Jeremías 32:19 - Biblia Enxet

¹⁹ Awanhók agko' xép ma'a aqsok ekxeyenma nak apwáxok elána', keltássók agko' ma'a aqsok apkelane nak. Apweteyak xép ekyókxoho aqsok apkeláneyak nak chá'a énxet'ák, egkések nahan chá'a xama xama m'a ekpayhawo nak chá'a egkések, ekhawo ektémakxa nak chá'a aqsok apkeláneyak.

Jeremías 32:19 ပူးပေါင်းရင်းမြစ်များ

1 Reyes 8:32

yeyxho sa' xeyep ma'a aphakxa nak néten, elána sa' nahan; etnésses sa' ekpayhawo nak etnéssesek ma'a apkeláneykha. Eñássesagkoho sa' ma'a ektáha nak apsexnánémap, yána sa' kaphewakxak ma'a kéllegassáseykegkoho, eñama aptémakxa ekmaso, etnésses sa' han ekpayhawo nak kólteméssesek ma'a meyke nak aptémakxa.

2 Crónicas 16:9

Apkeláneykha Wesse' egegkok ekyókxoho ektémakxa nak chá'a keso nélwanmeygkaxa, yaqwayam egkések chá'a apkelyennaqte m'a ektáha nak chá'a apcháyo ekmámnaqso' agko'. ¡Máxa ekyeyháxma eyke aptáhak xép aptáha kaxwo' xa ektáha nak! Katepagkok sa' eyke exchep kaxwók apkempakhamap.”

Job 34:11

Eyaqmagkásekxohok eyke chá'a ektémakxa aqsok apkelane xama énxet ma'a; etnéssesek chá'a m'a ekpayhawo nak chá'a etnéssesek.

Job 34:21

Dios apkeláneykha chá'a ektémakxa apxega énxet, apya'ásegkok ekyókxoho apmahágkaxa enxoho chá'a.

Salmos 111:2

Élyawa agko' ma'a aqsok apkelane nak Wesse' egegkok, eltamhok chá'a elya'ásegwók ma'a apkelmopmenyého nak chá'a.

Salmos 34:15

Elanha chá'a Wesse' egegkok ma'a énxet'ák meyke nak apkeltémakxa, yeyxhok nahan chá'a m'a apkelmaxneyéyak nak.

Salmos 92:6

¡Wánxa aqsa melya'asagkehek ma'a élyeyháxma nak!

Éxodo 15:11

“Wesse' egegkok, ¡méko pók dios egwanchek aghéshok xép! ¡Méko apwányam aphawo nak xeyep! ¡Xeyep apkelane chá'a m'a aqsok ekpelakkasso nak agweta' tén han ma'a ekpexchessamo nak egyempehek agweta'! ¡Payhawók xeyep kólteméssesek apcheymákpoho!

Proverbios 5:21

Apkeláneykha chá'a Wesse' egegkok ektémakxa aqsok apkelane m'a énxet; meyenyókasek apaqtek ma'a apmahágkaxa enxoho.

Proverbios 8:14

Kalchetamha chá'a sekxók ko'o ewáxok, keñe keytlawhok chá'a sélane, ko'o sekteme sekyekpelchémo aqsok tén han sekyennaqte.

Eclesiastés 12:14

Dios sa' elyekpelkohok ma'a ekyókxoho aqsok nenlánéyak nak, cham'a aqsok ektaqmela nak, essenhan ma'a aqsok ekmaso nak, megkeyxek ma'a nempósso nak aqsok nenlane.

Isaías 28:29

Cháxa aptémakxa nahan elánekxak yaqwánxa etnehek ma'a Wesse' ekha nak apyennaqte. Yetneyk aqsok sempelakkasso nak agwetak ekxeyenma apwáxok elának ma'a, yetlo apya'áseykegkoho ekyawe nahan chá'a epenaksek apkelane.

Isaías 40:13

¿Yaqsa éltaméseykegko chá'a aqsok ma'a Wesse' egegkok? ¿Yaqsa élxekmowáseykegko chá'a yaqwánxa etnehek?

Isaías 59:18

Egkések sa' chá'a Wesse' egegkok xama m'a ekpayhawo nak chá'a egkések; ellegássesagkohok sa' ma'a apkelenmexma nak. Egkések sa' chá'a ekpayhawo nak chá'a egkések ma'a aptaqnagko nak chá'a; kawakxohok sa' nahan ma'a apheykha nak apkelókxa neyáwa wátsam ekwányam.

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Jeremías 16:17

Hakte ekweteyak ko'o ekyókxoho aqsok apkeláneyak ma'a, yawanchek hexyánegkesek xama enxoho, yawanchek nahan kakpósaxchek melya'assáxma nahaqtók ko'o.

Jeremías 17:10

Ko'o sélányo chá'a apwáxok énxet, sektáha nak Wesse', tén han sekya'áseykegkoho chá'a m'a kañók agko' nak élchetámeykegkaxa apwáxok; tén han sekméssamól'a chá'a xama m'a ekpayhawo nak chá'a atnéssesek sellegassáseykegkoho, cham'a ektémakxa nak chá'a aqsok apkeláneyak.”

Jeremías 21:14

Allegássesagkohok sa' ko'o kéxegke ekhawo ektémakxa nak chá'a aqsok kélláneyak, awatnések sa' naxma kélagkok, cháxa táxa nak, kalwatnek sa' ma'a ekyókxoho aqsok ekhéyak nak kélnepyáwa'. Ko'o sekxeyenma xa, sektáha nak Wesse'.’”

Jeremías 23:24

¿Yaqsa awanchek ko'o héxánegkesek? Eksawheykekxók ko'o néten tén han keso náxop, Ko'o sekxeyenma xa, sektáha nak Wesse'.

Jeremías 25:14

Apkelásenneykha sa' nahan etnahagkok ma'a apchókxa élyawe nak tén han ma'a kelwesse'e apkelwányam apkelyennaqte apagko' nak. Cháxa peya sa' ko'o ayaqmagkásekxak ma'a ekpayhawo nak chá'a m'a aqsok apkelánéyak.’”

Daniel 2:45

Cháxa ekyetchesamaxkoho meteymog apweteya axta exchep xa wesse', ekyettelegweykento axta eñama m'a néten egkexe, meykexho axta eykhe ekyega; ektemessásekxo axta ánek agko' ma'a sawo ekyentaxno, sawo ekyexwase, yelpa', sawo ekmope tén han sawo ekyátekto ekmomnáwa. Apxekmóssegkek xép Dios meyke nak ekhémo, yaqwánxa katnehek egmonye' wesse'. Naqsók ma'a ektémakxa nak apwanmagko, ekpékessásawók han séltennasso.”

Daniel 4:35

Mékoho apancha'awók nápaqtók ma'a apyókxoho énxet'ák nak keso náxop. Elának chá'a apmakókxa enxoho chá'a elána', cham'a aqsok ekhéyak nak néten tén han keso náxop. Méko awanchek kanmexekxak apmopwána, tén han katnehek kának se'e: ¿Yaqsa ektáha aptáha nak xa ektáha nak?”

Zacarías 9:1

Keso appeywa apkeltennasa axta Wesse' egegkok énxet'ák apheykha nak yókxexma Hadrac tén han tegma apwányam Damasco yaqwánxa katnehek kéllegassáseykegkoho s'e: “Wesse' egegkok apagkok ma'a tegma apkelyawe nak Siria, ekhawo nahan ma'a apyókxoho pók aptémakxa nak chá'a énxet'ák Israel.