Jeremías 33:22 - Biblia Enxet

²² Axámassásekxak sa' ko'o aptawán'ák neptámen ma'a séláneykha David, tén han ma'a apkeltamheykha nak chá'a sekhakxa, cham'a Leví aptawán'ák neptámen nak, exhok sa' ma'a apweykenxal'a apxámokma yaw'a m'a néten, tén han yagkamex ma'a ekhéyak nak neyáwa wátsam ekwányam, megkólmowánal'a kólyetsetek.”

Jeremías 33:22 ပူးပေါင်းရင်းမြစ်များ

Génesis 13:16

Apxámokma apagko' sa' ko'o atnéssesek ma'a, exhok sa' ma'a xapop ánek nak keso náxop, cham'a ektémakxal'a magmowána ólyetsetek xóp ánek, mogwanchek sa' han ólyetsetek apwánxa m'a aptawán'ák neptámen.

Génesis 15:5

Keñe axta Wesse' egegkok aptekkesa yókxexma Abram. Aptáhak axta apcháneya s'e: —Yenmexho sa' néten, elyetset sa' yaw'a, apkepwagko enxoho elyetsetek. Sa' exhok apxámokma exchep aptawán'ák neptámen xa.

Génesis 22:17

peya almések aqsok éltaqmela. Apxámokma apagko' sa' atnéssesek ma'a aptawán'ák neptámen, apweykenxal'a apxámokma yaw'a m'a néten, tén han yagkamex ma'a neyáwa' wátsam ekwányam. Emallánek sa' han chá'a nepyeseksa apkelenmexma,

Génesis 28:14

Exámekxohok apagko' sa' ma'a, ekweykenxal'a ekxámokma xapop ánek keso náxop, ewomhok sa' ma'a nexcheyha, nepyeyam, teyapmakxa ekhem, tén han taxnegwánxa ekhem, xép sa' kañenták apasmok ma'a apyókxoho énxet'ák apheykha nak keso náxop, tén han ma'a aptawán'ák neptámen.

Salmos 22:30

Elpeykeshok sa' chá'a Wesse' egegkok ma'a étawán'ák netámen nak, elxének sa' chá'a neyseksa apheykha;

Salmos 89:29

Eyaqmagkasek sa' chá'a apteme wesse' apwányam ma'a aptawán'ák neptámen, megkatnégwayam néxa.

Isaías 48:19

apxámok axta nahan etnehek ma'a aptawán'ák neptámen, exhok axta apxámokma m'a ekweykenxal'a ekxámokma yagkamex ma'a neyáwa wátsam ekwányam; mamasséssemek axta nahan ko'o, matekkesek axta nahan ma'a sekhakxa nak.”

Isaías 66:21

“Alyésha sa' ko'o pók xam'a m'a yaqwayam sa' etnahagkok apkelmaxnéssesso énxet'ák ahagkok tén han etnahagkok Levitas. Ko'o sekxeyenma xa, sektáha nak Wesse'.”

Jeremías 30:19

Sa' kañék katyapok negmeneykmasso negmésso nak ekxeyenma egwáxok Wesse' egegkok ma'a, tén han néktegmeykha ekpayheykekxa egwáxok. Metnekxeyk sa' apqántawo', hakte ko'o sa' axámasagkok. Megkólwanyaha sa' nahan, hakte ko'o sa' atnéssesek ekha kéláyo.

Jeremías 31:37

Kélwanchek sa' agkok kélyetsátegko xama ekhem ekwánxa ekyawe m'a néten, tén han kéllanawo enxoho xapop, ekweykekxoho m'a awhak nak, akxák sa' ko'o énxet'ák Israel xa ekhem nak, eñama m'a ekyókxoho aqsok ekmaso apkeláneyak. Ko'o sekxeyenma xa, sektáha nak Wesse'.”

Jeremías 33:18

megkameykkehek sa' nahan chá'a xama enxoho Leví aptawán'ák neptámen aptamhéyak apkelmaxnéssesso énxet'ák ahagkok, yaqwayam sa' hegkések chá'a yókxoho ekhem ma'a aqsok kélnaqtósso nak kélwatno, tén han hélwatnések chá'a m'a aqsok ekyexna kélcheneykekxa sélmésso naqsa nak chá'a, tén han hélmések chá'a m'a mók aqsok ektekyawa nak.”

Jeremías 33:23

Appaqhetchessek axta Wesse' egegkok Jeremías, aptáhak axta apcháneya s'e:

Ezequiel 37:10

Élpaqhetchessek axta ko'o m'a yetlo sekxeyenma Wesse' egegkok apwesey, ekhawo m'a apkeltamhókxa axta atnehek, kelxegakmek axta m'a kélennama segméssamo nak negyennaqte, kelántaxnegwa'ák axta m'a kélhapák nak, naqxétekhágwokmek axta nahan ma'a, kelchampákxeyk axta néten eyaqneyncha'a. Xámok agko' axta nahan ma'a, énxet apxámokma apagko' axta tamhágkok.

Ezequiel 44:15

“Sa' eyke apwanchek hélyepetchegwatámhok chá'a ko'o eltemeykha sekhakxa m'a appasmo apkelmaxnéssesso Dios énxet'ák apagkok levitas, cham'a Sadoc aptawán'ák neptámen nak, apkelxegkesso axta aqsa apkeltamheykha tegma appagkanamap ahagkok ma'a apkelyetnakhágwokmo axta apkelyetlo ámay ahagkok ma'a énxet'ák Israel. Sa' apwanchek elwakxak chá'a sekhakxa xa, yaqwayam hegkések chá'a m'a kélnaqtósso ektekyawa nak pexmok agkok tén han ma'a éma agkok nak. Ko'o séltémo, sektáha nak Wesse'.

Oseas 1:10

Xama ekhem sa' exnágwakxohok makham apxámokma israelitas ma'a ektémakxa nak ekxámokma yagkamex ma'a neyáwa nak wátsam ekwányam, méko sa' kawának kay'asagkohok apwánxa, tén han kalyetsetek. Megkatnehek sa' kólának kaxwók se'e: “Háwe kéxegke kaxwók énxet'ák ahagkok.” Sa' etnehek elának Dios se'e: “Kéxegke kélteme apketchek ma'a Dios memassegwayam nak.”

Zacarías 10:8

“Alwónmakha sa' ko'o m'a, keñe sa' wánchásekxa', hakte élwagkassek teyp. Exámekxohok apagko' sa' makham, ektéma axta m'a nanók axta.

Zacarías 12:8

Almeyók sa' ko'o m'a apheykha nak Jerusalén, ko'o sektáha nak Wesse'. Apkelyennaqte sa' nahan etnahagkokxak ma'a apkelyelqamákpoho nak, ektéma axta m'a wesse' apwányam David, keñe sa' ma'a David aptawán'ák neptámen nak etnahagkokxak ma'a aptémakxa nak Dios, aptémakxa nak ma'a Wesse' egegkok apchásenneykha, apxegamól'a chá'a apmonye'e.

Zacarías 2:4

Aptáhak axta apcháneya s'e: “Yenye hana etnehek yának wokma'ák apseykha nak kelyetsáteyak ekwenaqte s'e: ‘Exnekxak sa' makham énxet ma'a Jerusalén, apxámok apagko' sa' makham etnehek énxet apheykha m'a kañe' tén han ma'a aqsok kélnaqtósso. Méko sa' katnehek kélhaxtegkesso meteymog ma'a nepyáwa'.