkelpaqmeyesma, elpexyennók axta chá'a apmonye', eñama m'a ektémakxa axta apmésso ekha apmopwána m'a Dios. Elnápok axta chá'a m'a apmakókxa enxoho chá'a elnápok, melnápek axta chá'a memakókxa enxoho chá'a elnápok, ekha kéláyo axta han chá'a etnéssesek ma'a apmakókxa enxoho chá'a etnéssesek, mékoho axta han chá'a etnéssesek ma'a apmakókxa enxoho chá'a etnéssesek.