Jeremías 28:6 - Biblia Enxet

⁶ —¡Elánho annal'a Wesse' egegkok xa aqsok nak! ¡Yánho annal'a katnehek Wesse' egegkok xa aptáhakxa nak appeywa, keñe kólsanták makham ma'a aqsok kélmeykegkaxa nak tegma appagkanamap, keñe elchexyók nahan apyókxoho m'a kélnaqleykekxa axta m'a Babilonia!

Jeremías 28:6 ပူးပေါင်းရင်းမြစ်များ

1 Reyes 1:36

Apchátegmowágkek axta wesse' apwányam ma'a Benaías, apketche nak Joiadá: —¡Katnahagkok sa', cháxa apkeltamhókxa etnehek Wesse' egegkok xa, cham'a Dios apagkok nak xép wesse'!

1 Crónicas 16:36

¡Apcheymákpoho sa' kólteméssesek Wesse' egegkok, Dios apagkok nak Israel, megkatnégwayam néxa'!” Keñe axta apyókxoho énxet'ák aptáha apkelátegmowágko s'e: “¡Katnahagkok sa'!”, yetlókok axta han apkelpeykessamo Wesse' egegkok.

Salmos 106:48

¡Apcheymákpoho sa' chá'a kólteméssesek Wesse' egegkok, Dios apagkok nak Israel, megkatnégwayam néxa'! Apyókxoho énxet'ák sa' chá'a etnehek se'e: “¡Amén!” ¡Aleluya!

Salmos 41:13

¡Apcheymákpoho sa' chá'a kólteméssesek Wesse' egegkok, Dios apagkok nak Israel, kaxwo' nak, tén han megkatnégwayam néxa! ¡Katnahagkok sa'!

Salmos 72:19

kataqmalmakha sa' chá'a kélpeywa kólxének ma'a apwesey eyeymáxkoho nak. ¡Kasawhekxohok sa' chá'a apcheymákpoho keso náxop! ¡Katnahagkok sa'!

Salmos 89:52

Tásek sa' chá'a katnehek apxénamap Wesse' egegkok ekyókxoho ekhem. ¡Katnahagkok sa'!

Jeremías 11:5

Élyahákxók sa' agkok ko'o kéxegke, alának sa' ko'o m'a sekteméssessama axta naqsók alanaksek ma'a kélyapmeyk nano' axta kéxegke, séltennassama axta agkések xapop ma'a ényahamakxa nak weyke nagkeygmenek, tén han yányawhéna' apyegmenek ektémól'a kanyehek yegmen, keso xapop ekyetna nak kaxwók kéxegke.” Axta ektáhak ko'o seyátegmowágko s'e: “Wesse', katnehek sa' xa.”

Jeremías 17:16

Keñe ko'o maltémo yáphássesek ma'a aqsok ekmaso, maltémók nahan yahak apkellegeykegkoho ekmaso m'a. Apya'ásegkók xép ma'a sektáhakxa axta seyáneya, hakte nápaqtók axta ekpaqmétak.

Jeremías 18:20

¿Kólyaqmagkásekxohoya chá'a aqsok ekmaso m'a aqsok ektaqmela nak? ¡Apmetmeyk máxek yaqwayam heyátawanyek! Kaxénwakxoho apwáxok sekpaqhetchessa'akto axta exchep, séltamho epasmok xa énxet'ák nak, séltamho axta exchep elwataksek apkeltaqnawéyak ma'a.

Jeremías 28:3

wának sa' makham kólsanták ekyókxoho aqsok kélmeykegkexa nak tegma appagkanamap se'e ekheykegkaxa axta, ekwokmo sa' apqánet apyeyam, apkelseykekxa axta Babilonia m'a wesse' apwányam Nabucodonosor.

Zacarías 6:10

“Eyekhamha sa' aqsok nepyeseksa m'a énxet'ák kélántekkesso axta, cham'a apkelweykta nak makham apkelenyeykta m'a Babilonia: cham'a Heldai, Tobías tén han ma'a Jedaías. Emyekxa sa' nahan Josías apxagkok xa ekhem nak, cham'a Sofonías apketche nak.

Números 5:22

Káhapwak sa' xe' s'e kéllegassáseykegkoho nak, ekyena enxoho s'e yegmen, eksáyam nak negyemnamaxche'’, keñe sa' kelán'a katnehek kátegmowagkok se'e: ‘Sa' katnehek xa.