Jeremías 31:35 - Biblia Enxet

³⁵ Aptáhak Wesse' egegkok, apwesey nak Wesse' ekha apyennaqte, appekkenma nak mayáhat yaqwayam kalsaksek exma ekhem, tén han pelten, yaw'a, yaqwayam elsaksek exma axta'a, apkeltémo nak chá'a kalnextog néten yegmen ma'a wátsam ekwányam, tén han kapáwak awáxok ma'a élyaqyahayam agkok nak:

Jeremías 31:35 ပူးပေါင်းရင်းမြစ်များ

Job 26:12

Apyennaqte keñamak apwanmeyáseykekxo wátsam ekwányam; apmopwána aqsok keñamak apchaqhama m'a yegmen askok eklo, cham'a Rahab.

Job 38:33

¿Apya'ásegkoya exchep ektémakxa nenláneykha m'a néten? ¿Apwancheya exchep xa etnehek apkeláneykha s'e náxop nak?

Salmos 106:9

Appaqhetchessegkek axta Wátsam Ekwányam Ekyexwase, yetlómok axta han ekyamaye. Apkelyeykháseykekxeyk axta m'a kañók agko' nak wátsam ekwányam, máxa axta apteméssessók ma'a xapop ekyamáyekxal'a exma.

Salmos 119:89

Wesse', megkamassegwomek xép appeywa; ¡yetnegkek ma'a néten!

Salmos 119:91

Heykegkek makham ekyókxoho aqsok, ekhawo ektémakxa nak apchánamakxa antéhek, kalyahakxohok chá'a m'a ekyókxoho aqsok.

Salmos 148:6

apnegkenmeyk axta ekyókxoho meyke néxa', appekkenmeyk axta han xama segánamakxa yaqwayam kólyahakxohok chá'a.

Salmos 72:17

¡Megkamassegwomek sa' chá'a apwesey m'a wesse' apwányam; megkamassegwomek sa' ekxénamaxche apwesey ekhakxa nak makham ekhem! ¡Elxawagkok sa' chá'a ektaqmalma apheykha apyókxoho énxet'ák apheykha nak keso nélwanmeygkaxa, eñama xa wesse' apwányam nak! ¡Apyókxoho pók aptémakxa énxet'ák sa' chá'a eltéhek: “Apkeleñémo”.

Salmos 72:5

¡Etnehek sa' wesse' apwányam apcháyo nak chá'a exchep megkatnégwayam néxa, ekhakxa nak makham ekhem, tén han pelten!

Salmos 74:13

apmopwána axta exchep apmeykeseykekxak neyseksa wátsam ekwányam, apkelpáxqatchessegkek axta apqatkok yegmen askok élyawe ekhéyak nak wátsam ekwányam,

Salmos 74:16

Xép apagkok ma'a ekhem, tén han axta'a; xép axta appekkenma pelten, tén han ekhem;

Salmos 78:13

apmeykáseykekxeyk axta neyseksa wátsam ekwányam, apkelyeykháseykekxeyk axta m'a, máxa axta kélhaxtegkesso tegma apteméssessók apmeykegko yegmen.

Salmos 89:2

Axének sa' chá'a ko'o megkamassegwayam segásekhayo; tén han megkayaqmagkasseyam mók ma'a ektémakxa mehenyenyaweykha, megkayaqmagkasseyam mók ektéma nak ma'a néten.

Isaías 48:2

kélxeyenma nak chá'a kéleñama tegma apwányam aptaqmalma tén han kélpasmeykekxa m'a Israel Dios apagkok, apwesey nak Wesse' ekha apyennaqte.

Isaías 51:15

“Ko'o sekteme Dios kélagkok, sekwesey Wesse' ekha sekyennaqte; ayawhaksohok chá'a ko'o yegmen ma'a wátsam ekwányam nak, keñe kapáwak chá'a awáxok ma'a élyaqyahayam agkok nak,

Isaías 54:5

hakte sa' emok etnehek aptáwa' m'a ektáha axta apkelane. Wesse' ekha apyennaqte apwesey m'a; cha'a apwagkasso teyp xeye' m'a Dios Aptaqmalma nak Israel, apteme nak Dios ekyókxoho keso náxop.

Isaías 63:12

apkeltémo axta keytlawha apmopwána eyeymáxkoho m'a Moisés, apmeykáséykekxo axta neyseksa wátsam ekwányam apmonye'e m'a énxet'ák apagkok yaqwayam enxoho kólya'asagkohok chá'a ekyókxoho yókxexma, meyke néxa,

Jeremías 10:16

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Jeremías 32:18

Apxekmóssegkek xép apkelásekhayo apxámokma apagko' énxet, ellegássesagkohok eyke han cha'a énxet'ák, eñama apkeláneyak melya'assáxma m'a apyapmeyk nak. Oh Dios apyennaqte tén han apteme apwányam apagko', Wesse' ekha apyennaqte exchep apwesey.

Jeremías 33:20

“Ektáhak ko'o sekpeywa s'e, sektáha nak Wesse': Yawanchek megkatnehek ma'a ekhémo mók sélpaqhetchásamáxkoho sélánésso axta ko'o m'a ekhem, tén han axta'a, yaqwayam enxoho megkatnehek chá'a megkaweykta axta'a m'a ekweyktamxa nak chá'a, tén han ma'a ekhem.

Jeremías 33:25

Hakte ektáhak ko'o s'e, sektáha nak Wesse': Éláneyak axta ko'o ekhémo mók sélpaqhetchásamáxkoho m'a ekhem, tén han axta'a, ekpekkenmeyk axta nahan segánamakxa yaqwayam katnehek agkok ma'a néten, tén han keso náxop,

Jeremías 33:26

malyetnakhaksek sa' chá'a ko'o m'a Jacob aptawán'ák neptámen, tén han ma'a David séláneykha nak, megkatnehek sa' chá'a matnéssesso xama nepyeseksa yaqwayam etnehek wesse' apwányam nepyeseksa m'a Abraham aptawán'ák neptámen, Isaac tén han ma'a Jacob. Hakte apyósekak sa' chá'a ko'o alanok ma'a, ayaqmagkassesek sa' mók ma'a ektémakxa nak apheykha.”

Jeremías 46:18

Ko'o sektáha nak Wesse' apwányam, sekwesey nak Wesse' ekha apyennaqte, naqsók ko'o sektáha sekpeywa s'e: Sa' elxohok kélenmexma peya nak elxegmak ma'a ektémakxa nak egkexe Tabor, élyeykheykegko nak émha neyseksa m'a mók egkexe nak, tén han ma'a egkexe Carmelo negweteyo nak katnamok m'a ekpayho nak wátsam ekwányam.

Jeremías 5:22

Ektáhak ko'o s'e, sektáha nak Wesse': ¿Yahélayék ko'o kéxegke? ¿Yagkólpexyennamák emonye' ko'o? Ekpekkenmeyk axta ko'o yagkamex néxa m'a wátsam ekwányam, néxa, megkamowána kayeykhak ma'a wátsam ekwányam. Kalnextog eykhe kayéhek ma'a élyaqyahayam agkok megkamallánek eyke kapáwak eykhe han awáxok, megkayeykhék eyke.

Jeremías 50:34

Apmeyhek eyke m'a apkelántekkesso nak, apwesey nak Wesse' ekha apyennaqte. Sa' etaqmelchessásekxak apheykha m'a, esógmak sa' meyke ektáhakxa negha m'a apchókxa, keñe sa' ekmaso apheykha m'a apheykha nak Babilonia.”

Jeremías 51:19

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Oseas 13:14

¿Amallahancheseya ko'o peya enxoho emhagkok ma'a kélya'assamakxa nak chá'a énxet apkeletsapma? ¿Awagkaseya ko'o teyp peya enxoho yetsapok? Nétsapma, ¿háxko ekmahágkaxa m'a ekmowána nak hegaqhek? Takhaxpop, ¿háxko ekmahágkaxa m'a senlagassáseykegkoho nak? ¡Megkalapyóshek sa' ko'o kaxwók alanok xa énxet'ák nak!”

Amós 9:8

Apkelányók Wesse' egegkok se'e énxet'ák melya'assáxma nak, keñe aptáha s'e: “Amasséssessók sa' ko'o apheykha nélwanmeygkaxa xa, masawhók sa' eyke amasséssók ma'a Jacob apnámakkok. Ko'o sekxeyenma xa, sektáha nak Wesse' kélagkok.

Deuteronomio 4:19

Kélenmexawók agkok nahan ma'a néten kólwetak ma'a ekhem, pelten, yaw'a, tén han ma'a ekyókxoho aqsok élsassóxma nak néten, nágkólho káhapwak ekyekkónma kólpeykeshok xa, hakte apkeláneyak axta Dios Wesse' kélagkok élsassóxma nak néten yaqwayam kalsássesek exma apyókxoho énxet keso náxop.