Jeremías 32:3 - Biblia Enxet

³ Wesse' apwányam Sedequías axta apkeltémo emakpok ma'a, hakte axta ñémeykxa aptéma chá'a appeywa Jeremías se'e: “Aptáhak Wesse' egegkok se'e: ‘Wának sa' ko'o emok wesse' apwányam Babilonia s'e tegma apwányam nak.

Jeremías 32:3 ပူးပေါင်းရင်းမြစ်များ

2 Crónicas 28:22

Apweteyak axta eykhe xa ekmaso nak apha, apkelenxáneykmek axta aqsa melyaheykekxa m'a Wesse' egegkok. ¡Cháxa aptémakxa axta wesse' apwányam Ahaz xa!

Éxodo 5:4

Keñe axta wesse' apwányam Egipto aptáha apkeláneya s'e: —Moisés, Aarón, ¿yaqsa ektáha kélyétekkessessekmo nak apkeltamheykha énxet'ák? ¡kóltaqhoho', kóltemeykha makham!

Jeremías 2:30

Chaqhémok ko'o séllegassáseykegkoho m'a kélketchek nak kéxegke, mopmenyék elya'ásegwók ma'a séltémókxa nak etnahagkok. Kélhawók kéxegke m'a, yámakméwa éllo, kélnápeykekxeyk ma'a énxet'ák kélagkok apkellegasso nak sekpeywa.

Jeremías 21:3

aptáhak axta apchátegmowágkokxo Jeremías ma'a Sedequías axta apkelápháseykha: Kóltennés sa' Sedequías

Jeremías 27:8

Yetneyk sa' agkok chá'a mók xam'a apkelókxa, essenhan kelwesse'e apkelwányam melmésamap ma'a Nabucodonosor, wahak sa' chá'a ko'o kempakhakma, meyk, tén han negmasse, ekwokmoho apkelma m'a apyókxoho nak. Ko'o sekxeyenma xa, sektáha nak Wesse'.

Jeremías 34:21

Wának sa' han ko'o emok apkelenmexma apkeltaqnagkamo apagko' nak ma'a Sedequías wesse' apwányam nak Judá yetlo apkelámha apmonye'e apagkok, cham'a wesse' apwányam Babilonia sẽlpextétamo apagkok nak, apkelwáteságko nak kaxwók apketáméyak.

Jeremías 36:29

Etne sa' yának se'e: ‘Keso aptáhakxa exchek Wesse' egegkok se'e: Apwatneyk axta exchep weykcha'áhak, appaqhetchessek axta han Jeremías eñama aptáxésso apxeyenma apmáheyo exegmak wesse' apwányam Babilonia emasséssak se'e apchókxa nak, tén han apmáheyo etnessásekxak meyke énxet, tén han aqsok kélnaqtósso.

Jeremías 37:4

Axta eyke emomakpok makham ma'a Jeremías, apweynchámeykha axta aqsa nepyeseksa énxet'ák.

Jeremías 38:18

Sa' agkok egkeyásekpok xép ma'a, emok sa' caldeos tegma apwányam, keñe sa' ewatnekxa', mopwanchek sa' xép yegketakpok.’

Jeremías 38:3

Aptáhak Wesse' egegkok se'e: ‘Keso tegma apwányam nak, wesse' apwányam Babilonia sẽlpextétamo apagkok sa' emok. Méko sa' kanókasha.’”

Jeremías 38:4

Tén axta apkelámha apmonye'e aptáha apcháneya wesse' apwányam se'e: —Tásek agaqhek xa énxet nak, hakte kelyélaqtéssessegkek chá'a apkelwáxok appeywa m'a sẽlpextétamo apkeleymomap nak makham se'e tegma apwányam nak, tén han ma'a apyókxoho énxet'ák. Mektagkassók ektaqmalma apheykha énxet'ák xa énxet nak, apmáheyók aqsa etwássesha apheykha.

Jeremías 38:8

Aptekkek axta Ébed-mélec ma'a wesse' apxagkok nak, apmahágkek axta m'a aphakxa axta wesse' apwányam aptáha apcháneya s'e:

Jeremías 5:3

Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Lamentaciones 1:14

Apweteyak ko'o may'assáxma m'a Wesse' egegkok; etéteykekxeyk han ma'a, máxa yámet ekyentaxno temék sekpatmeykencha'a: ¡masséssegkek sekyennaqte! Egkéssegkek ko'o Wesse' egegkok ma'a énxet'ák mamowána nak alenmexekxa'.

Amós 7:13

Ná eltennaha kaxwók se'e kañe' Betel nak, hakte wesse' apwányam apkelpeykessamókxa aqsok apcháyókxa s'e, tén han kélpeykessamókxa aqsok kéláyókxa m'a aptémakxa nak wesse' apwányam.