Jeremías 33:20 - Biblia Enxet

²⁰ “Ektáhak ko'o sekpeywa s'e, sektáha nak Wesse': Yawanchek megkatnehek ma'a ekhémo mók sélpaqhetchásamáxkoho sélánésso axta ko'o m'a ekhem, tén han axta'a, yaqwayam enxoho megkatnehek chá'a megkaweykta axta'a m'a ekweyktamxa nak chá'a, tén han ma'a ekhem.

Jeremías 33:20 ပူးပေါင်းရင်းမြစ်များ

Génesis 1:17

Apnegkenchek axta Dios élápogwate m'a néten, yaqwayam kalsaksexma keso náxop,

Génesis 8:22

“Kaxek sa' chá'a aqsok kélcheneykekxa tén han eknakxamáxche', megkamassegwánxa nak makham keso nélwanmeygkaxa', áthek sa' chá'a katnehek, samágek sa' han chá'a katnehek, keytek sa' ekmexanmakxal'a exma, tén han apmopsamágexal'a, ekhem tén han axta'a.”

Salmos 148:6

apnegkenmeyk axta ekyókxoho meyke néxa', appekkenmeyk axta han xama segánamakxa yaqwayam kólyahakxohok chá'a.

Salmos 89:34

Megkatnehek sa' chá'a malane m'a sekhéssamo axta mók sélpaqhetchásamáxkoho, alának sa' chá'a m'a sektémakxa axta chá'a sekpeywa.

Salmos 89:37

¡Etnahagkok sa' chá'a kelwesse'e apkelwányam, aptémól'a pelten memassegwayam! ¡Megkamassegwánxa nak makham néten!”

Isaías 66:22

Aptáhak axta nahan Wesse' egegkok se'e: “Sa' kaxhok nahan ekwenaqte apheykha kéltawán'ák kélnentámen nak kéxegke tén han kélwesey m'a ekwánxa nak ekwenaqte ekyetno m'a néten axnagkok tén han xapop axnagkok sekmako nak ko'o alána'.

Jeremías 33:19

Appaqhetchessek axta Wesse' egegkok Jeremías, aptáhak axta apcháneya s'e:

Levítico 26:44

“Kólhakha sa' eykhe kéxegke m'a kélenmexma apchókxa nak neyseksa ekteme xa, makxayhek sa' eyke chá'a, maltaqnaweygkehek sa' nahan; mamasséssemek sa' nahan, alának sa' chá'a m'a ekhémo mók nélpaqhetchásamáxkoho sélánésso axta ko'o m'a kélyapmeyk nano', hakte ko'o sekteme Dios Wesse' kélagkok.