Jeremías 31:27 - Biblia Enxet

²⁷ Aptáhak Wesse' egegkok se'e: “Kammok sa' ekhem yaqwánxa axámásekxak ko'o énxet tén han aqsok kélnaqtósso m'a Israel tén han ma'a Judá.

Jeremías 31:27 ပူးပေါင်းရင်းမြစ်များ

Salmos 107:41

Emassésseshok chá'a ekmaso apheykha m'a meyke nak aqsok apagkok, ¡exámassásekxak chá'a apnámakkok ektémól'a kélnaqtósso!

Jeremías 30:19

Sa' kañék katyapok negmeneykmasso negmésso nak ekxeyenma egwáxok Wesse' egegkok ma'a, tén han néktegmeykha ekpayheykekxa egwáxok. Metnekxeyk sa' apqántawo', hakte ko'o sa' axámasagkok. Megkólwanyaha sa' nahan, hakte ko'o sa' atnéssesek ekha kéláyo.

Ezequiel 36:10

Wának sa' ko'o exámekxohok apagko' ma'a énxet'ák Israel apheykha nak ma'a. Elánhok sa' énxet apheykha m'a kañe' tegma apkelyawe nak, kólnaqxétekhasagkokxak sa' makham ma'a tegma aphopák appalleyam axta.

Ezequiel 36:11

Wának sa' ko'o exámekxak kélnepyeseksa m'a énxet tén han ma'a aqsok kélnaqtósso, exámagkohok apagko' sa'. Exnágwakxohok sa' makham apxámokma énxet ma'a apweykenxa axta apxámokma m'a sekxók axta, keñe sa' kéxegke, tásek sa' katnehek kélheykha, megkaxók sa' ma'a ektémakxa axta m'a nentámen axta. Keñe sa' kólya'ásegwók ko'o sektáha Wesse'.

Ezequiel 36:9

Alanha sa' ko'o m'a; wának sa' makham elcheygkok tén han eknagkok ma'a aqsok aktek.

Oseas 2:23

Axnésha sa' énxet'ák ahagkok ma'a xapop nak, ahagkok ahagko'; kayóshok sa' ko'o alanok ma'a Lo-ruhama, tén sa' atnehek wának Lo-amí s'e: ‘Xép aptáha énxet ahagkok’, keñe sa' etnehek heyának se'e: ‘¡Xép apteme Dios ahagkok!”

Zacarías 10:9

Éxpánchessegkek axta ko'o sélya'assama nepyeseksa m'a pók aptémakxa nak énxet'ák, megkeyxek sa' eyke nahan kalxénwók apkelwáxok ko'o, makhawók sa' eykhe katnehek apheykegkaxa, xama ekhem sa' elchexyók yetlo apketchek.

Deuteronomio 30:9

Keñe sa' Wesse' kélagkok etaqmelchessesek chá'a ekyókxoho m'a aqsok kéllanakxa enxoho chá'a, exámássesek sa' ma'a kélketchek, tén han ma'a weyke kélnaqtósso tén han ma'a aqsok kélcheneykekxa nak kélnakxo; naqso', kapayhekxak sa' makham apwáxok Dios Wesse' kélagkok ma'a ektaqmela sa' makham apteméssesakxa, ektéma axta ekpayheykekxo apwáxok apteméssessamakxa m'a kélyapmeyk nanók axta kéxegke,