Jeremías 29:7 - Biblia Enxet

⁷ Kóltemeykha sa' yaqwayam kólpasmok ma'a tegma apwányam séxakhagweykenxa nak ko'o kéxegke, kólmaxnésses nahan chá'a kólának apasmok ko'o, hakte taqmelágkek sa' agkok apheykha énxet'ák ma'a, kataqmelagkok sa' kéxegkáxa kélheykha m'a.

Jeremías 29:7 ပူးပေါင်းရင်းမြစ်များ

Esdras 6:10

yaqwayam enxoho kólmések Dios apha nak néten ma'a aqsok ektekyawa ekleklamo nak apwáxok, tén sa' hélmaxnéssesek ko'óxa, tén han ma'a étchek nak.

Esdras 7:23

“Ekyókxoho aqsok apkelmaxneyakxa enxoho chá'a m'a Dios apha nak néten, kólmések sa' chá'a ekmanyehe agko', yaqwayam sa' megkáhapweyk kéllegassáseykegkoho m'a étchek nak ko'o, sektáha nak wesse' apwányam, essenhan ma'a sektémakxa nak wesse' apwányam.

Salmos 122:6

Kólteme kólmaxnak se'e: “Méko sa' katnehek ektáhakxa Jerusalén; tásek sa' katnehek apkelweynchámeykha m'a ektáha nak chá'a apchásekhayo.

Jeremías 38:4

Tén axta apkelámha apmonye'e aptáha apcháneya wesse' apwányam se'e: —Tásek agaqhek xa énxet nak, hakte kelyélaqtéssessegkek chá'a apkelwáxok appeywa m'a sẽlpextétamo apkeleymomap nak makham se'e tegma apwányam nak, tén han ma'a apyókxoho énxet'ák. Mektagkassók ektaqmalma apheykha énxet'ák xa énxet nak, apmáheyók aqsa etwássesha apheykha.

Ezequiel 11:16

Cháxa keñamak séltamho nak etnehek elának se'e: ‘Keso aptáhakxa exchek Wesse' egegkok se'e: Ko'o axta sélántekkesso tén han séxpánchesso nepyeseksa m'a pók aptémakxa nak chá'a énxet, tén han neyseksa m'a apkelókxa megkatnahakxa nak chá'a apkelókxa, yaqwatakxoho eyke. Ko'o sa' atnehek kaxwo' tegma appagkanamap apagkok ma'a apkelmahágkaxa enxoho chá'a apkelókxa.’

Daniel 4:19

“Keñe axta Daniel, kéltéma nak han Beltsasar, apwanmeya sekxo', ekyegwakkasa m'a ektáhakxa axta apwáxok. Ektáhak axta ko'o seyáneya, sektáha nak wesse' apwányam: ‘Beltsasar, nágkatnéssesha aqsa apwáxok sekwanmagko, sekwete exchek ko'o, keñe han yaqwayam nak héltennaksek.’ Aptáhak axta Beltsasar apchátegmowágkokxo: ‘¡Hay, wesse' apwányam, kalpehewakxoho annal'a apkelenmexma xa ektáhakxa nak apwanmagko!

Daniel 4:27

Etne sa' se'e séltamhókxa nak etnehek, wesse': etne chá'a ekpéwomo aptémakxa, ná elána kaxwók mey'assáxma; elwatés aptémakxa ekmaso, epásem sa' ma'a apkelmopyóseka nak. Lapmaxcheyk sa' kexa eweynchamha chá'a meyke ektáhakxa aptáha enxoho xa ektáha nak, wesse', tén han katnahagkok chá'a ektaqmalma apweynchámeykha.’”