Jeremías 3:15 - Biblia Enxet

¹⁵ Atnéssesek sa' ko'o apkeltaqmelchesso kélókxa m'a ekleklamo nak ko'o ewáxok, sa' eltaqmelchesek chá'a kéxegke m'a yetlo apmopwancha'a aqsok, tén han apkelya'áseykegkoho.

Jeremías 3:15 ပူးပေါင်းရင်းမြစ်များ

Proverbios 10:21

Apxámok etnehek énxet ekpasmo appeywa m'a énxet appéwomo nak, keñe m'a énxet ekyeyháxma nak, yetsapok aqsa chá'a eñama apteme ekyeyháxma.

Jeremías 23:4

Ategyeksek sa' apkeláneykha yaqwayam sa' elanha, yaqwayam sa' megkaxek apkekakxa xama aqsok enxoho, tén han mexyenmek xama enxoho. Ko'o sekxeyenma xa, sektáha nak Wesse'.”

Jeremías 31:10

“Énxet'ák, kélheykha nak ekyókxoho apkelókxa, kóleyxho Wesse' egegkok appeywa, kólteme sa' nahan kóllegaksek apheykha nak makhawók agko' neyáwa wátsam ekwányam se'e: ‘Apkexpánchessegkek axta Wesse' egegkok ma'a énxet'ák Israel, yánchásekxak sa' eyke makham, keñe sa' elanha, etnehek ma'a aptémól'a keláneykha nepkések elanha m'a apnaqtósso nepkések.’

Ezequiel 34:2

“Xép énxet, eltennés sa' sektáhakxa ko'o sélxeyenma m'a keláneykha nepkések nak Israel, etne sa' elának se'e: ‘Keso aptáhakxa exchek appeywa Wesse' egegkok se'e: ¡Keláneykha nepkések Israel laye, apkeltaqmelchásamákpekxoho apagko' nak chá'a! Nepkések akke payhawok eykhe eltaqmelchesek ma'a keláneykha nepkések.

Ezequiel 34:23

Wának sa' ko'o éxyamok makham ma'a séláneykha David, atnéssesek sa' ko'o wánxa xama keláneykha nepkések ma'a, sa' elánha m'a. Sa' etnehek apkeláneykha m'a.

Ezequiel 37:24

Séláneykha David sa' etnehek wesse' apwányam tén han wánxa xama keláneykha nepkések apagkok ma'a apyókxoho nak, hélyahakxohok sa' nahan chá'a ko'o m'a, elanagkok sa' nahan chá'a m'a segánamakxa ahagkok nak tén han ma'a séltémókxa nak chá'a etnahagkok.

1 Samuel 13:14

Néxa sa' xép katnégwók ma'a aptémakxa nak wesse' apwányam. Etegyaha sa' Wesse' egegkok xama énxet ekleklamo apwáxok, etnéssesek sa' apkemha apmonye' m'a énxet'ák apagkok, hakte melyahákxak xép ma'a apkeltémókxa axta etnehek.