Jeremías 33:3 - Biblia Enxet

³ Hewónmakha, wátegmowagkok sa', keñe sa' altennaksek ma'a aqsok élyawe agko' nak, tén han ma'a aqsok élpowásamáxkoho nak, mey'ásegko nak xép.

Jeremías 33:3 ပူးပေါင်းရင်းမြစ်များ

Salmos 145:18

Exek chá'a ketók Wesse' egegkok ma'a ektáha nak chá'a apwóneykha, apwóneykha nak chá'a yetlo megkeyxamaxkoho apwáxok.

Salmos 25:14

Apxegexma Wesse' egegkok ma'a énxet aptáha nak chá'a apcháyo, elxekmósek chá'a m'a ekhémo mók nélpaqhetchásamáxkoho apagkok nak.

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Salmos 91:15

Ewóneyha sa' agkok chá'a, wátegmowagkok sa'; ¡ko'o ahagko' sa' han axek xamók ma'a! Amallahanchesek sa' ekyentaxno apha, ayánchesseshok sa' sekmésso apteme ekha kéláyo;

Isaías 45:3

Almések sa' ko'o exchep ma'a aqsok élmomnáwa élpowásamáxche nak, aqsok ekxámokma kélxata nak ma'a kañe' kélpóssamakxa nak chá'a aqsok, yaqwayam sa' ey'asagkoho', ko'o sektáha nak Wesse', Israel Dios apagkok, sekwóneykencha'a exchep.

Isaías 48:6

Aplegayak xép ekyókxoho xa; elano, keñe sa' ey'asagkohok ektáha naqso'. Añeksek sa' kaxwók xép axnagkok aqsok, cham'a aqsok ekyexamaxche méteya nak xép,

Isaías 65:24

Wátegmowagkok sa' chá'a ko'o, amonye' sewóneykha xa énxet'ák nak; añak sa' nahan chá'a aptáhakxa apkelpeywa, amonye' apsawhéyak apkelpaqmeyesma.

Jeremías 23:35

Aptemék sa' agkok chá'a xama énxet elmaxneyha xama apxegexma, essenhan apnámakkok apagko' nak chá'a, sa' etnehek chá'a yának se'e: ‘¿Háxko exchek aptáhakxa apchátegmowéyak Wesse' egegkok? ¿Háxko exchek aptáhakxa apcháneya?’

Jeremías 29:12

Keñe sa' kéxegke hélwónmakha chá'a, hélyo'ótagkasek sa' chá'a kélmaxnagko, weyxhok sa' nahan chá'a ko'o.

Jeremías 32:17

Wesse', yetlo ekyawe apmopwána axta exchep apkelanék néten tén han keso náxop. Méko xama aqsok megkapwagkexa elának xép.

Jeremías 32:27

“Ko'o sekteme Wesse', Dios agkok ma'a ekyókxoho aqsok ekha nak élennama. Méko ko'o xama aqsok mamowagkexa alána'.

Daniel 2:18

yaqwayam enxoho elmaxnak yának epasmok ma'a Dios apha nak néten, elmaxneyha m'a aqsok megkólya'áseyak nak, yaqwayam enxoho metekyewekxeyk xamo' ma'a ekha nak apkelmopwancha'a apheykha nak ma'a Babilonia.

Daniel 2:22

Cha'a senxekmósso chá'a aqsok ekmáske nak agya'asagkoho', tén han ekpowásamáxche nak; hakte apweteyak ma'a ekhéyak nak ekyáqtésakxa exma, yetnegkek xamo' ma'a élseyéxma nak.

Daniel 2:23

Ekméssek ko'o exchep ekxeyenma ewáxok Dios apagkok axta m'a élyapmeyk nano', élteméssessek han apcheymákpoho, hakte ekha sekya'áseyak etnéssessók tén han sekyennaqte; ey'assásegwokmek kaxwók ma'a sélmaxneya exchek: ey'assásegwokmek ma'a ekyetnakhassamo nak apwáxok wesse' apwányam.”

Joel 2:32

Apyókxoho énxet ektáha nak sewóneykha, ko'o sektáha nak Wesse', ewagkasakpok sa' teyp ma'a nétsapmakxa nak, hakte keytek sa' nélwagkásamáxche teyp ma'a egkexe Sión, Jerusalén nak, apkeltennassamakxa axta katnehek ma'a Wesse' egegkok. Meletsepek sa' ma'a ektáha nak apkelyéseykha.

Amós 3:7

Melanyek chá'a aqsok Wesse' egegkok mexekmósa enxoho chá'a sekxók aqsok apxekmósso m'a apkeláneykha, apkellegasso nak appeywa.

Miqueas 7:15

Exekmós ma'a aqsok sempelakkasso nak agweta', ektéma axta m'a apkelántekkessama axta Egipto.

Deuteronomio 4:29

Kélchetamchek sa' agkok Dios Wesse' kélagkok ekweykmoho kañók agko' kélwáxok tén han ekweykmoho kélyennaqte neyseksa kélheykha m'a, kólwetekxak sa'.

Deuteronomio 4:7

¿Yetneya apchókxa énxet apxámokma ekha ketók ma'a aqsok apkeláyókxa, aptéma nak negko'o m'a Dios Wesse' egegkok nélmaxneya enxoho chá'a agának hempasmok?