Jeremías 29:14 - Biblia Enxet

¹⁴ Naqso', wohok sa' chá'a ko'o hélwetekxak kéxegke, ayaqmagkassesek mók ektémakxa kélheykha: alántekkessekxak sa' chá'a m'a ekyókxoho apheykegkaxa nak chá'a pók aptémakxa énxet'ák, tén han ma'a ekyókxoho yókxexma sélya'assamakxa axta chá'a séxpánchessama, wánchásekxak sa', wának sa' kólchexyók makham se'e yókxexma, sélántekkessamakxa axta. Ko'o sekxeyenma xa, sektáha nak Wesse'.’

Jeremías 29:14 ပူးပေါင်းရင်းမြစ်များ

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

Salmos 126:1

Xama axta aptemessáseykekxo makham Wesse' egegkok Sión ma'a ektémakxa axta nano', máxa negwanmagko axta temék.

Salmos 126:4

¡Wesse', henteméssásekxa makham negko'o m'a sentémakxa axta, ektémól'a ekmámeye kayaqmagkasek ektémakxa m'a ekyamáyekxa nak xapop!

Salmos 32:6

Cháxa keñamak peya nak chá'a ewónmakha exchep ekwa'a enxoho chá'a ekmaso apheykha m'a melyenyaweykha nak chá'a exchep, katyapok sa' eykhe m'a yegmen ekmattawóneg nak, megkammók sa' eyke m'a apheykegkaxa nak.

Salmos 46:1

Dios apteme negko'o segmasma, tén han segyennaqtésso, apteme han sempasmo ekwa'a enxoho ekmaso negha.

Isaías 14:1

Yepyóshok sa' elanok Wesse' egegkok ma'a Jacob. Apkelyéseykha sa' etnekxak makham ma'a Israel, yának sa' elhakxak makham israelitas ma'a xapop apagkok nak. Elyepetchegwak sa' nahan ma'a megkatnaha nak apkelókxa xamo', epaxqeykxak sa' ma'a Jacob énxet'ák apagkok.

Isaías 43:5

Nágye' aqsa, ekheyk ko'o xamók xép. Wának sa' ko'o elchexyók énxet'ák apagkok yaqwayam ewakhegwata', sa' elenyenták ma'a teyapmakxa ekhem nak tén han ma'a taxnegwánxa ekhem.

Isaías 43:6

Sa' atnehek wának nexcheyha s'e: ‘Hélmeyásekxa’ sa', keñe sa' nepyeyam atnehek wának se'e: ‘Ná elmeyow aqsa. Kólnaqlanta sa' étchek apkelennay'a tén han kelwán'ák apheykha nak ma'a makhawo', néxa xapop nak keso nélwanmeygkaxa,

Isaías 45:19

Meyxaxkók ko'o apaqmétek mapaqméswomek nahan ma'a kañe' ekyáqtéssamakxa nak exma keso náxop. Matnehek nahan alának Jacob aptawán'ák neptámen se'e: ‘Hélchetamsakxa m'a meykexa nak aqsok.’ Naqsók ko'o atnéssesek sekpeywa, ko'o sektáha nak Wesse', axének chá'a m'a aqsok ekpéwomo nak.

Isaías 55:6

“Kólchetam Wesse' egegkok kélewagkexa nak makham kólwetekxa', kólwónmakha apha nak makham keto'.

Jeremías 12:15

Keñe sa' natámen sélántekkesso, alásekhekxohok makham, wának sa' elmeyenták makham ma'a xapop apagkok nak, tén han ma'a apkelókxa apancha'awo nak.

Jeremías 3:14

Aptáhak Wesse' egegkok se'e: “Kólchexyem makham, énxet'ák sénmexeykekxa nak ko'o, ko'o sekteme Wesse' kélagkok. Amok sa' chá'a ko'o kélxama xama tegma apwányam, keñe sa' apqánet chá'a m'a ektáha nak chá'a apnámakkok apagko', anaqlakxak sa' ma'a Sión.

Jeremías 30:10

“Ektáhak ko'o sekpeywa s'e, sektáha nak Wesse': Jacob énxet'ák apagkok, apteme nak séláneykha, nágkóle'; Israel, ná égwe', hakte atekkesek sa' ko'o exchep se'e apchókxa makhawók agko', kélchexakhagweykenxa axta kélántekkessama yetlo aptawán'ák neptámen. Meyke ektáhakxa kélheykha sa' katnekxak makham, tén han ektaqmalma, meyke xama aqsok enxoho yaqwayam kalyegwakkasha.

Jeremías 30:18

Aptáhak Wesse' egegkok se'e: “Ayaqmagkassesek sa' ko'o mók ektémakxa nak apheykha m'a Jacob énxet'ák apagkok, kayóshok sa' alanok ma'a apchókxa nak; kólnaqxétekhasagkokxak sa' makham tegma apkelyawe m'a neyseksa nak meteymog nekha'a appalleykemxa axta, tén han kelwesse'e apxanák apkelyawe m'a apheykegkaxa axta.

Jeremías 30:3

hakte xegakmek ekhem yaqwánxa sa' ko'o ayaqmagkassesek mók ektémakxa nak apheykha m'a énxet'ák ahagkok Israel tén han ma'a Judá. Ko'o sekxeyenma xa, sektáha nak Wesse'. Wának sa' ko'o elmeyenták makham ma'a xapop sekméssamakxa axta yaqwayam etnehek apagkok ma'a apyapmeyk nano' axta.”

Jeremías 31:16

Akke aptáhak apcháneya Wesse' egegkok se'e: “Raquel, kalwatés ekwóno; kalek aqtek égmenek, hakte kaxek sa' ekyaqmageykekxa xa ektémakxa nak ekyentaxnamo awáxok: elchexyók sa' makham étchek apkeleñama m'a apkelókxa nak apkelenmexma. Ko'o sekxeyenma xa, sektáha nak Wesse'.

Jeremías 31:17

Yetneyk xama aqsok yaqwayam kaleyxek xeye' amonye': elwaták sa' makham étchek ma'a apkelókxa nak. Ko'o sekxeyenma xa, sektáha nak Wesse'.

Jeremías 31:23

Aptáhak Wesse' ekha apyennaqte, Dios apagkok nak Israel se'e: “Ekyaqmagkassessek sa' agkok ko'o mók ektémakxa nak apheykha m'a énxet'ák Judá, apkelhákxo sa' makham ma'a xapop apagkok nak, tén han ma'a tegma apkelyawe apagkok nak. Sa' etnehek makham apkelpeywa s'e: ‘¡Etaqmelchesek sa' Wesse' egegkok se'e egkexe ekpagkanamaxche nak, ekyetnamakxa nak ekpéwomo nentémakxa!

Jeremías 51:10

Entaqmelchessáseykxeyk axta negheykha m'a Wesse' egegkok. Kólchexyem, óltennágwakxak Sión ma'a aqsok apkelane axta Dios Wesse' egagkok.

Jeremías 8:3

Keñe sa' apkeleymomap nak meletsapma xa énxet'ák élmasagcha'a agko' nak apkeltémakxa, cham'a apkelhámxa enxoho chá'a ekyókxoho yókxexma natámen séxpánchesso, eltamhok sa' eletsapok, mopmenyeyk sa' elweynchamha chá'a. Ko'o sekxeyenma xa, sektáha nak Wesse' ekha sekyennaqte.

Ezequiel 37:21

Keñe sa' etnehek elának se'e: ‘Keso aptáhakxa exchek appeywa Wesse' egegkok se'e: Alántekkessekxak sa' ko'o israelitas ma'a nepyeseksa nak pók aptémakxa énxet'ák, cham'a apkelmaheykegkaxa nak chá'a; wánchásekxak sa' ma'a apheykha nak ekyókxoho yókxexma, tén sa' anaqlanták makham ma'a xapop apagkok nak.

Ezequiel 39:25

“Ekeso éñamakxa sektáha nak ko'o sekpeywa s'e sektáha nak Wesse': Kalepyóshok sa' ko'o kaxwók alanok apyókxoho m'a énxet'ák Israel, Jacob aptawán'ák neptámen nak. Wának sa' kayaqmagkasek mók ma'a ektémakxa nak chá'a, yaqwayam sa' wának ko'o etaqmelchesek ma'a sekwesey ektaqmalma nak.

Amós 9:14

Keñe sa' anaqlanták ko'o makham ma'a énxet'ák ahagkok Israel, kélnaqleykekxa axta megkatnahakxa apkelókxa. Enaqxétekhasagkokxak sa' makham ma'a tegma apkelyawe kélnaqtawáseykha axta, keñe sa' exmakha makham ma'a; eknagkok sa' makham anmen yámet, énagkok sa' nahan ma'a égmenek nak; eknagkokxak sa' makham aqsok aktek namyep, etawagkok sa' nahan ma'a ekyexna nak.

Miqueas 4:12

Makke elya'ásegkok élchetamso apwáxok Dios xa pók aptémakxa énxet'ák nak, tén han ma'a aqsok apmáheyo nak elána'; melya'ásegkok apmáheyo yánchásekxak, ektémól'a hótáhap apyexna kéltéteykekxa kélchexakkassól'a apyempe'ék apák.

Sofonías 3:20

Anaqlanták sa' ko'o kéxegke xa ekhem nak, wánchásekxak sa'; wának sa' kayaqmagkasek mók ma'a ektémakxa nak kélheykha, ekha kéláyo sa' atnéssesek tén han kélya'áseykegkoho ekyókxoho yókxexma nepyeseksa m'a apyókxoho énxet'ák nak keso náxop. Ko'o sekxeyenma xa, sektáha nak Wesse'.”

Deuteronomio 30:1

“Cháhapwa'ak sa' agkok kéxegke ekyókxoho m'a aqsok séltennassama axta, cham'a ektaqmalma nak negha tén han ma'a ekmaso nak negha sekmésa axta ko'o yaqwayam kólyésha, kelchetagkáseyha sa' agkok kélwáxok neyseksa kélheykha m'a apkexakhagweykenxa axta Dios Wesse' kélagkok, nepyeseksa m'a pók aptémakxa énxet'ák

Deuteronomio 30:3

eyaqmagkasek sa' makham mók apteméssesakxa kéxegke m'a Dios Wesse' kélagkok, kélyósekak sa' nahan elano'. Yánchásekxak sa' makham enaqlósawakxak ma'a apchókxa apkelya'assamakxa axta apkelántekkessama,

Deuteronomio 30:5

Yának sa' kólmeyenták makham Wesse' egegkok ma'a apchókxa apmomakxa axta m'a kélyapmeyk nanók axta kéxegke, kólmekxak sa' makham kéxegke m'a; etaqmelchessesek sa' kélheykha, elmések sa' apxámokma apagko' kélketchek, mexók sa' ma'a apweykenxa axta apketchek ma'a kélyapmeyk nanók axta.

Deuteronomio 4:7

¿Yetneya apchókxa énxet apxámokma ekha ketók ma'a aqsok apkeláyókxa, aptéma nak negko'o m'a Dios Wesse' egegkok nélmaxneya enxoho chá'a agának hempasmok?