Jeremías 3:25 - Biblia Enxet

²⁵ Ólháxahagkok hana nélmegqakto, yetlo nélyeykhásamáxkoho egagko' nélmegqágweykekxa', hakte nentémakxa sakcha'a axta negko'o negeynamo nenlánéyak mólya'assáxma nenmexeykekxo m'a Dios Wesse' egagkok, tén han mólyeheykekxa, ekwokmoho s'e kaxwo nak, weykekxók axta nahan ma'a ẽlyapmeyk nanók axta.”

Jeremías 3:25 ပူးပေါင်းရင်းမြစ်များ

Salmos 106:6

Nenláneykegkek negko'o mólya'assáxma, neghawók ma'a ẽlyapmeyk nano' axta; nennaqtawásamáxche'; nenláneykegkek aqsok ekmaso.

Salmos 106:7

Axta yáyók ẽlyapmeyk nanók aqsok ekyawe apkelane apheykegkaxa axta m'a Egipto; kelwagqámeykegkek axta m'a ektémakxa ekyawe segásekhayo, apkenmexeykekxeyk axta exchep ma'a neyáwa nak Wátsam Ekwányam Ekyexwase.

Salmos 109:29

¡Elmegqáwhok apagko' sa' ma'a sélenmexma nak. ¡Kápok sa' apkelmegqakto, aptémól'a kélaqlamaxche'!

Proverbios 13:18

Meyke aqsok apagkok sa' etnehek ma'a énxet melyaheykekxa nak chá'a kélpaqhetcháseykha, emegqeyk sa' han chá'a; kéláyo ekyawe sa' eyke etnehek ma'a énxet apkelyeheykekxoho nak chá'a ektémakxa kélpékessáseyak.

Proverbios 5:13

¡Magwaháxenmók apkelpeywa m'a apmáheyo axta chá'a hélxekmósek, magwaháxenmók han ma'a ektáha axta chá'a sélxekmowáseyak,

Isaías 48:8

Meñeyk xép kaxénaxchek xa, meteyk nahan, hakte yókxoho ekhem ekteme meyke apeyk'ák. Ekya'ásegkók ko'o exchep apteme melane chá'a m'a aptáhakxa enxoho appeywa, apkeltamhomakpek axta exchep ekyennaqte apwáxok ma'a apyetnamakxa axta egken awáxok.

Isaías 50:11

Keñe sa' kélyókxoho kéláléwasso nak táxa, kélláneykegkokxa nak yágke eyáléwomól'a táxa naw'ék, kalnápekxohok sa' agkok ma'a táxa eyáléwe kélagkok nak, kalnápekxohok sa' agkok ma'a yágke kélagkok kéláléwasso kélagko' nak naw'ék kéxegke. Yáphássesek sa' Wesse' egegkok xa kéllegeykegkoho nak kóletsapok sa' neyseksa kéllegeykegkoho ekmáske.

Jeremías 11:13

Xámok agko' aqsok apkeláyókxa m'a énxet'ák Judá, hawók ma'a tegma apkelyawe apagkok nak, keñe m'a énxet'ák apheykha nak Jerusalén, apxámassamók apagko' apkelánéyak ma'a apkelwatnamakxa aqsok yaqwayam elmések chá'a aqsok ánek ekmátsa nak ekpaqneyam éten agkok ma'a Baal, hawók ma'a ektémakxa nak ekxámokma ámay ma'a tegma apwányam.

Jeremías 12:13

Apkeneykegkek hótáhap, keñe apnakxeykegko menóke; eyaqhémo temégweykmok ma'a ekyókxoho apkeltamheykha nak. Ántawók ekyexna aqsok kélcheneykekxa, eñama seklómo ahagko' ko'o.”

Jeremías 14:20

Wesse', nélya'asegwákxók negko'o m'a néltémakxa ekmaso, tén han apkeltémakxa melya'assáxma axta m'a ẽlyapmeyk nano'; nenláneykegkek negko'o mólya'assáxma nenmexeykekxo exchep.

Jeremías 14:7

Wesse', ẽlsexnenagkamchek eykhe negko'o m'a mólya'assáxma nak, eyke elána sa' aqsa aqsok, eñama apkelmeyeykha m'a apwesey! Xámokmeyk negko'o negyenseyam negyetleykha exchep, nenláneykegkek mólya'assáxma nenmexeykekxo.

Jeremías 2:17

Temegkek kéxegke xa ektáha nak eñama sélyamasma ko'o, sektáha nak Dios Wesse' kélagkok, sekpékessáseyak nak chá'a ámay kélagkok.

Jeremías 2:19

Kéltémakxa ekmaso kélagko' sa' kéxegke kallegassásegkokxa', kélyamasma kélyetleykha Dios sa' kalsexnena'. Kalchetam sa' kélwáxok keñe sa' kólya'ásegwók asagkek ko'o hélyenyók, tén han askehe', tén han mehélakawo enxoho, ko'o sektáha nak Dios Wesse' kélagkok. Ko'o sekxeyenma xa, sektáha nak Wesse' ekha sekyennaqte.

Jeremías 2:2

“Exeg sa' elpaqhetchessók ma'a énxet'ák Jerusalén; énnaqtés sa' appeywa, yaqwayam sa' kataqmelek apkelháxenmo: ‘¡Keso aptáhakxa nak appeywa Wesse' egegkok se'e! Xénwákxók ko'o ewáxok ektémakxa axta étkok, meheyenyaweykencha'a axta chá'a, cham'a sektémakxa axta etáwa', seyásekhayo axta chá'a, sétleykencha'a axta chá'a m'a yókxexma meykexa nak énxet, xapop megkólcheneykekxexa nak aqsok aktek.’

Jeremías 2:26

“Sa' etnahagkok elmegqeyk énxet'ák Israel, tén han énxet'ák, tén han kelwesse'e apkelwányam, tén han apkelámha apmonye'e, tén han apkelmaxnéssesso Dios énxet'ák apagkok tén han apkellegasso nak Dios appeywa m'a aptémól'a énxet apmenyexma emegqeyk kólwetagkohok apmenyexakxa;

Jeremías 20:18

Yaqsa axta kexaha ektéma sekteyapma nak kañe' méme awáxok. Seklegeykegkoho ekmáske aqsa chá'a ekweteyk tén han ekyaqhápeykha ewáxok, máheyók aqsa amassegwók neyseksa sekmegqakto.

Jeremías 22:21

Élpaqhetchessegkek axta eykhe kéxegke m'a ektaqmalmakxa axta kélheykha, axta eyke hélháxenmo'. Cháxa kéltémakxa axta kéxegke xa, eyeynamo m'a kéltémakxa axta kélketkók: ¡megkólmenyeyk axta kóleyxhok sekpeywa!

Jeremías 3:13

Eyke kay'ásegwakxoho aqsa m'a ektémakxa ekmaso, tén han énmexeykekxo m'a Dios Wesse' agkok; ekweynchámeykencha'a chá'a ektegyeykencha'a énxet apkeleñama mók nekha yaqwayam kagkések ekyókxa, m'a kóneg nak yenta'a élyentaxno pessesse agkok, tén han megkalyeheykekxo m'a séltémókxa nak katnehek. Ko'o sekxeyenma xa, sektáha nak Wesse'.”

Jeremías 31:19

Ekyamasmeyk axta ko'o exchep, chaqhak eyke kaxwók ewáxok ma'a sektémakxa; ekya'ásegwákxók ekyetna may'assáxma, ektekpagáha egkenyek; ekmegqágweykxók ahagko', may'ásegkok sektáhakxa eñama m'a may'assáxma sélane axta sektémakxa wokma'ák.’

Jeremías 6:26

¡Énxet'ák ahagkok, kólántaxnekxa apáwa sẽlwáxaqxamo nak, magkenatchesso kéllegagkoho ekmáske; kólpexyawha neyseksa táhap, kallapwomák, nágkóleysagkoho kóllekxagwaha, ektémól'a yetsapok xama kélketche apteme nak wánxa xama apagko'; hakte kaxwo' sa' elwak ma'a apmáheyo nak hegmasséssók!

Jeremías 7:19

Háwe eyke ko'o setnéssesseykmohoxma ekmaso xa énxet'ák nak, apnaqtawásamakpekxoho apagko', yaqwayam enxoho elmegqasakpekxohok apagko'. Ko'o sekxeyenma xa, sektáha nak Wesse'.

Jeremías 8:14

Keñe sa' etnehek elpaqmétek énxet'ák se'e: “¿Yaqsa ektéma negheykencha'a nak aqsa s'e? ¡Ólmeyekxak negyókxoho m'a tegma apkelyawe ekyennaqte nak kélhaxtegkáseyak nepyáwa' yaqwayam sa' óletsapwakxak ma'a! Dios Wesse' egegkok peyk hẽlnápekxa'; ẽleykegkek ma'a yegmen kélenchehe nak pánaqte segaqhamo, hakte nenláneykegkek negko'o mólya'assáxma nénmexeykekxo m'a.

Jeremías 9:18

¡Kólána sa' kalpekhaksohok élxegáyam, yaqwayam sa' kallekxagwaha henlanok negko'o; hẽllekxágkasha sa' negko'óxa kalpexyewenták sa' egaqta'ák égmen'ák egmáxempenák, eñama néllekxagweykha!

Lamentaciones 5:16

Teyekmek kaxwók ma'a eyaqheykencha'a axta egwáxok; ¡negko'o la'aye, nenláneykegko nak mólya'assáxma!

Lamentaciones 5:7

Apkeláneykegkek axta melya'assáxma ẽlyapmeyk nano', keñe kaxwók apmassegwokmo, negko'o kaxwók egápeykxak ma'a apkelsexnánémap axta.

Ezequiel 2:3

élenxanakmoho ektáha seyáneya xa kélpeywa nak: “Wáphaksek sa' ko'o exchep ma'a apheykegkaxa nak énxet'ák Israel, cham'a énxet'ák meyke nak apkelyeheykekxoho, sénmexeykekxo nak ko'o. Cháxa énxet'ák nak, weykmók ko'o setaqnagko s'e negwánxa nak, ekweykekxoho m'a apyapmeyk nano' axta.

Ezequiel 36:32

Ektáhak ko'o sekpeywa s'e sektáha nak Wesse': Israelitas, kólya'asagkoho sa' malana ko'o eñama kéxegke s'e; kólmegqè sa', nágkólya'asák aqsa kéltáhakxa eñama m'a kéltémakxa ekmaso.

Ezequiel 44:13

Mopwanchek etnahagkok apkeltamheykha appasmo apkelmaxnéssesso énxet'ák ahagkok ma'a sekhakxa nak essenhan elyepetchegwomhok ma'a aqsok élpagkanamaxche ahagkok nak; cham'a ekyágwánxa agkok ma'a aqsok élpagkanamaxche agko' nak. Kóllegássesagkohok sa' eñama apkelánéyak ma'a aqsok segmegqassamo nak, tén han ma'a aqsok élmasagcha'a agko' nak.

Ezequiel 7:18

Elántaxnekxak sa' ma'a apáwa sẽlwáxaqxamól'a magkenatchesso éllegágkoho apkelwáxok; kalpexyennók sa' ekyókxoho apyempe'ék, elxog sa' yetlo élyexwáseykekxa nápaqta'a apkelmegqakto, tén han élmópeyo agko' apkelyese.

Daniel 12:2

Apxámok sa' enaqxétekhágwók ma'a apkeletsapma kélátawanye axta takhaxpop: yetneyk sa' chá'a yaqwayam eweynchamha meyke néxa, yetneyk sa' han chá'a yaqwayam emegqágwakxak meyke néxa megyásekhamap.

Oseas 9:10

Aptáhak Wesse' egegkok se'e: “Payheykekxeyk axta ko'o ewáxok sekweteya m'a Israel, máxa axta ektemék énxet apwetágwayam la'a anmen yámet ekyexna m'a yókxexma meykexa nak énxet. Máxa axta ektemék ko'o sélányo kélyapmeyk nanók axta kéxegke m'a higo ekyexna amonyel'a. Keñe axta apkelweykmo m'a Baal-peor, apkelmeyásamákpo m'a aqsok kéláyókxa élmowancha'a amya'a nak, apkelmopsagcha'a apagko' axta apkeltemessásamákpok, ektéma nak ma'a aqsok kéláyókxa apkelmopmenyého nak ma'a.

Sofonías 1:17

Aptáhak Wesse' egegkok se'e: “Malya'ássesagkek sa' aptamhágkaxa énxet'ák. Máxa meyke apaqta'ák sa' chá'a etnahagkok elxog, hakte apkeláneykegkek melya'assáxma nahaqtók ko'o. Máxa xapop ánek sa' katnehek kayegkenaxchek éma apagkok, keñe sa' aphápetek kéláncheseykekxa kaxhok ma'a ektémól'a aqsok ekteyáseykha.”

Jueces 2:2

megkólpaqhetchásexkoho enxoho kéxegke s'e énxet'ák apheykencha'a nak se'e xapop nak, kélpalchessásegko enxoho chá'a m'a apkelwatnamakxa nak chá'a aqsok.’ Axta eyke hélyeheykekxohok kéxegke, ¡kóllano aqsok kélláneykegko axta!