Jeremías 30:20 - Biblia Enxet

²⁰ Etnekxak sa' makham israelitas ma'a aptamheykegkaxa axta nano'; megkóltaqhésha sa' chá'a énxet'ák apagkok ma'a sekhakxa nak ko'o, allegássesagkohok sa' ko'o m'a apnaqtawáseykegkoho nak chá'a.

Jeremías 30:20 ပူးပေါင်းရင်းမြစ်များ

Salmos 102:18

Kanaqtáxésaxchek sa' weykcha'áhak xa, yaqwayam sa' kaleyxek makham ma'a aptépeykekxa sa' makham egmonye', yaqwayam sa' elpeykeshok Wesse' egegkok ma'a mepallakmo nak makham.

Salmos 102:28

Egkések sa' meyke ektáhakxa apheykha m'a apkeláneykha aptawán'ák neptámen nak; eltaqmelchesek sa' chá'a m'a egketchek nentámen.

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 51:22

Aptáhak Dios Wesse' kélagkok se'e ektáha axta apkelmasma m'a énxet'ák apagkok: “Eymentemekxak sa' ko'o kéxegke s'e egheykok élnápeykencha'a nak chá'a kélyeta m'a kañe'; megkólyenekxók sa' chá'a kaxwók ma'a egheykok kélyeta nak seklo.

Isaías 54:14

Keynnaqtések sa' xeyep ma'a ekpéwomo nak nentémakxa, kamaskok sa' kóltawasagkoho', kamaskok sa' nahan apkelmenaye, kamaskok sa' nahan kapekhaksek apwáxok ma'a apyegwakto nak.

Jeremías 2:3

Élpagkanchessegkek axta ko'o m'a énxet'ák Israel, axta aptamhéyak aqsok séneykekxa éltaqmalma m'a. Asagkek axta agkok chá'a apteméssesakxa xama énxet, añássesagkohok axta chá'a ko'o wahak apkellegeykegkoho ekmaso. Ko'o sekxeyenma xa, sektáha nak Wesse' kélagkok.”

Jeremías 30:16

Kólmasséssók sa' eyke nahan apyókxoho m'a apmassésseyam nak chá'a kéxegke, kólnaqlakxak sa' nahan megkatnahakxa apkelókxa apyókxoho m'a kélenmexma nak; wának sa' ko'o kólyementamagkok aqsok apagkok ma'a apkelyementaméyak nak chá'a aqsok kélagkok, wának sa' nahan kólmenyexchesagkok aqsok apagkok ma'a apkelmenyexchesso nak chá'a aqsok kélagkok kéxegke.

Jeremías 32:39

Wának sa' ko'o etnahagkok wánxa apkelmopmenyého etnehek seyáyo neyseksa apheykha, yaqwayam sa' kataqmelek apheykha, yetlo aptawán'ák neptámen.

Lamentaciones 5:21

¡Wesse', yána agyo'ókxak makham xép, keñe sa' agyo'ókxa'! ¡Yána katnekxak makham nélweynchámeykha ektémakxa axta nano'!

Zacarías 10:6

Aptáhak Wesse' egegkok se'e: “Agkések sa' ko'o apkelyennaqte m'a Judá aptawán'ák neptámen, alwagkasek sa' teyp ma'a José aptawán'ák neptámen. Anaqlakxak sa' makham ma'a apkelókxa apagko' nak, hakte apyósekak ko'o sélányo m'a. Etnahagkokxak sa' makham ma'a ektémakxa axta maltaqnaweykegko axta chá'a ko'o, hakte ko'o sekteme Dios Wesse' apagkok, sekháxenmo nak chá'a m'a apkelmaxneyéyak.

Zacarías 10:8

“Alwónmakha sa' ko'o m'a, keñe sa' wánchásekxa', hakte élwagkassek teyp. Exámekxohok apagko' sa' makham, ektéma axta m'a nanók axta.

Zacarías 8:5

Kasawhekxohok sa' sakcha'áletkók ma'a apheykegkaxa nak chá'a énxet'ák elweynchamha m'a tegma apwányam, kaneywagkok sa' ma'a awáxok nak.