Jeremías 31:14 - Biblia Enxet

¹⁴ Alagkok sa' ko'o nento éltaqmalma agko' ma'a apkelmaxnéssesso nak énxet'ák ahagkok, keñe sa' énxet'ák ahagkok kayeykhágwomhok ma'a aqsok ahagkok ekxámokma nak. Ko'o sekxeyenma xa, sektáha nak Wesse'.”

Jeremías 31:14 ပူးပေါင်းရင်းမြစ်များ

2 Crónicas 6:41

“Dios Wesse' egegkok, yempekxa néten éxyem yetlo yántéseksek ekyennaqte emyenták ma'a yaqwánxa nak exek, Dios Wesse' egegkok, ewakhésakpok sa' nélwagkásamáxche teyp ma'a apkelmaxnéssesso nak énxet'ák apagkok, kalpayhekxak sa' apkelwáxok ma'a ektáha nak meyenseyam apkelyetleykha.

Nehemías 10:39

hakte elsakxak sa' israelitas, tén han levitas hótáhap apaktek apnegkenéyak, tén han vino, tén han pexmok égmenek ma'a kélxátamakxa nak chá'a aqsok ekheykegkaxa nak ma'a aqsok kélmeykegkaxa élpagkanamaxche', apkeltamheykegkaxa nak chá'a m'a apkelmaxnéssesso Dios énxet'ák apagkok, tén han apkeltaqmelchesso nak átog, tén han apkelmeneykmasso. Nenxénchek han magyenyewek chá'a m'a Dios egagkok tegma appagkanamap apagkok.

Salmos 107:9

Hakte emasséssesek chá'a élnapma hem ma'a hem élnapma nak, eyeykhássessamhok chá'a nento éltaqmalma m'a meyk át'ák nak.

Salmos 132:16

Alewánessesek sa' ko'o apkelmaxnéssesso énxet'ák ahagkok yaqwayam elwetaksek chá'a apkelwagkásamap teyp eñama nak ko'o, elwónchesha sa' kalpayhekxak apkelwáxok ma'a apteme nak chá'a melyenseyam apkelyetleykha.

Salmos 132:9

Etnahagkok sa' chá'a ekpéwomo apkeltémakxa m'a apkelmaxnéssesso nak chá'a énxet'ák apagkok; elwónchesha sa' kalpayhekxak apkelwáxok ma'a apteme nak chá'a melyenseyam apkelyetleykha.

Salmos 17:15

Kapayhekxak sa' eyke ko'o ewáxok sekwet'a sa' ahaqta'ák ahagko', ¡sekha sa' nápaqto' sekxatakha'a enxoho!

Salmos 36:8

Etawagkok chá'a aptéyak éltaqmela, ekhéyak nak ekxámokma m'a apxagkok; elagkok chá'a exchep yegmen ekmátsa eñama nak ma'a wátsam apagkok ektaqmalma,

Salmos 63:2

¡Émenyeyk ko'o alanok ma'a tegma appagkanamap apagkok, tén han ótak ma'a apmopwána, tén han apcheymákpoho,

Salmos 63:5

Kapayhekxohok agko' sa' chá'a ewáxok, ektémól'a antók ma'a nento élmátsa élánamáxche nak ektámáxche ekyawe, alpeykeshok sa' chá'a yetlo ekpayheykekxa ewáxok.

Salmos 63:6

Ekyetneyk agkok chá'a axta'a, kaxének chá'a ewáxok xép;

Salmos 65:4

Apkeleñémo énxet apkelyéseykha nak xép, apyentameykekxa nak xép ma'a aphakxa nak, apwáxok nak ma'a tegma appagkanamap apagkok. ¡Kalpeykásekxohok agko' sa' negko'o egwáxok ma'a aqsok éltaqmalma ekhéyak nak apxagkok, aqsok élpagkanamaxche ekhéyak nak ma'a tegma appagkanamap apagkok!

Salmos 85:13

Nentémakxa ekpéwomo sa' kaxog apmonye', kalanaksek sa' ámay apagkok.

Salmos 90:14

Hegyánchessesho negko'o segmésso segásekhayo yókxoho axto'o, ólmeneykmaksek sa' chá'a negko'o yetlo élpayheykekxa egwáxok neyseksók negheykha.

Cantares 5:1

Eyáxeg, sekpagkanma, ektaxnegwa'akteyk kañe' séneykekxexa pánaqte exnók ahagkok. Élmákxeyk kaxwók ma'a yámet ánek ahagkok ekmátsa nak ekpaqneyam tén han ma'a élmátsessamo nak élpaqneyam aqsok. Ektókek kaxwók yányawhéna' apyegmenek ahagkok, ekyenchek nahan ma'a vino ahagkok tén han ma'a weyke nagkeygmenek ahagkok. Énámakkok sélásekhayo, kóltawák, kólyenák nahan, ¡kólyenák ekwánxa enxoho kélmaka!

Isaías 25:6

Elanaksek sa' ektámaxche ekyawe Wesse' ekha nak apyennaqte apyókxoho pók aptémakxa énxet'ák ma'a egkexe Sión, nento éltaqmalma nak tén han ma'a vino ektaqmalma nak, yetlo m'a élmátsa agko' nak nento tén han ma'a vino ektaqmalma agko' nak.

Isaías 61:6

Keñe sa' kéxegke kóltamhaxchek Wesse' egegkok kélmaxnéssesso énxet'ák apagkok, Dios egagkok apkeláneykha. Kólmagkok sa' aqsok apagkok ekxámokma nak ma'a pók aptémakxa énxet'ák, kaqheykha sa' kélwáxok kólmaha m'a aqsok éltaqmalma apagkok nak.

Jeremías 31:25

Hakte alagkok sa' ko'o aptéyak tén han apyenéyak ekyawe agko' yegmen ma'a apkelyampayo nak, tén han meyke nak apkelyennaqte.”

Jeremías 33:9

Ekpeykeseykekxa ewáxok sa' ko'o atnessásekxak ma'a Jerusalén, séláyo tén han seyeymáxkoho nápaqta'awók apyókxoho énxet'ák apheykha nak keso náxop. Apkelleg'ak sa' agkok apyókxoho énxet'ák peya ko'o wáphássesek nepyeseksa aqsok éltaqmela m'a apheykha nak Jerusalén, tén han peya agkések ekyókxoho ektaqmelwayam nak negha, elpexyennók sa' apkelaye.”

Jeremías 50:19

Wának sa' elmeyenták makham énxet'ák Israel ma'a xapop apagkok nak, máxa nepkések sa' etnahagkok elwetak pa'at ekxámokma m'a Carmelo, tén han ma'a Basán, tén han ma'a élámhakxa nak meteymog élwenaqte m'a yókxexma Efraín tén han ma'a Galaad.

Ezequiel 34:14

Anaqlakxak sa' yaqwayam etawagkok ma'a pa'at ektaqmalma agko' nak, cham'a ekxámokmakxa nak pa'at éltaqmalma m'a egkexe élwenaqte nak ma'a Israel. Sa' ellókasagkok apkelyampe m'a tén han etawagkok ma'a pa'at ekmátsa agko' nak.

Hageo 2:19

Kóllano, sakhem sa' keynhok exek hótáhap apaktek ma'a kélxátamakxa nak chá'a. Megkeyxnak eykhe makham ma'a anmen yámet, tén han higo yámet, tén han yántakyexna, tén han olivo; sakhem sa' eyke ko'o weynhok agkések ektaqmalma kélheykha.”

Deuteronomio 33:23

Tén axta Neftalí aptáha apxéna s'e: “Leklamók apwáxok apkelányo Wesse' egegkok ma'a Neftalí, apméssegkek ekxámokma agko' ma'a aqsok apagkok. ¡Apagkok ma'a ekpayhegwayam nak yegmen ekweykmoho m'a néxa ekpayhegwayam, ekpayho nak nepyeyam!”