Jeremías 3:6 - Biblia Enxet

⁶ Axta aptemék ko'o seyenagkama Wesse' egegkok, aptémakxa axta wesse' apwányam Josías: “¿Apweteyaya ektémakxa m'a Israel, cham'a sénmexeykekxo nak ko'o? Xegamche keñe élánegweykmo ektémakxa megkamasexta m'a néten egkexe nak, tén han ma'a ekyókxoho kóneg yenta'a élyentaxno nak pessesse agkok.

Jeremías 3:6 ပူးပေါင်းရင်းမြစ်များ

1 Reyes 14:23

hakte apkeláneykegkek axta han kélpeykessamókxa chá'a kéleykmássesso m'a egkexe nak chá'a, apkeláncháseykegkek axta han meteymog, tén han yámet awhak apkeláyókxa m'a ekyókxoho egkexe néten nak, keñe han ma'a kóneg nak yenta'a élyentaxno nak pessesse agkok.

2 Crónicas 34:1

Ocho apyeyam apagkok axta apkeynamo apteme wesse' apwányam Josías treinta y un apyeyam axta apteme wesse' apwányam ma'a Jerusalén.

Salmos 106:39

apkelenyetséssegkek axta apyempe'ék apkeláneykegko ekyókxoho apkeltémakxa ekmaso, apnaqtawásamákpek axta, eñama ektémakxa axta aqsok apkelánéyak.

Isaías 57:3

Kólchaqnágwatámho s'e, kéxegke, kéltamhéyak nak chá'a kelyohóxma, kélteme nak énxet aptawáseykha élyamhopma aptawán'ák neptámen tén han kelán'a ekyaqmagkáseyak pók énxet ekpathetéyak ekma chá'a ekyánmaga:

Isaías 57:7

Kélnegkeneykegkek néten egkexe netnók ma'a kélyetnamakxa néten nak, cha'a kélmeyeykekxexa nahan chá'a kóllánegwakxak aqsok ektekyawa kélmésso m'a.

Jeremías 1:2

Appaqhetchessek axta Wesse' egegkok Jeremías, ekweykmo axta trece apyeyam apteme wesse' apwányam Josías ma'a yókxexma Judá, cham'a Josías, Amón axta apketche.

Jeremías 11:10

Apkeláneykegkokxeyk melya'assáxma ekhawo apkeláneykegko axta m'a apyapmeyk nano', cham'a mehelyeheykekxohok axta ko'o, apkelyetleykekxo axta m'a mók aqsok kéláyókxa tén han apkelpeykessamo. Meláneykegkok ekhémo mók nélpaqhetchásamáxkoho m'a énxet'ák Israel, tén han ma'a Judá sélánésso axta ko'o m'a apyapmeyk nano'.

Jeremías 17:2

Kelxénweykekxók chá'a apkelwáxok kélketchek ma'a kélwatnamakxa axta chá'a aqsok, tén han ma'a yámet awhók kéleykmássesso kélpeykessamo axta chá'a, ekheykegko axta m'a nekha nak yenta'a élyentaxno pessesse agkok, tén han ma'a néten egkexe nak,

Jeremías 3:8

wetayak axta han ko'o ektémakxa sektaqnagkama m'a Israel, cham'a sénmexeykekxo nak ko'o, tén han sekyamasma eñama setwáseykegkoho élánegwayam chá'a pók énxet megkatnaha atáwa'. Keñe m'a Judá, yáxeg nak ma'a Israel, seyenseykmo nak ko'o sétleykha, axta kayeyk, xegamchek axta nahan ma'a, tén axta éláneya nahan ma'a ektémakxa megkamasexta.

Jeremías 31:22

¿Háxko sa' ekwánxa katnégwók néxa kélweynchámeykha aqsa ektémól'a kélketche kelwána ekxegányam la'a? Élanak ko'o axnagkok aqsok keso náxop, ko'o sektáha nak Wesse': xama kelán'a ektaqmeleykha ekpeywa kalának xama énxet.”

Jeremías 5:11

Eyamasmeyk ko'o m'a énxet'ák Israel tén han Judá. Ko'o sekxeyenma xa, sektáha nak Wesse'.”

Jeremías 7:24

Axta eyke hélyeheykekxoho', axta nahan heháxenmók, apkelyennaqtéssegkek axta aqsa apkelwáxok apkelyetleykekxo m'a ektémakxa axta chá'a élchetámeykha apkelwáxok ekmaso. Axta hey'ékekták ko'o, eyheykekxeyk axta aqsa apkap'ák.

Ezequiel 16:31

Keláneykegkek élpeykessamókxa chá'a aqsok eyáyókxa tén han éláneykxa chá'a ektémakxa ekmaso megkamasexta m'a ekyókxoho ekmassegweykemxa nak chá'a ámay tén han ma'a ekyókxoho éláxñéyak nak chá'a. Makke exche' katneyk ma'a éltémakxal'a chá'a m'a kelán'ák, ekma nak chá'a ekyánmaga ekpathetéyak énxet: ¡Megkamek chá'a exche' ekyánmaga!

Ezequiel 16:35

“Ekeso éñamakxa séltamho nak keyxhok sekpeywa, xeye' kelán'a ekma nak chá'a ekyánmaga ekpathetéyak énxet:

Ezequiel 20:28

Xama axta séltémo ko'o kólántexek ma'a xapop séltennassamakxa axta ekmámnaqsoho agko' agkések, yohók axta kéltáha kélseykekxexa chá'a aqsok kélnapma kélwet'a m'a egkexe netno nak tén han ma'a yámet ekxámokma nak áwa', kéllánegweykekxeyk axta nahan chá'a aqsok kélmésso naqsa kélagkok sektaqnagkamo ahagko' nak ko'o m'a; kélnegkenweykekxeyk axta chá'a m'a aqsok ekmátsa nak ekpaqneyam, kélyegkenweykekxeyk axta nahan chá'a m'a anmen yámet égmenek kélmésso naqsa kélagkok nak.

Ezequiel 23:11

“Weteyak axta eykhe Oholibá xa, cham'a yáxeg nak, yeykhásseykmok axta aqsa ekmámenyého kalának ektémakxa ekmaso megkamasexta m'a yáxa nak.

Ezequiel 23:4

Oholá axta ekwesey m'a katnaha étkok nak (cháxa ekyetchesamaxkoho axta m'a Samaria) keñe axta yáxeg ma'a Oholibá (cháxa ekyetchesamaxkoho axta m'a Jerusalén). Élmomchek axta ko'o xa, enaqteyegka'a axta ektemék, héssegkek axta nahan étchek apkelennay'a tén han kelwán'ák.

Oseas 11:7

Apmenyeyk aqsa heyenyók ko'o m'a énxet'ák ahagkok, elpáxamha eykhe m'a netno nak, méko eyke kapasmok.

Oseas 4:13

Apkelwatnegkek chá'a aqsok ekmátsa nak ekpaqneyam éten agkok ma'a néten egkexe nak, apkelnapmeyk han chá'a aqsok apnaqtósso, tén han apkeláneykegko chá'a m'a kóneg yenta'a élyentaxno nak pessesse agkok, cham'a yámet robles, álamos, tén han ma'a encinas. Cháxa keñamak éláneykegko nak éltémakxa ekmaso megkalmasexta'a m'a kélketchek kelwán'ák nak kéxegke, tén han eknaqtawáseykegkoho anaqteyegka'a élánegwayam chá'a pók énxet ma'a kéltánegken'ák nak.

Jueces 2:17

Axta eyke elyaheykekxak israelitas xa apkelámha apmonye'e apkelyennaqte nak, apkelyenseykmek axta aqsa apkelyetleykha m'a Wesse' egegkok, apkelpeykessamók axta m'a mók aqsok kéláyókxa. Apkelyaheykekxók axta apkeltémókxa nak antéhek Wesse' egegkok ma'a apyapmeyk nanók axta; keñe xa metnaheykegko m'a aptamheykegkaxa axta.