Jeremías 31:18 - Biblia Enxet

¹⁸ Ekleg'ak ko'o Efraín énxet'ák apagkok aptáha apkelpaqméteyncha'a apkellekxagweyncha'a yetlo élyentaxnamo apkelwáxok se'e: ‘Negko'o axta nenteme neghémo weyke yágkelwána meyke kéltámésso, ẽltámeseykegkek eyke negko'o exchep; yána agyo'ókxak makham negko'o exchep, hakte xép apteme Wesse', Dios egagkok.

Jeremías 31:18 ပူးပေါင်းရင်းမြစ်များ

Job 5:17

Apkeleñémo énxet apnókáseykha nak aptáhakxa m'a Dios; ná etaqhéssesho aqsa aplegassáseykegkoho m'a Ekha nak Apyennaqte.

Salmos 118:18

Eñássáseykegkók ekyentaxno agko' Wesse' egegkok, makke yahayók watsapok.

Salmos 119:67

Xámok axta aqsok magwaqhémo, mehenyassáseykegkaxa axta, élyaheykekxók eyke kaxwók ma'a appeywa.

Salmos 119:75

Wesse', ekya'ásegkók ko'o apchánamakxa nak antéhek ekteme élpéwomo, ekya'ásegkók han chá'a ekpayhawo m'a señássásegkoho enxoho chá'a.

Salmos 31:15

Xép apmeykha sekyennaqte, ¡hewagkas teyp nepyeseksa sélenmexma señassáseykegkoho nak chá'a!

Salmos 32:9

Ná etne aqsa ektémakxal'a élyeheykok, tén han yátnáxeg, megkay'áseyak la'a, negatchessesso átog aqsa egwanchek agmagkok ma'a, tén han ma'a nétchessessól'a apqátek, mépetchegwomók han xép méko enxoho xa.”

Salmos 80:19

Oh Wesse', Dios ekha nak apyennaqte, ¡hentemessásekxa makham negko'o m'a ektémakxa axta negheykha nano'! ¡Kataqmalmakha apwáxok henlano', keñe sa' ólwomok teyp!

Salmos 80:3

Oh Dios, ¡hentemessásekxa makham negko'o m'a ektémakxa axta negheykha nano'! ¡Kataqmalmakha apwáxok henlano', keñe sa' ólwomok teyp!

Salmos 80:7

Dios, ekha nak apyennaqte, ¡hentemessásekxa makham negko'o m'a ektémakxa axta negheykha nano'! ¡Kataqmalmakha apwáxok henlano', keñe sa' ólwomok teyp!

Salmos 85:4

Dios, Sẽlwagkasso nak teyp, ¡hẽlwagkas makham negko'o teyp, ná elenxanmagkoho sẽltaqnawéyak!

Salmos 94:12

Oh Wesse', apkeleñémo énxet apkelxekmósso nak chá'a exchep, tén han apmésso nak chá'a nélxekmowásamáxche apagkok,

Proverbios 26:3

Kóltamaksohok chá'a m'a yátnáxeg, kólmágwók han chá'a ekxega m'a yámelyeheykok, kólyekpexchetmakha eyke chá'a m'a énxet ekyeyháxma.

Proverbios 29:1

Énxet apyennaqtésso nak apwáxok kólnókasha, kaxwo' agko' sa' kólmasséssók meyke apwayam teyp.

Proverbios 3:11

Hatte, ná etaqheksoho m'a ektémakxa nak Wesse' egegkok appékessáseyak, ná enathoho han ma'a appaqhetchesa enxoho;

Isaías 1:5

Kélmenyeyk aqsa kéxegke kóltéhek sélenmexeykha, méko kaxwók yaqwánxa enxoho anlegássesagkohok ma'a kélyókxa. Sawheykekxók élyense m'a kélpátek, massegkek nahan kélyennaqte.

Isaías 51:20

Apkelyelqákpek ma'a étchek, máxa aptamhágkok ma'a popyet kelhanma ekmál'a, aphágkek ma'a ekyókxoho ámay awáxok, eñama ellegassáseykegkoho m'a Wesse' egegkok aplo, eñama appékessáseykekxa aqsok melaqhémo m'a Dios agkok nak.

Isaías 53:7

Kéltawáseykegkók axta, apchahamakpók axta eyke aqsa, axta nahan epaqmeyesmak xama enxoho; máxa axta aptemék kélyentameykekxo m'a aptémól'a nepkések apketkok kólyentemekxak ma'a aptekyómakxa, apwanmeyeykha axta aqsa, meyke appaqmeyesma xama enxoho, máxa axta aptemék ma'a aptémól'a nepkések kólyesaksek.

Isaías 63:16

¡Xép apteme negko'o egyáp! Mehẽlya'ásegkok eykhe m'a Abraham, megkaxénwakxók nahan negko'o apwáxok ma'a Israel, Wesse', xép apteme negko'o egyáp; nanók xép apteme sẽlwagkasso teyp.

Isaías 9:13

Makke elye'eykekták Dios ma'a énxet'ák, ektáha axta apkellegassáseykegkoho; melchetamsók ma'a Wesse' ekha nak apyennaqte.

Jeremías 17:14

Wesse' hetaqmelchessem ko'o, keñe sa' ataqmelwók; hewagkas ko'o teyp, keñe sa' awagkasaxchek teyp, hakte xeyep apwánxa apagkok chá'a sélpeykessamo.

Jeremías 2:30

Chaqhémok ko'o séllegassáseykegkoho m'a kélketchek nak kéxegke, mopmenyék elya'ásegwók ma'a séltémókxa nak etnahagkok. Kélhawók kéxegke m'a, yámakméwa éllo, kélnápeykekxeyk ma'a énxet'ák kélagkok apkellegasso nak sekpeywa.

Jeremías 3:25

Ólháxahagkok hana nélmegqakto, yetlo nélyeykhásamáxkoho egagko' nélmegqágweykekxa', hakte nentémakxa sakcha'a axta negko'o negeynamo nenlánéyak mólya'assáxma nenmexeykekxo m'a Dios Wesse' egagkok, tén han mólyeheykekxa, ekwokmoho s'e kaxwo nak, weykekxók axta nahan ma'a ẽlyapmeyk nanók axta.”

Jeremías 31:6

Hakte kammok sa' ekhem yaqwayam etnehek elyennaqtéshok apkelpeywa apkelhaxneykha nak chá'a m'a néten egkexe nak Efraín: ‘Kólchexyem, ólmeyekxak Sión, aphakxa nak Dios Wesse' egegkok.’”

Jeremías 31:9

Elmaxneyagkok sa' elchexyók yetlo apkellekxagweykenta'. Anaqlakxak sa' ko'o m'a ényahamakxa nak yegmen, cham'a ámay meykexa nak élyapwáteyak, yaqwayam sa' melpelapmehe'. Hakte ko'o apyáp ma'a Israel, keñe hatte átnaha apketkok ma'a Efraín.

Jeremías 5:3

Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Lamentaciones 5:21

¡Wesse', yána agyo'ókxak makham xép, keñe sa' agyo'ókxa'! ¡Yána katnekxak makham nélweynchámeykha ektémakxa axta nano'!

Ezequiel 20:43

Sa' kólya'ásegwakxohok ekyókxoho kéltémakxa élmasagcha'a m'a, cham'a eknaqtawáseykencha'a axta, megkalchek sa' kélwáxok kóllanok kéltémakxa eñama kéllane ekxámokma m'a aqsok ekmaso.

Daniel 9:13

Egáhapwa'ak negko'o ekyókxoho aqsok ekmaso, ekhawo ektémakxa nak eknaqtáxésamaxche m'a Moisés segánamakxa apagkok; makke agketamsók negko'o exchep, Dios Wesse' egegkok, magyamasmak han ma'a nentémakxa élmasagcha'a, magyetlók han ma'a aptémakxa nak apmámnaqsoho.

Oseas 10:11

“Máxa axta weyke étkok kéltámessól'a m'a Efraín, ekmátsal'a kampaksek apyempe'ék ma'a hótáhap apaktek. Ekpekkenchessek kaxwók nagyétek ektaqmalma nak ma'a yámet, yaqwayam keynyawaksek ma'a ekyenyawasso nak, tén sa' Judá ényawaksek ma'a élchekha nak, keñe sa' Jacob ényawaksek ma'a ektepelcheykekxal'a xapop.

Oseas 4:16

Hénmexekxohok ma'a Israel, máxa weyke étkok ekmeymente; ¿Apwancheya enaqlók kéxegke Wesse' egegkok ma'a ektaqmelakxa nak pa'at, ektémól'a m'a nepkések apketkók la'a?

Oseas 5:15

“Keñe sa' ataqhohok makham ma'a séñamakxa, ekwokmoho apkelya'ásegwokmo melya'assáxma m'a, tén han apkelchexyekmo enxoho hektamok ko'o. ¡Hektamok sa' neyseksa apkellegeykegkoho!”

Jonás 3:10

Apwet'ak axta Dios aptamhágkaxa énxet'ák Nínive, ekmassa apkelánegko m'a apkeltémakxa ekmaso nak, tén axta ekxéna apwáxok metnéssessamók exma ekmaso, apxénakxa axta etnéssesek.

Sofonías 3:2

Megyaháxenmók ma'a Wesse' egegkok appeywa mopmenyeyk nahan kólpékessesagkok; megyáyok nahan ma'a; mey'eykekxak han ma'a Dios.

Malaquías 3:16

(Keñe axta apkelpaqhetchásekpoho m'a apkeláyo nak chá'a Dios, aptaqmelchásawók axta nahan apháxenmo Wesse' egegkok ma'a aqsok apkelxeyenma. Táxésáxcheyk axta nahan weykcha'áhak nápaqtók Wesse' egegkok, yaqwayam enxoho kaxénwakxohok chá'a kélwáxok ma'a énxet'ák apcháyo nak chá'a Wesse' egegkok, tén han melwagqayam nak chá'a.)

Malaquías 4:6

Elásekhassásekxohok sa' apketchek ma'a apyapmeyk. Sa' agkok katnahak xa ektáha nak, awaták sa', keñe sa' allegássesagkok ma'a apchókxa nak, amasséssók sa' ma'a apyókxoho nak.”

Números 2:18

“Taxnegwánxa ekhem sa' elpakxenagkok ma'a Efraín nak sẽlpextétamo apagkok, apkemhakxa nak bandera apagkok. Elisamá akke apkemha apmonye' apagkok ma'a Efraín énxet'ák nak sẽlpextétamo apagkok, cham'a apketche nak Amihud,