Jeremías 30:23 - Biblia Enxet

²³ Máxa éxchahayam ekyennaqte m'a Wesse' egegkok aplo, máxa m'a segyettekhane ekyennaqte ekyeyhegwayam nak chá'a takhapxet ma'a élmasagcha'a nak apkeltémakxa.

Jeremías 30:23 ပူးပေါင်းရင်းမြစ်များ

Salmos 58:9

eláléwak sa' ektémól'a yámet ekha nak am'ák kólwatnek, amonye' apkelya'ásegwayam; kólpátekkesek sa' yetlo apkeltaqnómap apagko', ektémól'a pa'at axnancha'ák.

Proverbios 1:27

ekwa'a enxoho kélnepyeseksa kéxegke m'a nélmeneykha tén han ekmaso nak negha, magya'áseyak nentáhakxa tén han ekyentaxno egwáxok, ektémól'a éxchahayam ekyennaqte kamasséssók ekyókxoho aqsok!

Jeremías 25:32

Aptáhak Wesse' ekha apyennaqte s'e: “Katekxeyagkohok sa' mók kawak aqsok ekmaso m'a xama apkelókxa, tekkek éxchahayam ekyennaqte agko' eñama m'a néxa xóp nak.”

Jeremías 4:11

Wokmek sa' agkok xa ekhem nak, sa' katnehek amya'a elxénakpok énxet'ák Jerusalén se'e: “Éxchahayam ekmexanma wátekhápak énxet'ák ahagkok eñama nak meykexa énxet. Háwe m'a éxchahayam megkeynnaqtél'a, kélmowánal'a kólchempaksek apyempe'ék apák hótáhap apaktek;

Lamentaciones 1:12

¡Kéxegke ektáha nak kélxega ámay, kólchaqnágwom sekxo', kalchetam kélwáxok yetneyk agkok kéllegeykegkoho ekhawo nak ko'o, señassáseykegkoho agko' nak! ¡Wesse' egegkok seyhe ko'o xa ektémakxa nak ekyentaxno ewáxok eñama setaqnagko!

Zacarías 9:14

Exekmósakpohok sa' Wesse' egegkok nepyeseksa m'a énxet'ák apagkok; máxa takha' apkelyenma sa' etnéssesek yágke aktek apagkok elyáta'. Epáwaksek sa' apchaqkahasso m'a Dios Wesse' egegkok, keñe sa' exog neyseksa éxchahayam ekyennaqte agko' eñama nak nepyeyam.